يالا نضرب اللحمة..!


كل يوم أشوف خبر عن غلاء اللحمة والاضراب عن شرائها...
ماشاء الله سعرها في الطالع وبقا الجرام عند الجزار زيه عند الجواهرجي...
بس عند الجواهرجي ممكن تفاصل في الشغل و المصنعية...
أما اللحمة فممنوع الفصال وزي ما يقلك البيه الجزار حتدفع...
فكرت وقلت ليه مش نطرح اللحمة في البورصة ويتم تداول البوفتيك زي الأسهم...
وتأملت قليلاً في حال بلدنا وحسيت انه مدبر لها تعيش في كابوس فوضى ولخبطة...
بص كده حواليك حتلاقي كل حاجة ماشية عكس بعضها خلف خلاف...
الحالة دي ألهمتني شوية إبداع كده عالماشي قلت ادونهم ما هو ده اللي فالحين فيه...
نهايتو الابداع أهو:
يا حالم بحتة لحمة يابو هدمة مرئعة
فـاكـرهـا لسـه هايـصـة والمطرة مـدمعـة
يا مواطن مرة ركز وبعقلك قوم وعكز
وشـوف نـواب حكومتـك شافـطنها مولعة
اللـحمة شـغل ذوات ياكلوها في السهرات
عملوها سياخ وكفتة وقهرتـنا مصبعـة
كفاية كاني وماني وحقد وكندوز
وضاني
تخيلها وانت قاعد تطفح فخد مسـئعـة
فطرها الصبح بانجو ترقصلك عالغدا تانجو
ودماغك من الهم تانجو وهي مطرئعة
خليك حمار تعيش وطنش تاكل عيش
يابلادنا وآخـرتها فيك مشينـا على أربعـة

7 عبرني:

يا مراكبي يقول...

:-))

وعجبي

:-)

وهي اللحمة الغالية العزيزة دي تنضرب برضه؟ ده كلام؟

كلمات من نور يقول...

اللحمه بس؟

اللحمه والفراخ و السمك والله وحتى الخضار

زمان كان البتنجان بيعمل طبق مسقعة بتنجان والا بالصلصه وكام رغيف عيش وبيكفي والحمدلله .دلوقتي كيلو البتنجان بكام؟؟؟؟؟؟؟؟ والا طبق الكشري المصري؟؟؟ عليه العوض


أسرة منتدى زبد البحر يتمنى منكم التواجد معنا في منتدى عالم المدونيين والمدونات

http://mhg1962.ba7r.org/forum.htm

غير معرف يقول...

السلام عليكم ورحمة الله وبركاته
فكرتنى بالشيخ امام ايه رايك يادكتور محسن يا مصدر يا غير مسؤل سيبونا احنا نموت باللحمة وعيشو انتم باكل الفول عاوزا قوللك حاجة غريبه خمس عيشات بجنيه وكيلو اللحمة بعشرة تعالى هنا وهتاكل لحمة كتيرة اسمع كلامى وانت دايما ما بتسمع الكلام
كده ولا ايييييييييييييييييييييييه

بيتنا القديم يقول...

يا مراكبي
........
والله على رأيك اللي مش تعرف تغلبه صاحبه أحسن...!
(:
لا بأس طهور إن شاء الله..!

بيتنا القديم يقول...

كلمات
.....
فعلا عليه العوض..بس لحد امتى حنرضى بغلو البتنجان..ألا من إنتفاضة بنتجانية في وجه هذا الفساد الذى أوقف نبض المسقعة في بطون الشعب..!!
(:
دعوة مقبولة بإذن الله..!

بيتنا القديم يقول...

بركات
......
آجي هناك عندك ..
يا عم دي دارفور مولعة..
والجماعة بتوع جرانج مش حيجيبوها لبر ..
بس بجد بجد بسمع ان المعيشة عندكم أحلى من هنا بكتييير أوي..
شكلي كده حطق في عقلي واسمع الكلام..!
(:
كده طبعاً..!

أميرة يقول...

لحمة لحمة .. كل ما انطقها احس بالعز والهنا .. وافتكر ليالي الفتة والسمين وحتى المفروم بتاع الكفتة .. ياااااااااااه
يا رب اكتب على المصريين يشوفوها قريب وانا وانت .. بس مش في الحلم