كل سنة وانا طيب..!!


الشهر ده..مايو/ أيار يوافق عيد ميلادي المجيد..

وايماناً مني بجسامة الحدث..وتأثيره على الصعيدين قبلي وبحري..

اتقدم رافعاً ازازة فيروز اناناس مشبره من الثلاجة..

واقول لسموي المتواضع..

بلا خيبة والنبي..الناس وكستها السبت والحد وانت....

ايه ده..

مين اللي مشغل التلفزيون على فيلم نجيب الريحاني..؟!!

امممممممممممم..

طيب..

اظاهر نجيب الريحاني كان مولود معايا في نفس الحضانة...

بالتاريخ والساعة والثانية...

علشان كده الفنانة سعاد محمد بتباركله...!!

قد ايه كلمتها جت في وقتها...!

قوموا نولع في التورتة..!!

8 عبرني:

Jana يقول...

يااااااه
طب كل سنة واحنا طيبين
كويس انك مقلتش على اليوم بالظبط ..عشان ميبقاش يوم اضراب آخر
:)
متخافش .. التورتة لما يكون فيها104 شمعة ...البيت كله حيولع مش التورتة بس
:))
المهم
كل سنة وانت طيب بمناسبة عيد العمال
طبعا......

lonely يقول...

كل سنه الامه العربيه بخير
دا عيد قومى وانا اقول ادونا اجازه فى الشغل ليه اتارى دا عيد ميلادك وانا مش عارفه

غير معرف يقول...

عيد ميلاد سعيد

مبروك اضاف لك سنة من عمرك

عقبالي

:)

Hend.feps يقول...

كل سنة و سيادتك طيب

بيتنا القديم يقول...

جنى
....
وانت طيبة يا فندم ومصر كلها بخير وسعادة وزيادة 30% يا رب دايماً
وانتهز الفرصة واشكر السيد اللواء سعد الجرجيري على اتاحته الفرصة للمواطنين ليصرخوا مهنئين الريس بعيد ميلاده المجيد..واحب اسمع اغنية "نعمين يا سي ناظمي" بتاعة فيلم انت فين يا سطوحي دوختني عليك...!!
(:

بيتنا القديم يقول...

لونلي
.....
يا فندم مشغولايتك وارتباطاتك واهتماماتك هي اللي تسببت في عدم القائك نظرة فاحصة ماحصة على النتيجة المرشوقة على الحيط...!!
بصي كده اهو مكتوب على جبين النتيجه يوم اربعين منه سنة كيت وخمسين عيد فحت قناة السويس..!!
(:
دمت بخير

بيتنا القديم يقول...

نيمو
....
الله يبارك فيك يا فندم..!!
هل شبرقت قليلاً من التورتة..؟!!
ان كنت لم تتشبرقي بعد فمدي يدك واسمعينا صيحتك بسم الله الله اكبر
وارشقى وفقك الله في صحن التورتة قبل ان يغير عليه الاعداء فلا تلحقى صابوناً ولا ماء..!!
(:

بيتنا القديم يقول...

Hend.Feps
.........
وانت بالف صحة وسلامة يا هند واشوفك عروسة وارتاح من صداع خطابك يا بنتشي..!!
(: