لا يا شلبي

يا جماعة الموضوع مش زي ما انتوا فاكرين...!
لا يا شلبي ..لا وألف لا يا راجل..

وانت يا استاذ ابو النجا ما هكذا تورد الإبل..
لأ لأ ..ده مش اسمه حب يا شباب خالص..
اخص عليك يا ماااااااااااااااااااجد...
استنوا استنوا الأول هو ايه الموضوع أصلاً..؟!
اممممممممممممم..
الحكاية وما فيها ان انا كنت في طقوس شراء عفش لأحد الحبايب..
وبعدين لا قيت معاملتو لخطيبته مش جافة بس..
لأ دي مش فيها ريحة الاموشن ولا السينس اصلاً..
حاجه كده زي ما بيقولوا "حتتباس يعني حتتباس يا عباس"..
البنت كانت وديعة لدرجة تجيب لك شلل في التصور..
والشاب بجد كانت تصرفاته تجسيد رهيب للسلطوية المبكرة..
السؤال بقا : هو لما الواحد يقرأ الحب في عنين الطرف الآخر..
قوم يسود عيشتو ويطلع حبابي عنيه ويتصلب في المواقف..
حبيبي يا "مُحمد" يا خير خلق الله يا من قلت"رفقا بالقوارير"..
ثواني يا شباب افتكرت أقول حاجه لقارورتي:
انت يا مدام ياللي اسمك مراتي..
انت مش حضرتي ليه المعزة اللي حاكولها قبل الأكل..
وكويتي الغسيل بتاعي قبل ما تحطيه في التلاجة..
وكنستي الشقة سبع مرات ..
وفين بقية الفرمنات التانية اللي أنا امرتك بيها..
دي عيشة تقصر العمر..
هوووووووف..!

لامؤخذة يا جماعة كنا بنقول ايه..؟!

1 عبرني:

أميرة يقول...

غلطان شلبي وغلطانة خطيبته وغلطان اللي يزعلك يا ابو العيال