اطلاق سراحي يا رجالة..!!


أطلقت مباحث أمن الدولة مساء السبت الماضي سراح الزميل أسامة عبد الرحيم الصحفي والقيادي بحزب العمل ذو التوجه الإسلامي بعد أن احتجزته لمدة سبعة أيام في مقرها بمنطقة المعادي بالقاهرة .
وقال أسامة عقب خروجه أن قوة من مباحث أمن الدولة هاجمت منزله بمنطقة دار السلام في تمام الساعة الحادية عشر من مساء الأحد الماضي وطلبت منه التوجه معها إلى حيث لا يدري بعد أن صادرت عددا من كتبه الخاصة وجهاز الكمبيوتر الخاص به "اللاب توب".
وأضاف أسامة أن القوة توجهت به إلى مقر المباحث بالمعادي واحتجزته مع عدد كبير من الشباب الذين تم اعتقالهم بالمنطقة على خلفية انتخابات المحليات .
وأوضح أسامة أنه لم يتعرض للمساءلة ولا مرة واحدة طوال مدة احتجازه غير أنه تم عرضه مساء يوم السبت على أحد الضباط الذي سأله عن علاقته بالمركز العربي للدراسات ومشاركته في المظاهرات والفعاليات الخاصة بحزب العمل .
..............................................
على فكرة عشان اللي ما يعرفش يعني..
انا بقا اسامة عبد الرحيم..
مين قال معرفكش..؟!!
............................................
شكر خالص من جوة قلبي لكل من رفع كفاً ودعا على الظلمة
ان ربنا يتوب عليهم..عشان هم مصريين مثلنا واخواننا
ومن رفع كفاً ودعا لي ولمن هم مثلي بظهر الغيب
ولمن رفع كفاً واحترم نفسه ومرضيش يعني..يعني..
المهم نزل كفه بقا من غير ما يقل عقله..دي ناس محترمة بشكل..!!
شكر خاص
للزميل اسامة الهتيمي..
والزميل علي عبد العال..
والمحامي محمد متولي..
ولموقع حزب العمل..
وموقع عربهم ..
وموقع جريدة المصريون..
وبقية مواقع الانترنت التي ساهمت..
في حملة الافراج عن العبد لله..
شكراً لـ(ماما) لم اكن اعلم ان قلبها اصبح
مثل باقي قلوب امهات غزة..
شكراً للجميع..

16 عبرني:

Unknown يقول...

كفارة يا ريس
عودا احمدا
لما اروح اشوف بقيت البوستات
حمد لله على سلامتك
بدات اقلق عليك الحمد لله انك بخير

Bella يقول...

الف حمد الله على سلامتك

وربنا ينتقم من العالم السخيفة دي

معلش ماكنتش اعرف

كنت فاكراك مختفي انشغالا

حمد الله على السلامة كمان مرة

Jana يقول...

جعله الله فى ميزانك...وان لم يكفر به سيئاتك...رفع به درجاتك

بس مقلتش اخبار الجو فى سويسرا ايه!!؟؟
انا اطالب بعمل تدوينة ..يوميات سمسم فى سويسرا
ولا بلاش...لتروحها تانى
D:

تحية من القلب لمامتك...ربنا يحفظهالنا جميعا

بيتنا القديم يقول...

لماضة
....
السلام عليكم
عدنا من جديد
من سعيد الحظ اللي هيفوز معانا بأول رد
اووووووووووووووووووووووه
لماضة هااااااااااااااااانم
مبروك عليك القرعة-بضم القاف- اوك..
الله يسلمك يا دكتورة..وشكر الله لك قلقك على اخيك التدويني سمسم...
والله وحشتوني كلكم..
ربنا يخليكم ليا...
(:

بيتنا القديم يقول...

بيلا
....
والله دايماً في بالي..حتى وانا هناااااااااااااك
بس متخفيش الموساد حب يدحرجني في الكلام
بس انا مش رضيت اقول اسمك..!!
(((((:
اخوك راااااااااااااااااااااااااااااااااااااااااااااااااجل
تك كير..!!

بيتنا القديم يقول...

جنى
....
والله بنت حلال
كنت لسه بجيب في سيرتك انا والظابط..!!
ابشري
ربنا هيجعلوا في ميزان حسناتك انت هذه المرة..!!
((((((((((:
عارف ان قلبك جااااااااااااااااااااااااااااااااااااااااامد
المهم
ماما بتسلم عليك..!!
بجد مش تهريج..!!
ان شاء الله بعمل مقالة باللي حصل
وممكن اعمل يوميات على المدونة
تك كير

غير معرف يقول...

أولاً حمد الله على السلامة
ثانياً وحشتناجداااااااااااً
ثالثاً انت متقدرش تقفل المدونة علشان محدش يقدر يسيب الناس اللي بيحبوا
و معلش لو كان كلامي غلس شوية
مجهول رقم 2

بيتنا القديم يقول...

مجهول 2
.......
حبيبي وروحي وقلبي.!
اخبارك ايه؟!!
بجد انت ومجهول (1) وحشتني جداً جداً
وبجد كلامك صحيح مش ممكن اقدر اقفل شباك حياتي الوحيد المطل على الشمس اللي هي انتم..!!
احبكم جميعاً...!!
ملحوظة
ارفض تماماً وصف كلامك بالغلس..!!
الا لو غير مجمع اللغة العربية مسمي العسل الى الغلاسة عندئذ يكون كلامك العسل غلس بعد تغيير المسمى..!!
تحياتي يا غلس..آ..قصدي يا عسل..!!
(((((((:
تك كير

ammola يقول...

حمد الله على السلامة
وانا اللى كنت فاكراك دخلت فى "الفرّة"اللى ماشية اليومين دول وزهقت مننا وجبت ضرفها..بس طلعت ظالماك وانت كنت بتصيف فى الشتا
ربنا يتقبل منك والله لا يعيدها

يا مراكبي يقول...

كفارة يا معلم .. بس إنت غيبت قوي .. هو المنتجع اللي إنت كنت فيه ما كانش فيه إنترنت وألا إيه؟

break يقول...

حمد لله على السلامة
احنا فعلا استغربنا و خصوصا مع اخر بوست

حمدلله على السلامة مرة تانية
و كفارة

:)

غير معرف يقول...

سمسم حمد لله على سلامتك يا استاذي وربنا يجعله عامر يارب ويارب يارب يارب تخرب سويسرا بالي فيها بقول ايه الميل باظ ممكن تضفني تاني

بيتنا القديم يقول...

يامركبي
.......
ههههههههه
والله انت رايق يا جدع..على كولن خدمة الدي اس ال لم تصل هناك بعض لكن خدمة الكهرباء متوفرة اقصى مما تتصور..!!
(((:
اخبارك ايه يا باشمهندس..؟!
هل لا زلت تجيد رقص التانجو..؟!
(:
ربنا يوفقك وجزاك الله خير ..
تحياتي

بيتنا القديم يقول...

بررررريك
........
دكتورة الدكاترة المعطرة..!!
ربنا يقربلك البعيد ويجعلك في كل خطوة جثة..ويجعل ايامك عمليات ناجحة..ويفتحلك شرايين الخير..ويغلق لك نزيف اي حزن او سوء...!!
روحي يا شيخة..بس ما تتأخريش
((((:
اخبارك ايه؟!!
واخواتك الحلوين..
شو حالهم وكيف صار معهم؟!!
السلام امانة لهم كلهم..!!
ورفقاً بالضفادع..!!
(:
بالحق
بالنسبة لسؤالك اللي فات..!!
احب اقولك ان سألتلكم جماعة من العلماء وهم قالوا ان الضفادع لا يجوز اكلها لذا عليكم انكم تتوبوا الى الله وتخرجوا صدقة على روح الضفادع اللي انتم يعني..يعني..ولا مؤخذة يعني ...!!
(((:
تك كير

بيتنا القديم يقول...

اختي الثالثة
...........
هضيفك وامري لله..!!
تعبتي قلبي معاك..!!
(:
لماذا هذا الدعاء علي سويسرا..وهي واحة للأمن والديمقراطية والـ...!!
(:
يالا بقا كله بيروح في الغسيل..!!
قالوا:
يزول الألم ويبقى الاجر..!!
(:
تك كير

بيتنا القديم يقول...

امولة
.....
الاخير ربه كريم..!!
معلش والله مش خدت باللي من فرط
اعتيادي على كلامتك شعرت انني قد رددت عليها بمجرد المرور عليها
عشان انا باحس ان اعرفك حضرتك من زمااااااااااااااااااااااااااان
(:
ربنا يخليك
ومدونتي مشرعة لكم جميعاً
على مدار العمر كله..!!
(:
دمت بخير