سين و جيم

س: اسمك ايه؟!
ج: سمسم حضرتك..!!
س: ودلؤتي اسمك ايه؟!!
ج: لا اتذكره..فقط شذرات ماضِ حار عقلي في ترتيبها..
وحروف هجاء متناثرة على سفح القمر..!!
س: جميل خالص..!
ج: (!!)
س: عرف الحياة..؟
ج: سائل لا لون له ولا طعم ولا رائحة..!
س: عرف المرأة..!
ج : ضلع فر من صدر الرجل تطالب به الجينات وترفضه خلايا المناعة..!
س: تعرف توصفها ازاي؟!
ج: من عطرها..!
س : افرض كان رخيص وتلاشى..؟!
ج: محال..هو مرتبط بروحها..!!
س: قيمة عطرها اذن؟!
ج: من قيمة اخلاصها..!!
س: هل تعتقد في الدباديب..؟!
ج: خدعة يلجأ اليها فقراء المشاعر ولو كانوا اغنياء..!!
س: وازاي تعرفها انك بتحبها..؟!
ج: اكنسل عليها..!
س:(!!)
ج: اللي يتحرق قلبه على رصيدي..يستحق احبه..!!
س: غبي..!
ج: هكذا ظنت هي قبل ان تفارقني..!!
س: ايه هو القدر..؟!
ج: مالاتود ان تعرفه..!
س: ماعورة الرجل؟!
ج : قلبه..!
س: جمال المرأة..؟!
ج: ورق حائط يستر مزايا وعيوب..وعلى الرجل ان يستكشف ما خلفه..!
س: النصيب..؟!
ج: هو مالا ترضى عنه غالباً..ولو في قرارة نفسك..!
س: سمسم..!!
ج: نعم
س: مبروك يا ابني..!
ج: (!!)
س: انت قلت الحقيقة..!!
ج: نياهاهاهاهاهاه
س: عشان كده..سقطت..!!
ج: عاااااااااااااااااااااااااااااااااااااء
..................................
من وحي الموبايل..!!

4 عبرني:

Jana يقول...

مبروك على السقوط
مجموعك الادنى من 50% لا يؤهلك لدخول اى كلية.....
لكن بعد الرأفة والنظر اليك بعين الرحمة
قد يسمح لك بدخول جامعة خاصة ..كلية الحياة..قسم تركيب ورق حائط...نظرا لخبرتك السابقة المشهود بها
:)

بيتنا القديم يقول...

جنى
....
بارك الله فيك يا فندم يا ريت كل الجامعات المصرية تحذوا حذوك..!!
والله مش كان الطلبة طفشت وتركوا المحاضرات هروباً الى كافتريات الكلية..!!
(:
بالحق لأول مرة في مصر اساتذة التدريس في الجامعات المصرية عاملين اضراب النهاردة عن التدريس لتحسين دخولهم..!!
قال يعني الدروس وبيع الكتب المقصوصة من المراجع مش مكفيهم..!!
(:
وانت عامله ايه؟
(:
بالنسبة لخبرتي..وهم توهمه قارئ المدونة..!!
(:

ammola يقول...

الحياة..لوّنهاوهى تتلون ماحدش حيلونهالك
المرأة..الضلع اللى فرّ دايما بيحن لمكانه وفكك من خلايا المناعة
وصفك للمرأة من عطرهاوهمى...
جمال المرأة وقبحها ايضا قد يستران مزايا وعيوب
انا مش عارفة ايه مشكلة الناس مع المرأة الجميلة؟؟المفروض انها تتعاقب على كده؟الرجالةعايزينها بس بيخافوا منها والستات طبعا غيرة وحسد..يعنى يعملوا ايه فى نفسهم بس
مية النار هى الحل
ربنا ينجحك فى الملحق بأه

بيتنا القديم يقول...

ammola
.......
"لوّنهاوهى تتلون ماحدش حيلونهالك"

لأ

سايبس دلؤتي بقا بيلون الدهانات

بالكومبيوتر..!!

ما عليك الا ان تحملي دلو حياتك على

عاتقك وتختار اللون المناسب..!!

شخصياً برشحلك الاسبونش لون قلب الخصاية

اخضر فاتح على اصفر كناري

بحبه

(: