فعلاً بقت فوضى..!!



دي مش لقطة من فيلم ليوسف شاهين..ودي بردو مش بنت عادية..دي أكيد بنت باشا..وشكله باشا كبير أوي..العصايا اللي معاها مش عشان تقلب بيها الغسيل..لا سمح الله..دي هدية بابا ليها عشان تكهرب المواطنيين أمثالي وأمثالكم..

تحديث:
.....

تم التعرف على شخصية الشاب الذي تهدده الفتاة البلطجية التى ظهر صوتها واضحاً وهي تهدد الشاب بصعقه بالعصا، وإصابته بالشلل لوقوفه أمام سيارتها بسيارته رقم ٥١٧٠٩٨ ملاكي جيزة، وقالت الفتاة إنها ابنة عميد شرطة في مديرية أمن الجيزة، وسبت الشاب بألفاظ غير لائقة، فيما حاول المارة تهدئتها وإبعاد الشاب حتي لا تطوله العصا.

حيث يعيش أحمد السيد - شهرته حمادة - مع أسرته في الطابق الثالث من العمارة ٤٦ بشارع «معروف» في العمرانية، والتقت صحيفة «المصري اليوم» والديه، الذين قالا إنهما لا يعرفان شيئاً عن الحادث، وأكدت والدته أن ابنها «في حاله وما بيحبش المشاكل»، فيما قال والده «الموضوع في إيد أحمد.. فإذا أراد تقديم بلاغ فهو حر».

كان الكليب انتشر سريعاً علي المواقع والمدونات الإلكترونية، وتظهر فيه الفتاة غاضبة، وارتفع صوتها بالسباب وأخرجت هاتفها المحمول واتصلت برقم وهي تقول» هاكلم أبويا عميد في مديرية أمن الجيزة وهييجي يطلع... أم اللي خلفك»، ثم تحدثت عبر الهاتف قائلة «أيوه يا بابا.. ابعت لي ضابط من النجدة.. أنا في فيصل دلوقتي !!

6 عبرني:

الفقيرة إلى الله أم البنات يقول...

ايه يا سمسم
انت مش فاهم.؟؟؟؟؟!!! معقول؟
دى حاجه من اتنين
إما ابوها عسكرى امن مركزى..وربنا فتح عليه
فدى ورث العيله..وكمان التميمه بتاعة النجاح
او انها شنطة ايديها..ودى موضوه جديده

اللى مستغرابه بجد مش العصايه
لاء الناس اللى واقفه
دى لو حد شخط فيها هيغمى عليها
هو احنا بقينا بنخاف من الهوا
سبحان الله
جبت الكليب ده منين...؟ده حالنا
زعلانه قوى من الناس

يا مراكبي يقول...

أنا لسه شايف الموضوع ده في مدونة حد تاني مش عارف مين .. بس بجد ماعنديش تعليق لأن الحكاية ليها أكتر من بعد

التحرش

العربية اللي راكباها

الميني جيب

سطوة أبوها

العصاية المكهربة

الناس اللي بتخاق ما بتختشيش

غير معرف يقول...

سمسم
الصراحه مكنش عندى صوت
بس لما سمعت
عرفت ايه ده
وكده يبقى ربنا يعافينا يارب

أم البنات

بيتنا القديم يقول...

الفقيرة إلى الله أم البنات
......................

هكذا صار حال بلدنا..!!

ولكن الحق مش عليهم

الحق علينا احنا

طيبة الى درجة السذاجة

وحذر الى درجة الجبن

العالم دي ياما حتتجبر اكتر من كده

رجعنا للأبعدية والباشا والخولي

إقطاع فى صورة مودرن

التغير من عندنا

ربنا يقوينا على الفترة اللي جايه

امممممممممممممممم

كل سنة وانت طيبة..!!

(:

بيتنا القديم يقول...

يا مراكبي
........

هذه مفردات المجتمع المصري ..!!

(:

بيتنا القديم يقول...

ام البنات
..........
اللهم امين ....!!

وليس من رأي كما سمع ..!!

ربنا يلطف بينا فى المصايب دي ..!!

(: