كوابيس


عوووووووووه...!!
كح كح كح ..خخخخخ..عووو..وو..كح..وو..كح كح...هوووووف..!!
أهلاً يا شباب...
الكابوس هو حلم يحدث خلال النوم الذى يتميز بحركات عين سريعة ويشار إليها باسم (REM) والذى يصاحبه شعور قوى لا يمكن الفرار منه بالخوف قد يصل إلى القلق.
والكوابيس منتشرة بين الأطفال -مارد وشوشني-أكثر ويقل حدوثها كلما يكبر الطفل ويقرب من مرحلة البلوغ، ويحلم حوالى 50% من الكبار بالكوابيس أحياناً -حلمى ابوعنكبوت-وتكون السيدات أكثر من الرجال فى الحلم بالكوابيس -شعنونتي- لكنه لايتطلب أى علاج، قد يكون تناول الطعام مباشرة قبل الخلود للنوم من أحد الأسباب للحلم بالكوابيس -أندل برص-والتفسير وراء ذلك أن تناول الطعام يزيد من عملية التمثيل الغذائى التى تحدث بجسم الإنسان ومن نشاط المخ.
يفترض من كل أب و أم بعد سماع كابوس ابنه أن يفكر فيه ملياً فإنه يعطيه غالباً أسباباً وراء هذه الأحلام وغالباً ما يكون من الحكمة أن تساعد الطفل على مواجهة الموضوع الذي يخيفه في أحلامه والتغلب عليه من خلال إعطاء الطفل إحساساً بالسيطرة على ما يخيفه والثقة في نفسه من خلال ذكر بعض الأمثلة التي تزيده طمأنينة وتساعده على استعادة توازنه وثقته في نفسه.
وفي صحيح مسلم عن أبي سلمة بن عبد الرحمن قال:إن كنت لأرى الرؤيا تمرضني، قال فلقيت أبا قتادة فقال: وأنا كنت لأرى الرؤيا فتمرضني حتى سمعت رسول الله صلى الله عليه وسلم يقول: الرؤيا الصالحة من الله، فإذا رأى أحدكم ما يحب فلا يحدث به إلا من يحب، وإن رأى ما يكره فليتفل عن يساره ثلاثا وليتعوذ بالله من الشيطان، ولا يحدث بها أحدا فإنها لن تضره.
وعشان خاطرى يجب المداومة على أذكار النوم ، ونحن في بعض الحالات ربما ننسى هذه الأذكار، ولكن فائدتها معروفة ومثبتة، وقد أكد كثير من الناس في الليالي التي ربما نسى فيها أحدهم ذكر هذه الأذكار، أن نومهم يكون غير مريح وربما تنتابه الكوابيس.
قولوا أذكاركو..وريحوا بالكو
مع تحيات
حملة شد اللحاف
لتوعية ما قبل النوم
(ح ش ح ت ن).

36 عبرني:

عصفور المدينة يقول...

بعد إذنك أروح أشرب قهوة وآكل لي لقمة بس مش حانام دلوقت حانام بعد الصلاة

dodda يقول...

اول تعليق
وتاج يا prince
تعدى عليه تستلمه

فراشة البساتين يقول...

اجمل شىء

تنويهك لاذكار ماقبل النوم

باسلوبك الجميل ده

(قوللوا اذكاركو وريحوا بالكو)

فعلا الاذكار دى مهمة جدا قبل النوم

منعا للكوابيس وخلافه

شكرا على موضوعاتك الجميلة
.............................

وشكرا بجد على زيارتك ليا

بجد نورتنى

ارق تحياتى

عاشــــــ النقاب ـقــــة"نونو" يقول...

قولوا اذكاركوا وريحوا بالكوا
اد ايه معجبة باسلوبك البسيط المرح
ربنا يعزك
تحياتي

Jana يقول...

يا ريت كل الكوابيس مارد وشوشنى
من كتر مانا رومانسى
احيانا باغير من نفسى
ههههههههههههه
بس طبعا من غير البرفيوم المميز بتاعه
هشان الكابوس ميكتمش على مراوح القلب
:)
بخصوص الحديث الشريف
للاسف معظم الناس لا تطبقه
ويصحوا الصبح يحكوا كل التفاصيل لكل اللى حواليهم بحثا عن تفسير يريحهم

احلام سعيدة..جرب روز زهرة الربيع المتفتحة النهاردة
هههههههههههه

بيتنا القديم يقول...

عصفوري
......
امممممممم

ماشي يا عصفوري

مع العلم ان العصافير

تأوى الى اعشاشها مبكراً

(:

بيتنا القديم يقول...

dodda
.....
تاااااااااااااااااااااااج

يبقى انت اللي قتلت بابايا

(:

تاج مقبول

وذنب مغفور

بإذن الله

رايح اجيب سلطانية

آخد فيها التاج بتاعى

فوتك بعافية

(:

بيتنا القديم يقول...

fire bird
.........

اممممممممممممم

وداني احمريكا...؟!!

يا فندم لا شكر ولا كلام تخين من هذوها

القاموس الرسمي

مدونتك مدونتي

وبيتنا القديم هو بيتك بردو

بجد بقا شكراً ليك انت ولكل انسان

استقطع من وقته وزارني وقرأ كلماتي

(:

قلت الأذكار امبارح ولا لأ...؟!!

(:

لونك مخطوف وشكلك شوفت كااااااااابوس

بيتنا القديم يقول...

نونو
....
واد ايه انا بتشرف بزيارات الناس

المحترمين امثال حضرتك يا فندم

(:

قولت اذكارك النهاردة؟!!

(:

بيتنا القديم يقول...

Jana
.....
حجزت لك انت والاولاد فى محل

كوا

بيس

(:

عيشوا حياتكم

بس خلوا بالكم من الأطفال..!!

(:

مدام مخيفة مش جت النهاردة

تحب تسمعى صرختها المسجلة

نياهاهاهاهاهاهاهاهاه

di el2mr يقول...

طيب واللى مش بيحلم اصلا
يعمل ايه ؟؟؟؟؟؟؟؟
D:

أمل فتحى عزت يقول...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

darkness يقول...

جزاك الله خير


:)

بيتنا القديم يقول...

di el2mr
........
يبقا يتمني على ربنا يشوف رؤية حلوة

يعني يتمني يشوف شئ بيحبه...!!

وأكيد أكيد ربنا هيكرمه ويحقق حلمه

(:

بيتنا القديم يقول...

أمل فتحى عزت
............
من عنيا يا فندم

شرفني مرورك انت ايضاً

(:

بيتنا القديم يقول...

darkness
........
وجزاك يا كابتشن..!!

(:

Tamer Nabil Moussa يقول...

بوست مميز

ربنا معانا لااحسن الكوابيس دى شىء مخيف

انا كنت دعيتك عشان الحلقة الثانية نزلت من ارض النور وحضرتك مش جيا وانا نزلت الثالثة كمان

تحياتى

ليكوريكا يقول...

موضوع جميل اوي

والبلوج اجمل واجمل

بس ايه حملة شد اللحاف دي

انا عامل حمله (تحت اللحاف)

بس اكيد اهدافنا واحده

وهوا النووووووم العميق :)

----------------------------

ليكوريكا

نعكشة يقول...

طيب واللي مبيحلمش اصلا يعمل إية

عارفة ان كلنا بنحلم
بس انا معظم الوقت مبفتكرش إني حلمت
ومبحسش إني حلمت
وبقوم وانا مش حلمت
مع إني حلمت
اعمل اية يا دكتور :(؟؟؟؟

انا صراحة مش مداومة عالاذكر بس بحاول اقولها علي قد ما بقدر

وفية كمان

33 سبحان الله 33 الحمد لله 33 الله اكبر 1 لا إله إلا الله
دية عشن لما تقوم تلاقي نفسك كلك نشاط و حيوية

دمت سلم
تسلم عالبوست

سلامون عليك

عروسة ننوسة يقول...

اولا....اوعى تزعلى انا بس اتضايقت ان لقيت نقد على انى بتكلم على ناس وبحسن صورة نفسى....القصص دى خيال مش حقيقة يعنى مجرد قصص ساخرة او تجارب لبعض ناس انا بحاول اصيغها بشكل ساخر
لك تعليقك لقيته على ان القصة قصتى والموضوع بجد بصراحة اتخضيت اصلى متعوده الاقى تعليقات كلها طريفه
تحياتى

Unknown يقول...

تحيتي
تقريبا كأني جيت المدونة دي قبل كدة وسيبت دعوة هنا عشان تزورني في المدونة بس تقريبا معجبتكش عموما مدونتك حلوة جدا والمواضيع الي بتتكلم فيها عجبتني فعلا حكاية
شكرا

بيتنا القديم يقول...

Tamer Nabil
............
يا فندم
انا كنت هناك من شوية..!!
بالأمارة ميجو وميجي
ربنا يكون في عونهم
عشان قوات العدو احاطت بخيامهم
وتقريباً كده
سيادتك داخل بابطال الحلقة ناحية حارة سد
وكرسي في الكولوب
(:
بالحق يا تمووووووور
انت بتكره ميجو ليه..
يا تري عشان بيحب ميجي..!!
ام انت في صف دوق آرثر
الذي يكره ريتشارد قلب الأسد...؟!
مجرد سؤال...
(:

بيتنا القديم يقول...

ليكوريكا
........
امممممممم
اذن يا صديقى نحن ننطلق من نفس الايدلوجية اللحافية نحو هدف جليل وهو النوم العميق...لا ضير ممن يكون فوق اللحاف ومن يكون تحته...طالما ان الهدف نبيل..!!
(:
مرحباً بك ليوريكا
في بيتك القديم
وتحت لحافك الوثير..!!
(:

بيتنا القديم يقول...

نعكشة
.....
اممممممممممممم

على فكرة يحدث مع البعض ان يحلم فيقوم ولا يتذكر حرفاً مما حلم به...!!
وبعضهم يتذكره مجملاً بمعني انه يؤكد لنفسه انه رأي شيئاً ويقتله التفكير ولكن بلا طائل فلن يتذكر...!!
الا انه وفي بعض الاحيان يتحقق الحلم ويتفسر على شكل وقائع في الحياة فيتذكر الشخص ذات التضاريس فجأة ويؤكد انه رأى ذات الاحداث قديماً وهو لايعلم انه رأها في رؤية لحكمة ما انساه الله اياها..!!
هذا والله تعالى اعلى واعلم
والى لقاء سابق باذن الله
(:
بس ايه حاكية السلم دي
كيف ادوم لك سلم
هل تريدين شيئاً من النملية
حتى تدعين عليا بان
يسخطني الله سلم؟َ!!
(:

بيتنا القديم يقول...

عروسة ننوسة
..........
لا عليك عزيزي..!!
انا بس افتكرتك زعلت مني..!!
وبحسب ان القصص دي تخصك..!!
بصفتك عريس يعني وبتخوض مغامرات
فاحببت ان انكشك لنعلم ما فى جعبتك
على العموم احنا اخوات يا مان
ومش في راجل يزعل من راجل عشان شوية
مشاريب..!!
والله المشاريب النهاردة على حسابي
انت عزيز عليا يا صاحبي..!!
(:
(:
(:
ملحوظة:
.......
انا رجل
ولست فيميل..!!
ــــــــــــــ
بجد تشرفت بمعرفتك ومش تزعلي حصل خير
يتحرق العرسان على ايامهم الملغبطة
ولتحيا المرأة بلا اعداء ..!!

بيتنا القديم يقول...

كاتب مصري
.........
حبيبي زعلك على عيني..!!
والله والله والله ما تزعل مني
انا أكيد مقصر معاك بس معلش
سامحني
وعلى العموم
انا رايح مدونتك يا برنس
وهفرمها قراءة وبحثاً وفحصاً...!!
(:
لسه زعلان...؟!!
خلاص بقى
المسامح كريم
(:

غير معرف يقول...

والله كتر خيرك دانا ساعات بيجيلي كوابيس بصحى من النوم مخضوضة ومش فكرة اي حاااااااااجة
والاذكار كمان جزاك الله كل خير

بس معلش سؤال رفيع هو الكلام اللي باللون البرتقالي ده عبارة عن ايه

غير معرف يقول...

وحشني البيت القديم

دا المكان الوحيد اللي ممكن تنام فيه من غير كوابيس

عموما ياريت نقدر ننام

كوابيس احلام مشحتفرق

نوصل للسرير وربنا يكرم من عنده

بيتنا القديم يقول...

نوره(الخشن)!!
.............
ربنا يجزيك خير يا نوره ويبعد عن الكوابيس...!!
بالنسبة لسؤالك الرفيع عن مغزي الكلمات ذات السحنة البرتقالى فهي اسماء وردت في طيات فيلم كرتون شهير جداً اسمه "شركة المرعبين المحدودة" مدبلج بصوت محمد هنيدي وحنان ترك وآخرين بصراحة لازم تشوفيه بشرط مش قبل النوم
اوك
(:

بيتنا القديم يقول...

afew good men
.............
انت وحشتنا اكتر يا مان..!!

حبة تفاؤل مش هتخسر حاجه..!!

احنا سيئنالك الاوضة بتاعتك وغيرنالك

الملايات والفرش وبدلنا الورد...

المفتاح اهو

غرفة اتنين

على ايدك اللي

بتصفع بيها

الدور التاني...!!

المصعد خربان

فاستقل رجليك بقا

(:

Unknown يقول...

شكرا على الزيارة ولو أني على عجل لكنت قرأت البوست وعلقت ولكن لي هودة مؤكد لي عودة تحيتي

بيتنا القديم يقول...

كاتب مصري
.........
مستنيك حبيبي

تشرف فى اي وقت

بيتك ومطرحك

(:

غير معرف يقول...

ههههههههههههههههه

على فكرة سمعت عنه كتير وغالباً اختي الصغيرة شافته هبئى اسألها مخبياه فين عالكمبيوتر واتفرج عليه

سؤال مكلبظ المرة دي ليــه مش قبل النوم؟؟؟

بيتنا القديم يقول...

نوره (الخشن)!!
.............
امممممممممم
ليه مش قبل النوم...!!
هو المفروض ان انا الطبيب المعالج بتاعك وكاتم اسرارك ومش من مصلحتك اقولك ليه بس وكما هو معمول به في افلام نينه أمينة واثناء هطول سيل الدموع من جموع الممثلين والمخرج والعاملين في مبني الاذاعة والتلفزيون عندما يخبر الطبيب البطلة المنبطحة جوه الدولاب انها مصابة بدور برد ولازم تشرب ريفو وتضحى عشان الفيلم يعيش...الخ الخ.
من هذا المنطلق اقول لك يا نورة
ان "اندل" بيدور عليك عشان يخطفك هو و"حلمى ابو عنكبوت" بعد ان فضح مؤامرتهما "مارد وشوشنى" ومدام "روز" زهرة الخريف المتفتحة وقوات مكافحة الاطفال..!!
المهم
متشغليش بالك انت بخير يا نوره..!!
بالك انت بخير يا نوره..!!
انت بخير يا نوره..!!
بخير يا نوره..!!
يا نوره..!!
نوره..!!
!!
(:

نعكشة يقول...

ممممممممممممممم


نظرية برضو

سبحان الله

له في خلقه شئون
......

دمت سالم وليس دمت سلم
وبعدين هيا النملية فيها إيه بالظبط؟؟؟

اكيييد مبالغ طائلة
عامتاً

دمت سالم

سلامون عليك

بيتنا القديم يقول...

نعكشة
.....
وعليكم

السلمون..!!

(: