الجامعة أم مايوه...!

والله مش عارف أقول إيه..هو صحيح بيتنا من إزاز ..
والحال في جامعاتنا ما يسرش..بس بردو نظرتنا للسعودية..
مهد الدعوة الإسلامية وبلاد الحرمين الشريفين وهيئة كبار العلماء..
بن باز..بن جبرين..بن عثيمين..وغيرهم..
والله يا جماعة حاجة تخجل وتخلي الواحد يحس ان احنا بنتقدم بس لورا..
ايون لورا مش قدام..
يعني ايه علاقة الجامعة التكنولوجية (كاوست) بالمايوهات والبكيني في الميا..
وليه عالبحر..عشان لما يزهئوا من المحاضرات ينزلوا مع اعضاء هيئة التدريس يخدوا غطس..
بجد دي مش حتبقا جامعة بالمنظر اللي حتشفوه في الفيلم الملتقط من داخلها..
حيث اشتبك هيئة اعضاء التدريس والاداريين وبعض الطلبة العرب والأجانب في فاصل من الرقص الشرقي من بتاع شارع الهرم..
الأفلام الأمريكية الهابطة عودتنا ان دايما ولازما وحتما يكون في راجل وست في المعمل والباب مقفول عليهم ووسط الابحاث والاختبارات لا بأس بأن كذا وكذا ..زي ما انتو فاهمين..
واحنا زي البهايم بنطبق..
بس الفرق ان الناس دي في عطائها العلمي دنيوين يعني حيدوك حقك وزيادة ..اختراعات وتأليف وانتاج زي ما قال الكتاب..عشان في البريك يتفرغوا للعلاقات السيكو سيكو..
احنا بقا خدناها من آخرها سيكو سيكو ثم نشوف مسألة العلم دي بعدين..وتحيا الوحدة العربية...!!

خدوا بالكوا بقا في الفيديو بتاع اخونا احمد المسلماني الراجل المسئول ده بيعبر عن العالمية بايه..بيعبر عنها باتاحة الفرصة للي عاوز ينزل الميا من الطلبة او المدرسين بلبوص فهو حر..وخد بالك فين..ده في السعودية والبحر مش ينفع فيه محرم..والخلوة فيه مؤكده..حتى اسئلوا السمك..!!

0 عبرني: