يا عم بتاع المكياج



يا عم يا بتاع المكياج الله يجـازيـك
مكياجك خبا الشيتا والعفريته واللي
يحـرق مصنعـك مـع مبانيـك
والمعرض الموجـود في بيكاديلي
بدعيلك تتكسح وتنشـل رجليـك
ده دعائـي ليك كل ما هاصلـي
خليتني اهيس ورا البنت يجازيك
واشوفها اجمل غـرام ٍ حصـل لـي
قلبي عشقها يا(جيفنشي) توماتيك
وعملتها كوبي اسكرين في عقلي
البنت قالـت يا حليوة افديك
كل ما بشوفك قلبي يهنج تملي
وقالت لي انا فرختك يا ديك
وهوريلك مالم تراه يا حلولي
طلعت اهبل وخيبة والبركة فيك
وقلتلها أنت فاتنتي يا دوللي
بس اشوفـك من غيرمكيـاج يكسيـك
احب اشوفـك سك بالاستايل المحلـي
قالت عاوز تشوفني اون سيراميك
وزاوت روجي ورموشي وكحلي؟!
قلت أي نعم يا سوسو الروح تفديك
احب جمالـك الطبيعـي يا خلي
قالت اوك راجعـه لـك وهوريـك
شغل ابويا ميدو والحاجة مامتي
وساعة مارجعت مغصت الله يوريك
وحسيت الارض بتدور وانـا في محلـي
الخد يا(جيفنشـي) حطام سيراميك
والعيون خصامها الزيادة حولني
الوجـه يشبه بيـت كلـه شبابيـك
ناقص له يافطة مغلق يا فقري
كلـه بسبـب مكياجـك الله يجازيـك
خليتني مخـدوع فـي شكـلها البقري
نصيحة لكل شاب من غير تشكيك
خليها تغسل وشها البمبي
يا اما تطلع موناليزا تملا عنيك
يا اما اشكيف ورا المكياج متخبي

2 عبرني:

Jana يقول...

هههههههههههه
تستاهل

ماهو ده بقا ورق الحائط الثانى الملصق فوق الاول ..وعليك ان تجتاز كل الطبقات لتصل الى القشرة الاصلية
ثم تقوم بتقشيرها هى الاخرى ..لتنفذ الى روحها ..
فتجد وقتها اما ما يؤذيك فتقول يا فكيك
او ما يرضيك ..فتلاقى فرختك يا ديك

فلا الباركيه ولا السيراميك ولا التشطيب السوبر لوكس . يغنيك عن دخول الشمس وتهوية القلب اقصد الشقة
:)

بيتنا القديم يقول...

جني
...
يييييييييييييييييه..!!

لسه هقشر..؟!!

مافيش حاجه جاهزة..!!

من غير قشر..!!

(: