العيب..!



تحذير:الفبدبو المعروض يحتوي على شتائم بذيئة غمض ودانك...!

ناتالى بورتمان ممثلة صهيونية-امريكية سمعت عن الشتيمة المصرية معجبة بيها جداً لدرجة الانبهار ناتالى مش عارفة ان ده عندنا عادي جداً وبنسمعه غصب عننا كل يوم في طابونة العيش..وقسم الشرطة..والمصالح الحكومية..والأفلام العربي بدون رقابة..والميكروباص بتاع الهرم..وبالطبع دى تحية زوار الفجر..وأطفال الكولة والبانجو في الشوارع..والجلسات الغير مذاعة لمجلس الشعب..و ده يا نتالى يا بنتي اكبر رد يا ماما على المشككين أمثالك فى الريادة المصرية،وعظيمة يا مصر يا أرض اللوا...!

10 عبرني:

عاشــــــ النقاب ـقــــة"نونو" يقول...

هههههههههههههههههههههه
علشان يعرفوا ان دي بلد حضارات
استأذنك أخد بانر نحكم عقلنا نهاجر كلنا
الله يخليك مش هاخده الا اما تأذن لي
جزيت الخير وكل عام وحضرتك بخير

بيتنا القديم يقول...

عاشقة النقاب
............
لا يستئذن المرء في بيته...!

(:

وعلى العموم قد أذنت لك..!

(:

تحياتي

Nohaz يقول...

اية الولية الابيحة دي

الله يكسفها

سمسم
اخبار الخطوبة
ولا انت مستخسر الشيكولاتة يا عم

سمسم الله يخليك

لو تعرف علاج لحسد جامد دلني

ايام الامتحانات كنت بعيا ليلة الامتحان
وجالي شغل حلو زملائي اتغاظوا قوي
من يومها عيانة مروحتش ولا يوم

بجد مش تطنش انا عيانة قوي

غير معرف يقول...

واحشني يا سمسم

بالنسبة للموضوع
ربنا يهدي ناتالي وتلم لسانها

وفيه حاجة تانية كنت عايز اقولها خارج الموضوع لكن جوة المدونة

ثلاثية دايت ..... فين بقيتها؟
الرجل محكاش باقي الحوار وانتهى ازاى وسهيلة جت من مين وعرف مين ازاي وهكذا

وأخيراً

نفسي اشوفك ...... خصوصاً ان لينا مع بعض عزومة في العهد الجديد لسة ما عملناهاش ...... نعملها بعد ما أخلص جيش

تحية حب

جندي مجند أحمد هندي - قوات الدفاع الجوي - تحية من أرض الرباط

والسلام

bastokka طهقانة يقول...

صحيح اللي اختشوا ماتوا

بيتنا القديم يقول...

Nohaz
......
الشيكولاتة محفوظة يا فندم وكل شئ قسمة ونصيب..!!
المهم
بصي يا فندم
العلاج سيستمر ثلاثة أيام وهو من وحي اجتهاد اخوة معالجين يعني مش وحي من السما بس في ناس جربته وجاب نتيجة جميلة جداً وماشاء الله عرفوا الحاسد وقتلوه واتحكم عليهم وكده...
(:

في اليوم الاول : الاغتسال بماء الوضوء غسلا شرعيا بعد صلاة الفجر وقبل بزوغ الشمس ، وبعد الاغتسال ، قراءة مجموعة المعوذات ، وبعد صلاة الضحى قراءة سورة " يس " ، وبعد صلاة الظهر قراءة الرقى الشرعية ، وبعد صلاة العصر قراءة سورة " يوسف " وبعد صلاة المغرب قراءة مجموعة التسابيح ، وبعد صلاة العشاء قراءة الرقى الشرعية ، وبعد صلاة قيام الليل قراءة مجموعة الاستغفار



وفي اليوم الثاني : الاغتسال بماء الوضوء غسلا شرعيا بعد صلاة الفجر وقبل بزوغ الشمس ، وبعد الاغتسال قراءة الرقى الشرعية ، وبعد صلاة الضحى قراءة الاذكار الصباحية ، وبعد صلاة الظهر قراءة مجموعة المعوذات ، وبعد صلاة العصر قراءة سورة " الكهف " ، وبعد صلاة المغرب قراءة مجموعة التسابيح ، وبعد صلاة العشاء قراءة الرقى الشرعية .



وفي اليوم الثالث : الاغتسال بماء الوضوء بعد صلاة الفجر وقبل بزوغ الشمس غسلا شرعيا ، وبعد الاغتسال قراءة الرقى الشرعية ، وبعد صلاة الضحى قراءة سورة " المزمل " ، وبعد صلاة الظهر قراءة مجموعة المعوذات ، وبعد صلاة العصر قراءة سورة " المدثر " ، وبعد صلاة المغرب قراءة الرقى الشرعية ، وبعد صلاة العشاء قراءة مجموعة المعوذات ، وبعد صلاة قيام الليل قراءة مجموعة الاستغفار .

تمام كده........!
(:
بس لازم تمشى على الكورس كويس مش توقعي يوم منك اوك
شفاك الله وعفاك
(:

بيتنا القديم يقول...

أحمد
....
هقولك ايه...
بحبك ياض
وان شاء الله نتقابل على خير
بخصوص دايت مستني الباشا يكمل حكي عشان اكمل كتابة.......!!
قريباُ التتمة ان شاء الله
فى تدوينة نزلتها هدية ليك
(:

بيتنا القديم يقول...

bastokka طهقانة
...............

نعم هم كذلك بالفعل..!!

(:

Nohaz يقول...

كتير قوي مفيش حل اسهل؟؟ّ

بيتنا القديم يقول...

Nohaz
......
ان شاء الله في....

بصي يا فندم....

أذكار الصباح والمساء ضروري جداً

سبع تمرات في الصباح قبل أكل اي شئ

وسبعة زي ما قال حبيبك النبي صلي الله

عليه وسلم..!!

قبل النوم قراءة آية الكرسي

والمعوذتين وانت ضمه كفيك امام فمك

أثناء القراءة ثم مسح كامل جسمك بعد

القراءة بنية الشفاء..!!

والشافى ربنا..!

(: