دعوة فرح

تماماً كما جلس الأخ نيوتن تحت تلك الشجرة التى تعرفونها جيداً...
وبالضبط كما استغرقه النعاس بفعل النسيم...
وانتفض بعد أن سقطت تفاحته على رأسه...
وكما هو الحال بعد أن قفز مهللاً...
ياصلاة النبي وجدتها وجدتها...
وقد وفقه الله إلى قانون الجاذبية...
جلستُ أنا تحت أغصانك ...
وأظلتني قطوف الفرح...
وداعب نسيمك خواطري...
فأغمضت جفوني على حلمك...
عساه لا يهرب من خيوط روحي...
وفتحتهما مندهشاً ...
عندما أسقطتى تفاحتك في قلبي...
وبفعل عينيك هتفت...
وجدتها وجدتها...
وتحقق في قلبي...
تعريف جديد للجاذبية...
.............................
تحديث: بمشيئة الله سيتم عقد قران وزفاف أسامة - بيتنا القديم-على الآنسة أميرة - مدونةعلى الطريق- في مسجد الفتح بميدان رمسيس في تمام الساعة الـ9مساءاً يوم 20/ 6/ 2009

36 عبرني:

Jana يقول...

هو تفاح ولا بطيخ
حتلخبطونا معاكوا ليه بقا!!؟
:)))))))))))

الف مبروك أسامة وأميرة
ربنا يتمملكم بخير ان شاء الله ويرزقكم بالذرية الصالحة
بارك الله لكما وعليكما وجمع بينكما فى خير

طب انا عارفة مسجد الفتح بس معرفش ميدان رمسيس فين ...هى القاهرة يمين متهيألى
هاه امشى على طول ..وبعدين!!!!؟؟

بيتنا القديم يقول...

جانا
....
خلطبيطة بالصلصة...
هكذا الحال بيننا...
تارة تفاح...
وتارة بطيخ...
وكلاهما من فضل ربي...
(:
الله يبارك فيك أم جانا وعقبال أقمارك الثلاثة حينما ينفصلون عن فلك عائلتهم مكونيين مع آخرين مجراتهم الخاصة ويخلفوا كويكبات صغننة واقمار رجالة...!!
(:
والله القاهرة متوهش بس المشكلة ان رمسيس شالوه اللي ما يتسموه وودوه مش عارف حتة كده غريبة على الصحراوي..على اي حال لو روحتي هناك في الصحراوي مسددي وحنتصرف باذن الله..!
(:
دمت بخير وسعادة وفرح..!

GiGi world يقول...

مليون مبروك ليكم
بارك الله لكما وبارك عليكما وجمع بينكما خير
يارب يسعدكم ويتمم لكم بخير يارب
ويرزقكم بالذريه اللى تعلى شان الاسلام يارب

بيتنا القديم يقول...

GiGi worled
...........
مليون اهلا وسهلا بيك يا فندم...

عقبالك ان شاء الله وربنا يفرح قلبك..

(:

دمت بخير

Unknown يقول...

الف مبروووووووووووووووووووووووك

شيرين يقول...

ألف الف مبروك ياعريسنا وياعروستنا ربنا يتمم بخير يارب انا لسه جايه حلا من ارض الاحرار وقولت اهنئ وابارك

لولوووووووووووي

قلب ينبض بالحب يقول...

دقوا المزاهر يالا أهل بيت تعالوا جمع ووفق والله وصدق الي قالوه ...بيبو بقى بتهني ولما بيبو تهني ميبقاش اي تهنئة أمال ايه لازم تعمل زيطة وزمبليطة كده مبرررررررررروك يا اخ لم تلده مامتي وربنا يبارك لكم في ايامكم ويسعدكم يارب قووووووووي وانا برضه عاملة عندي بارتي خاص ليكم على المدونة ويالا بقى خد الزغروطة دي لولوووووووووووووووي

بيتنا القديم يقول...

أستاذ أحمد
..........

الله يبارك فيك وعقبالك..

(:

دمت بخير

بيتنا القديم يقول...

شرين
.....
يا أهلاً بالمقاومة وناسها...

والله سألت عليك مرمر اكثر من مرة..

وكانت خايف تنحشري في نفق كده ولا كده.

الف حمدلله عالسلامة..ونورتي القاهرة..

مش تنسي بقا الفتح الساعة 9 يوم

عشرين وعلي رأي المثل سيب البونبوني

علينا وخلي تذكرة المترو عليك..!!

(:

عقبالك يا شرين وتفرح مامتك

بيك..

وتفرح روح باباك وتطمئن عليك..!

تك كير

بيتنا القديم يقول...

قلب ينبض بالحب
..............
- يعني
- يعني
- بيبو
- بيبو
- كمان مرة بيبو
- كمان مرة بيبو
- الوحشين لأ
- الوحشين لأ
- والحاسدين لأ
- والحاسدين لأ
- وتأخير المرتب بردو لأ
- زي ما قالت كده لأ..!
- وسمعني بودعك..!
- سمعها المعوذتين خلي اللي عليها يطلع..!
(:
الف الف الف شكر يا بيبو على الفرح اللي انت نصباه عندك في المدونة ده..كراسي ايه وانوار ايه وزينة ايه
ده انت تلائيك مكلفاه الشئ الفلاني..!
(:
ميرسي اوي اوي اوي اوي يا بدرية وان شاء الله ربنا يكرمك وعقبالك يا فندم أنت وتوأمك..!

غير معرف يقول...

السلام عليكم ورحمه الله وبركاته
ألف ألف ألف مبروك
وربنا يهنيكم يارب
ويكتبلكم الخير
أنا حقيقي فرحانه ليكم اووي
ألف مبروك
بوسي

نهياوية يقول...

الف مبروك

بارك الله لكما وبارك عليكما وجمع بينكم في خير

يا مراكبي يقول...

ألف ألف مبروك

ربنا يبارك ليكم وفيكم ان شاء الله

غير معرف يقول...

ربنا يوفقك انا شاء اللة ياستاز اسامة بارك اللة لكما وبارك عليكما وجمعكما فى خير ان شاء اللة اخوك احمد مكة

بيتنا القديم يقول...

بوسي
....
ميرسي جداَ يا فندم وعقبالك ..

(:

دمت بخير

بيتنا القديم يقول...

نهياوية
......
الله يبارك فيك يا فندم..

(:

دمت بخير

بيتنا القديم يقول...

يا مراكبي
........

الله يبارك فيك يا بشمهندس أحمد وربنا

يوفقك ويفرحك بأولادك..

ويملأ حياتك "تانجو"..

(:

دمت بخير

بيتنا القديم يقول...

أحمد مكة
.......
الله يبارك فيك وعقبالك ان شاء الله..

وباذن الله نتقابل في الحرم عند الكعبة.

(:

دمت بخير

غير معرف يقول...

السلام عليكم ورحمة الله وبركاته
اخباركم ايه انت عاملين ايه ؟؟؟؟
فيه حد يتجوز والبيير فلو ده ماشى فى البلد؟؟؟ حاجه مش معقوله
كده ولا اييييييييييييييييه

راسبوتين يقول...

الف مبروك وربنا يتممها بخير
شكرا أرجو قبول مرورى

Unknown يقول...

الف مبروك يا سمسم انت ومرمر
وربنا يتمملكم على خير يارب ويسعدكم دايما

عصفور المدينة يقول...

مبروك يا سمسم وإن شاء الله أكون موجودا ربنا يتمم لكما بخير يا حبيبي

بـسـمـــة صـــــلاح يقول...

الف مليون مبرووووووووووووك
ليكوا
وربنا يسعدكوا يا أسامة وأميرة

ويكتبلكوا كل حاجه حلوة في حياتكوا
ويرزقكوا الذرية الصالحه

ربنا يتمملكوا بخير

مودتي ليكوا
بسومة

موناليزا يقول...

بارك الله لكما وبارك عليكما وجمع بينكما فى خير
الف مبروك وربنا يتمم بخير

غير معرف يقول...

السلام عليكم ورحمة الله وبركاته
انا كنت فاكر ان الجوازة دى حاجة من حاجات سمسم اللى مش مفهومة,
ولما استقصيت خلى بالك من استقصيت دى عشان انا مش عارف جبتها منين لقيته صح,
بارك الله فيكما وعليكما ورزقكم بالذرية الصالحة,
على فكرة يا سمسم انا حاسس انك هتدعيلى انى احصلك,
كده ولا اييييييييييييييييييييييييه

Unknown يقول...

ياااااااااااه انا دايما متأخرة

ألف ألف مبروك اخى العزيز اسامه

ربنا يسعدك مع اميرتنا الغالية يارب

و عقبال ما نبارك تانى على الكتاكيت الحلوين اللى هيصوصوا قريب ان شاء الله

احلى باقة ورد لاجمل عروسين

ناديه طه

أنا وهالة يقول...

أسامة
ألف ألف مبروك لك ولأميرة
ويارب يملى أيامكم كلها سعادة وحب
وبارك الله دائما لكما

بيتنا القديم يقول...

بركاااات
.........
إزيك يا ولدى..
طبعا لا زم نتجوز..
ده نوع من انواع المقاومة..
البيلوجية للفيروس..!
(:
مانجيلكش في مقاومة يا غالي..!

بيتنا القديم يقول...

راسبوتين
.......
نورتنا وىنستنا يا فندم...

والله يبارك فيك وعقبالك لو مش لو..!

(:

جئت أهلاً وحللت سهلاً..!

بيتنا القديم يقول...

لماضة
....
يا ضكتورة ميرسي وحياة ربنا العظيم..!
بصراحة مش عارف تخصصك إيه بس ممكن نجيلك بالبيبي عن قريب ان شاء الله ..ماهو انت عارفة العيال بقا وتعبها..!
(:
ويجعلو
بالفيتامين
دايماً
عامر..!

بيتنا القديم يقول...

عصفور المدينة
............
الله يبارك فيك يا عصفور يا منور المجموعة التدوينية والشمسية كمان..!
تنور ياباشا بيتك وموطرحك...
على فكرة المأزون معاه قسايم كتير بس انت قشر كده وشاور واحنا تحت امرك..!
(:
تحياتي
من
داخل
القفص
!!

بيتنا القديم يقول...

بـسـمـــة صـــــلاح
..................
أ. بسمة يبدو أنك ناشطة تدوينية في مجال حقوق التهنئات الأخوية..!
الله يبارك فيك يا فندم ودايما منورانا على الطريق في بيتك القديم ونشوفك انت كمان منورة الكوشة ونفرح بك وفيك..!
(:
آميييييييييييييييييين..!

بيتنا القديم يقول...

موناليزا
.......
الف مليون ميرسي يا فندم مش مرسيه واحدة..!
وان شاء الله يرزقك الله بدافنشي صالح يملأ قلبك سعادة وحياتك سرور..!
(:
آميييييييييييييييييييييييين..!

بيتنا القديم يقول...

بركااات
.......
يبقا أكيد اصابك الفيروس بتاع انفلونزا الزغاليل واحداهن زغللت عنيك اللي عايزين قلعهم من محجرهم دول ياااااااض..!
مش قلتلك اتهد واجوزك واحدة من الجنوب يا واد وتاخد معاها قطعة أرض تعملها مرعى على كام الف راس غنم ودكرين بط..!
(:
عيل فقري تحب التعب بعنيك..!
حتيجي مصر امتى؟!

بيتنا القديم يقول...

ناديه
.....
لؤلؤة الأسكندرية أختي نادية..مش متاخرة ولا حاجة ده احنا اللي اتأخرنا على المأزون وكان حيروح ويشمبر الليلة..قال ايه الكوافير مش عاوز يسيب العروسة الا لما تدفع الأتعاب بتاعة الماكير كاملة..علشان ايه..علشان المزين اللي انا اتزينت عنده طلع معرفة واتصل عليه وحذره من محاولتي للهرب..مع اني خيرتهم بين عمل محضر أو الجلوس في قاعدة عرب ونقسط المسائل..بس تعملي ايه في جشع المصريين..قال ايه جنيه عليا واتنين جنيه ونص على العروسة!
(:
نورتينا يا فندم وعقبال كل اللي لسه مش عقباله...!!
(:
تحياتي

بيتنا القديم يقول...

أنا وهالة
.........
يا فندم والله انت كلك ذووق..!
ميرسي على كمية الورد الرهيبة دي..
وان شاء الله نفرح بأي حاجه عندك..
وحي هلا بك في بيتك القديم..
(:
تحياتي