حكايتي مع البحر


الامواج تغضب لغضبتك
تثور لثورتك
تثأر لكرامتك
تضطرب..وتضرب الشاطئ تحت قدميك
حتي تصفح عن نفسك
وتعفو عن ذاتك
حتي يرتسم الهدوء
علي وجهك وتبتسم لها ثانية
تلقي عليك رزاز شالها المزركش
بحبات المياه
الهواء يأتيك من كل جانب
محال ان يتركك لحالك
حتي تحكي له كل شئ
لا تتحرج فهو يكتم الاسرار
كوبري استانلي
ملاذك حين تتعثر الخطى وتتوه
بير مسعود
استحضره واسكن اليه حين تضيق الروح
جزيرة نليسون
أمكنة جوة الروح تلهيك عن مرارات الواقع
وتسفرك فيها وتتودد اليك
شاطئ البحيرات
غموض قادر علي اختراق ما بداخلك
فهو الوحيد القادر شق اعماق الماضي
وترتيب اوراق المستقبل
في الأسكندرية فقط
تتأمل أمواج البحر تغازل الشاطيء
البحر ونواته اللاسعة القوية الرائعة
هو الوحيد الذى يمكننى مناقشة
حوار صريح مع نفسى أمامه
وتبدو الأشياء جلية أكثر
عند النظر اليه
صافي ليس كمعظم من عرفتهم
صادق
كلماته حاسمة لا يقبل انصاف الحلول
يترك بصمه حنينه علي روحنا
وبصمه غريبه
للبحر روح و ارواح
للاسكندرية اصوات
تدخلنا وندخلها
وتجعلنا اكثر التصاقا بانفسنا
الامكنه هي ظلال الناس
للمكــان لحن تسمعه الروح
والحنــين نغمة تعشقنا ونعشقها
الاسكندرية كم اعشقك
فقط في الشتاء

15 عبرني:

lonely يقول...

للبحر روح و ارواح
قليلين من يشعرون ان للبحر روح وقلب
للمكــان لحن تسمعه الروح
لم تطربنى كلمات مثل تلك
الاماكن والارتباط بها والحنين اليها واللهفه لرؤيتها خاصة حينما تحمل ذكرى جميله او حتى مريره
فللمكان ارتباط خاص بالروح والقلب والوجدان
لا يستشعره الكثيرون
فهى ليست مجرد طوب وحجاره
هى لحظات من عمر مضى كانه لم يمضى

الاسكندرية كم اعشقك
فقط في الشتاء
صدقت

وابدعت

عصفور المدينة يقول...

ومين سمعك يا سيد أسامة

عمر بوك ستورز يقول...

حلو قوي :)
.
.
تعلن مكتـبــة عمر بوك ستورز عن خصم عااااام لكل كتب المكتبة وعلى كل إصدارات دور النشـر المختلفة ...خصم 25% على جميييع الكتب
الصـادرة حتى 2005 ، ولهـذا وجب التنبيـــــــة
.
.

بيتنا القديم يقول...

lonely
.......
"لم تطربنى كلمات مثل تلك"

ياستي انشالله ميرسي يا رب

ارجو ان تكون كلماتي القادمة ان شاء

الله توحي لك بمزيد من الاعجاب

او..الطرب!

(:

دمت بخير

بيتنا القديم يقول...

عصفور المدينة
............
يبدوا ان بك شوق ولوعة

ولكن مثلك ليس هواه يعلم!

مش هتكلم

(:

دمت بخير

بيتنا القديم يقول...

عمر بوك ستورز
.............
شكراً يا فندم

وضروري ان ابعزأ جزء من مهيتي في كتبة

سيادتك!

شكراً لمرورك

ونراك في معرض الكتاب ان شاء الله

دمت بخير

Jana يقول...

السلام عليكم
بعد تسجيل اعجابى الشديد باروع وصف قريته على اسكندرية فى الشتا بجد
يا سمسم انت قطعت قلبنا
ومادام نفسك تيجى اسكندرية فى الشتا
اتفضل على الرحب والسعة
وانا اضمنلك اسكندرانى اوى وامولة وانا وباقى الاسكندرانية الجدعان...اننا نستضيفك عندنا بالذات فى النوة اللى شغالة دلوقتى
حضرتك ..اتفضل على شط ستانلى الساعة سبعة الصبح فى وسط الميه يا ريت والموجة بتلطش فى الموجة عايزة تاكلها...واستنانا بقى
احنا جايين اهو

غير معرف يقول...

اسكندرية بتحلو فى الشتا
فرحانه يا سمسم بيك ..
و الموجه تسابق الموجه
عشان تبوس رجليك
و طيور النورس نطقت
تقول .. الله يخليك ..
و اقروا الفاتحة لأبو العباس
يا أبو السماسم يا أجدع ناس
------------------------------
و شكرا .. ألف شكر
حوريه

ammola يقول...

باضم صوتى لصوت "جنى"
وبما ان اسكندرانى اوى مسافر-وانابعدكلام" جنى" بافكر اسافر
:) يبقى العزومة عند "جنى"
نتكلم جد...ايه ده بس ده انت غلبت الاسكندرانية وعامل تدوينة "غرام ع الكورنيش"بس خطيرة
ما تسمعش كلام "جنى"وتستنى ع الكورنيش الساعة سبعة الصبح علشان الدنيا بتكون تلج...انت صلى الفجر واتجه على طول الى ابوقير
ولو ليك عمر ...ابقى ادعى لى

بيتنا القديم يقول...

ammola
........
ربنا يخليك

ويبارك فيك

ويجعل اماكن ذكرياتك وردي دايماَ

وفي طاعة الله..!!

(:
دمت بخير

بيتنا القديم يقول...

عصفور المدينة
............
انا سمعتك يا عزيزي عصفور

وبما انك كثير الطيران فأرتباطك بالأماكن

اوثق واعمق...ولا ينبأك مثل خبير

(:

دمت بخير

بيتنا القديم يقول...

عمر بوك ستورز
..............
عمر ربنا يخليك

وان شاء الله نزور مكتبك

تنبيهك وصل ياباشا

(:

دمت بخير

بيتنا القديم يقول...

Jana
.....
"اتفضل على شط ستانلى الساعة سبعة الصبح فى وسط الميه يا ريت والموجة بتلطش فى الموجة عايزة تاكلها.."
.
.
.
في حياتي لم اجد قلب اطيب من قلبك يا فندم..ايييييييه الخوية دي..؟!
والساعة سابعة كمان..!!
وفي النوة..!!
والموجه بتعضعض في الموجه..!!
طب هجيب تصريح دفن معايا عشان لما تيجو تشوفوني ماتتعبوش في الإجراءات..!!
(:
سلام

بيتنا القديم يقول...

حوريه
.....
ياستي انشالله ميرسي يارب..!!
انتو كده يا اسكندرانية كلامنجية..بس جدعان وولاد بلد والفسفور بيشع مع الكرم عندكم..!!
تحياتي يا فندم
(:

بيتنا القديم يقول...

ammola
........
ان شاء الله العزومة هتكون عندك..!!

وبردو هنبقا نجيب ام جانا اهي

اسكندرانية بردو وعايزلكم الخير..!!

وعلي العموم انا بدعيلك من هنا القاهرة..لحد ما اول ابوقير ..بالحق اتقل في اللبس ولا اجي ماتنيه..!!
(:
دمت بخير
ونلتقي علي الكورنيش قريباً
بإذن الله
(:
تحياتي