ندالة أهلها...!




ميت ألف فرصه عشان أسيب مصر
ولا عمري سبتها
علشان هى بلادي اللي بجد بحبها
بحبها بكدبها وصدقها
بحب فيها أصالة وندالة أهلها
بحب فيها السهر بحب
زيفها وأصلها
بحب فيها طلعة الشمس
تنور وشها
بحب فيها القمر طالع
يغازل حسنها
بحب فيها المشي علي شط
نيلها وبحرها
بحب فيها بناتها
راسمين ملامح شعبها
دي بنت مايصه وحاطه
ورده فـ شعرها
ودي بنت جد ونازله
جري لشغلها
هتلاقي فين بلد
فيها الكنايس والجوامع
بتحضن بعضها
مسلم مسيحي إخوات
راضعين طيبة من صدرها
نبع الحنان ويناموا حاضنين
أرضها
هتلاقي فين تاني بلد
كل حاجه فيها
تخليك تحبها
هتقولي ظالمه هقولك
برضو بحبها
هتقولي ضالمه
مهو ده سواد شعرها
هتقولي زحمه هقولك
علشان بنعشق أرضها
هتقولي فيها فساد
هقولك ده من طيبة شعبها
جرب كده تسهر ولو وحدك
علي ضف نيلها وحبها
جرب تشوف شاب
شايل في قلبه
هموم الدنيا كلها
وبرضو بيحبها
جرب كده تاكل دره وترمس
علي شطها
وتشوف وشوش الناس
واضحك زيها
طب وانت ماشي لوحدك
ووقعت في مشكله
مش بتلاقي ألف واحد
جمبك بيحلها
لا تعرفهم ولا يعرفوك
بس جمعكم حبها
أهي هي دي مصر
زاحمه ظالمه
فاسده ضالمه مش مهم
ده كفايه خفت دمها
هافضل لمصر أقول وأعيد
أنا أصلي عاشق أرضها
وطبعا ده كله كلام في الهوا
أنا لو تجيني نص فرصة هقول لها
بالسلامه يا مصر
ومش عايز أشوف وشها
وهي دي بقى ندالة أهلها

10 عبرني:

new life يقول...

جميلة قوى يا أسامة
بس ملقيتش غير الندالة عنوان لها

kochia يقول...

هههههههه
النهاية مختلفة عن كل السياق
بس تعرف
نهاية منطقية

كل سنة وانت طيب

غير معرف يقول...

:)
:) :)

kochia يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

بيتنا القديم يقول...

new life
.........
ربنا يخليك يا فندم..
للأمانة مش من تأليفي هى اتبعتت لي على الميل وانا نشرتها..
والندالة أعتقد هى الأنسب في ظل وضعنا الحالي..!!
كل سنة وحضرتك طيبة..!
تحياتي

بيتنا القديم يقول...

kochia
......
ههههههههه
الحمد لله إنها عجبتك..!!
كل سنة وانت طيبة..
(:

بيتنا القديم يقول...

أميرتي
.....
ضحكتك سكر أوي يا مرمر..!!
بـ
حـ
بـ
ك
(:

بيتنا القديم يقول...

kochia
......
كل سنة وانت طيبة..!
(:

مشنوق في بلد مخنوق يقول...

السلام عليكم قصيدة ندالة أهلها من تاليفي انا واعوذ بالله من كلمة انا مصطفي محمد مدحت مصطفي وهذا عنوان مدونتي www.crydarsh.blogspot.com شكرا جزيلا لكم

مشنوق في بلد مخنوق يقول...

قصيدة نداله اهلها من تاليفي وقد قمت بتاليفها في 2008 وشكر جزيلا اخوكم مصطفي محمد مدحت www.crydarsh.blogspot.com