عبط


العبط هو العبط
لا سذاجة و لا هبل
بل عبط بيور نقي
أعراضه معروفة
تصيب الرجل والمرأة
و لكنها فى المرأة
واضحة اوي
وتصبح أمراً خطيراً
لأنها ستتحرك فى المجتمع
باعتبارها عبيطة وهى لا تدري
نهايتو
تعتبر المرأة الذكية مطلب أي رجل
للارتباط بها اذ يعتبرها الرجل
اما جيدة لابنائه في تعليمهم وتربيتهم
وكذلك تدابير الحياه المعيشية
ولكن صدمته يا عين امه لما يكتشف
انها عبيطة..عبييييييييييطة يا عالم
في المرأة جانب هو أكثر سحرا
و أشد جاذبية من اي شئ..ألا و هو العقل
فمن المعروف أن العقل عملة نادرة عند النساء..!!
ومما يميز عقل المرأة عن عقل الرجل
أنه إذا توافر فيها تجده قد مُزج بشيء من المكر
وتعطر بقليل من الكيد فتراها حادة الذكاء
متوقدة الذهن
وإذا كانت المرأة كذلك صارت أهلا للمشورة
ولا أكاد أجد في المرأة لذة كتلك التي تأتي بمشاورتها
والأخذ برأيها
وأول ما تكون بوادر العقل في اللسان
فتراك تنتشي بطيب حديثها
مع عذوبة ألفاظها
و غزارة معانيها
ومن النساء من تشعرك
انها رائعة
حتى في غضبها
و يُستلطف ردها
إذا ما كدتها
أو تواغدت عليها
..................................
فاصل من حديث إمرأة عبيطة
في المترو تفتح قلبها لأى امرأة لا تعرفها
و تحكى لها أدق تفاصيل حياتها
من أول مرة تلقاها فيها تقول:
" بقالى خمس سنين متجوزة
بس ما خلفتش
و بينى و بينك العيب مش منى
ده من جوزى
اصل و هو صغير
وقع على ضهره .... "
حد معاه كبريت وجاز يا شباب

10 عبرني:

koukawy يقول...

اذا كان علي الكبريت و الجاز فأمرهم سهل
بس تصور فعلا ليك حق
بس الأنيل من كده.....لما تقعد تحكي مع سواق اميكروباص و هي قاعده جنبه
الموضوع ده بيلفت نظري جدا

شــــمـس الديـن يقول...

ههههههههههههههه

انا بضحك لسببين

اولا لعبط المراة اللي انت حكيت عنها دي

لكن الضحكة الاخري هي ضحكة ممزوجة بتعجب

لاني اعرف جديا شعار الرجل الشرقي

" تعامل او تزامل - دا للمحترمين - و بالبلدي "صادق " امراة ذكية , و لكن عند الزواج تزوج امراة غبية !!!!

و قد قال لي احدهم نصاً ان المراة الذكية في مجتمعاتنا الشرقية جريمة لا تغتفر و لابد من تدميرها !!!!
و علي فكرة دا مش راي واحد ولا اتنين دول ناس متيرة فعلا اعترفت بالحقيقة دي !

لان الرجل الشرقي يخاف كثيرا كثيرا علي عرشة الوهمي من ذكاء المراة ... فان كانت غبية حقا فهذا دليل اخري علي تأصيل ذكاؤة , و انت كانت ذكية يمتهنها حتي لا يشعر ان رجولته قد انتقصت منه و يجد لذة في امتهانها و عدم الاكتراث برأيها

لا اريد ان اقول ان من يسلك هذا السلوك هو في الاساس غير واثق من رجولته لان الرجل رجل و المراة مراة حتي لو كانت ذكية و لكن هناك جزء لا يمكن التعدية عليه او عليه و لكن لن تستطيع ان تنتزع موروث ثقافي متأصل تأصل التاريخ

لا ادري اخي الكريم , و لكني اعتقد انه عند الجد سوف تختار المراة الغبية "و لكن ليست العبيطة علي اي حال "

خالص التحية علي المقال اللي مش مصدقة انه ممكن يطبق واقعي :)

zahra يقول...

فيه ستات لسانها عايز الحرق
لكن انا ضد التعميم فى كل شىء
فى حق الراجل او افى حق المرأة

MiraMar يقول...

هههههههههههههه
اللهم عافنا مما ابتليت به غيرنا
العبط سمه انتشرت في هذا العصر
وكأنه وباء اجتاح
وربنا يستر
لأنه كما يبدو بينتشر عن طريق العدوى
ومش بعيد نلاقي مصل في المصل واللقاح ضد العبط كمان شويه
وهيلاقي اقبال شديد في وسط المستعبطين
والذي سيثبت عدم فعاليته أكيد لأنه هيكون مضروب كالعاده
في نوعين من الستات ست عبيطه بالفطره وست بتستعبط"أي تدعي العبط"بعيد عنك
ونكتفي بهذا القدر من الحديث عن العبط
:)
السلام عليكم

dodda يقول...

ههههه
انت بتشتغل ايه؟؟
طب بتجيب الكلام ده منين؟؟؟

ههههه
مره واحد كان عايز يتجوزنى غشان الiqبتاعى عالى!!

بيتنا القديم يقول...

koukawy
.......
بداية اهلاً بيك

وحمدلله على السلامة

(:

نورت بيتك القديم

(:

بالنسبة للعبط فهو لا يعرف جغرافيا

تلاقيه فى الميكروباص والمترو وطابور

العيش واحياناً فى كابينة طائرة متجهة

الى دبي يوم 12 / 10 / 2003

(:

بيتنا القديم يقول...

شمس الدين
........
"لكن عند الزواج تزوج امراة غبية"
.
.
.
.
هؤلاء لم يجربوا نعمة جوهرة عاقلة..!!

عارف زي الفرق بين الايس كريم بالفستق

والايس كريم السادة..!!

(:

بيتنا القديم يقول...

زهرة الياسمين
...........

ازيك يا فندم

ونحن نؤيدك فى عدم التعميم

ولذلك قلنا ان بعض النساء

وليس كلهن..!!

(:

بيتنا القديم يقول...

MiraMar
.......

(:

ازيك يا دكتورة..!!

الحق ما ذهبت اليه ووافقك عليه اجماع

العقلاء...!!

(:

حلوة عبيطة بالفطرة..!!

بيتنا القديم يقول...

dodda
.....
هههههههههه...ههههههههههههه..ههههه

(:

انا بشتغل صحفي يا فندم

والكلام ده من واقع بنعيشه كلنا

عاوز يتجوزك بس عشان الكعب بتاعك عالى

اما دماغه يعني ولا مؤخذه بكعب هى كمان

(:

رددي

الحمد لله

الذى عفانا

(: