أزواج أبطال


معلهش يا جماعة النور قطع والتدوينة اللي فاتت كلها راحت...
ونقول من أول وجديد ونعيد ونعيد ونعيد ...
الزوج البطل مش هو اللي أول ما بنشوفه بنعرف أنه بطل...
الزوج البطل هو اللي ممكن يعمل عمل بطولي غير متوقع وخارق للعادة...
الزوج البطل هو اللي ممكن يقوم من تحت اللحاف نص الليل ويطلع الغسيل من الغسالة...
الزوج البطل هو اللي ممكن يذهب إلى أبعد من ذلك وينشر هذا الغسيل المغسول ...
الزوج البطل هو اللي يفضل يتحين فرصة ان مش في حد معدي وشايفه بينشر ...
الزوج البطل هو اللي يستخبي من الفضيحة وراء تاندة البلكونة بين كل حتة وحتة...
الزوج البطل هو اللي ينقض لنشر قطعة ورا قطعة لحد ما يخلص سبت الغسيل...
الزوج البطل هو اللي يحافظ على المشابك من الكسر أو السقوط والضياع...
الزوج البطل هو اللي يعود من ساحة الغسيل وياخد مكانه تحت اللحاف دون ضجيج...
الزوج البطل هو اللي زوجته تظل طوال الليل تحلم انه عمل ده كله وهي نايمة..!!

6 عبرني:

أميرة يقول...

بطل طبعا وستين بطل
مرة يسنتف الغسيل
ومرة يغسل مواعين
ومرة يعمل أكل لذيذ ..
ولذلك اختار بطلةتحلم بهذا وهي نائمة
وتشاركه حياة البطولة
وتجيب ألف من الأبطال الصغيرين ..
في الحلم

اقصوصه يقول...

الابطال

جميل هو الحديث عنهم

خاصه واننا

في زمن انقراضهم :)

غير معرف يقول...

السلام عليكم،
أنا ما زلت أوقع المشابك أثناء نشر الغسيل
لهذا فأنا بحاجة لزوج بطل....
مع تحياتي

بيتنا القديم يقول...

مرمر
....
أكيد في الحلم...!

بيتنا القديم يقول...

اقصوصة
.......
لأ لسه مش انقرضوا لأن الأمم المتحدة عملت للرجال محمية لا تدخلها القناصة النساء...!

بيتنا القديم يقول...

Sonnet
........
وفقك الله لما تحبين...!
(: