سري للغاية..!


حسني مبارك: بسم الله وعلى بركة الله نفتتح قمتنا السرية ، وربنا يفتحها في وشك يا نتنياهو يا بني ويشرح صدرك حتى تحرر فلسطين من البحر للنهر.
عباس: جزاك الله خير يا معلم حسني يا كبير على العزومة دي ، أنا شامم ريحة طشة ملوخية جايه من المطبخ جوه..انتو طبخين إيه النهاردة..؟!
الملك عبد الله : خلصونا بقا يا جماعة ورانا مشاريع ثانية أهم من تصفية دماء حماس..
نتنياهو : خليني ابدأ بما أني أكثركم ديمقراطية وبحكم خبرتي في ذبح الفلسطينيين وبيع ضمائر الحكام العرب.. لازم تعملوا معانا عملية سلام وبسرعة..وشعوبكم لو اعترضت تاخد بالصرمة..
حسني ، عباس ، الملك عبد الله بصوت واحد : الله ينور عليك..ينصر دين أمك يا شيخ كمل كلامك..
نتنياهو : حماس إرهابيين ولازم تذبحونهم ، كشفوا أسرارنا ، وقالوا ان حكومة عباس عميلة ، وآخرها كانوا حيدبحوا المسكين عباس..!
حسني ، الملك عبد الله : لاحول ولا قوة إلا بالله ، هذي المصيبة بعينها..
عباس : سنتعاون يداً بيد في القضاء على الشعب الفلسطيني والقضاء على حماس وسنضمن حق غزة في الاحتياجات الأساسية مع ضرب طائرات الاف 16 غداً لسماء غزة وربنا يعينهم..
حسني ، الملك عبد الله : هذا ماجنت يداهم يستاهلوا..الله الله فيهم يا نتنياهو ظبطهم..
نتنياهو: والله أنت اجدع شخص شفته وأنا معاك يا عم !! ربنا يفتح عليك أهو كده الرجالة بصحيح..
حسني مبارك: يا جماعة شوفوا إحنا بايعين أوطاننا وشعوبنا ، فعادي يعني لما نبيع حماس والشعب الفلسطيني..بس وحياة النبي خلصوني شكلي زبالة أوي وأنا قافل بوابة رفح على غزة..المعارضة كلت وشي وممكن الواد جمال ابني يخسر قضية التوريث اللي رفعها على مصر..
الملك عبد الله : الله يرحمهم..ربنا يتقبلهم من الشهداء..هم المناضلين فعلاً مش إحنا
عباس : المشكلة يا جماعة أن حماس الآن تحكم أكثر من مليون شخص !! نذبحهم كلهم ونقول تصفية جماعية وذبح عن طريق الخطأ ولا رأيكم إيه ؟
حسني مبارك: ستوووووب..يا روح أمك منك ليه له..المودام سوزى بتقولكم حناخد بريك عشان الغدا جاهز ..
نتنياهو : لا يا عم أنا مش حاكل في مصر ولا لقمة واحدة..!!
مبارك مندهشاً: ليه يا نونو حد قالك ان فلوسي حرام ولا بأكل من مال أيتام لا سمح الله...؟!
نتنياهو: مش العبارة..بس يعني أنت عارف وأنا عارف ان إحنا بوظنالكم الزراعة وسرطنالكم كل الخضروات..
مبارك ضاحكاً: ياض يا أهبل وأنا بردو حاكل من زرعنا..يا سيدي سوزي بتجيب الأكل دلفرى من باريس..محدش في القصر بياكل من زرع البلد بنت الـ(توووووووووووووووت) دي..!
نظرة ارتياح بين الجميع..بينما نتنياهو يجري اتصال هاتفي لباراك : خلاص يا بيكو من بكره أبدؤوا قصف غزة يا شباب.. أيون أيون أخدنا الضوء الأخضر من القادة العرب..لا لا لا الناس هنا متعاونين خالص و بايعين روحهم وضمائرهم..مش قلتلك ان القادة العرب دول ولاد (تووووووووووووت) يهود ولاد يهود..
........
بتصرف..!

2 عبرني:

يا مراكبي يقول...

ولا سري ولا حاجة

دول مفضوحين ووشهم مكشوف عادي وعارفين اننا عارفين ومش هاممهم

أميرة يقول...

ربنا يحميك يا "عبدوه" وتتربى في حضن ابوك ويبعد عنا العفاريت