Surprise


يوم 2/2/2010 قابل عقرب الثواني عقرب الدقائق واخده بالحضن على عتبة بيتنا الساعة 12..
وأخبره بعد سلامات وطيبون أن يخبرني أن طفلتي سهيلة أتمت سنواتها الأربعة بفضل الله وكرمه..
وخطت خطواتها الأولي في طرقات وحدائق وروابي عامها الخامس بمشيئة الله ..
انا لاحظت ان البنت فعلاً كبرتلها سنة كمان بسم الله ماشاء الله..
أولاً الغلاسة زادت أوي في حوارتها وأصبح لها منطق في الكلام..تصوروا..؟!
ثانياً بتقفل الباب بعد ما تيجي من الحضانة وتقولي اطلع بره عشان هغير هدومي..
نياهاهاهاهاهاه..!!
ثالثاً اصبحت تقود البسكلتة بتاعتها بمنتهي السلاسة ومش محتاجة حنطور يجرها..
رابعاً اني نازل النهاردة العتبة عشان اشتري من درب البرابرة لاوازم التورتة ..
وكمان البلالين والزينة بتاعة حفلة عيد ميلادها اللي خليناها بكرة الجمعة..
عشان نخالف عادات الفرنجة ..!
.................................
كل سنة وانت طيبة يا "هايلة"..

4 عبرني:

حصان المرجيحة يقول...

يا باشا ربنا يباركلك فيها
و يجعلها ذرية صالحة
و عقبال ما تفرح بيها و هي في ايد جوزها
تقبل مروري

أميرة يقول...

كل سنة وانتي طيبة يا سوسو .. اربع سنوات عظام في تاريخ البشرية .. ولسه الجاي أعظم

بيتنا القديم يقول...

حصان
....
ياااااااااه يا تري مين يعيش..!
عقبال أولادك بإذن الله تعالي..
(:
مرورك على العين والراس..!

بيتنا القديم يقول...

مرمر
....
بالتأكيد طول ما احنا مع بعض..!