بسكو مصر...!!


إخواني واخواتي

معاشر المدونيين وغير المدونيين

يا من سكنتم القلب بعقد مفتوح

وإفترشتم الوجدان وانتختم في الروح

زملائي وزميلاتي مرضي التدوين النفسي

يعني مجانين النت...وعفاريت البلوجرز

أحبكم

ايوة بجد وحياة ربنا العظيم

ولذلك أجدني مضطر لهذا التصريح العظيم

من ذاتي المتواضعة الغارقة في الزهد

أنتم اللذ طعماً من البيتي فور والبيتي فايف

الغريبة والكعك بجواركم نشارة خشب

بالجملة استطيع القول بعد بحث علمي مضني وجاد

انتم اللذ طعماً من منتجات بسكو مصر اللي بالسمنة البلدي

كل سنة وانتم وذويكم -رائعة ذويكم دي..حتة من زمن الفن الجميل- بخير

كل سنة وامتنا من شمال الكرة الارضية الي جنوبها بخير

كل سنة وكل سجين ومعتقل ومظلوم الي نصرته اقرب

كل سنة وكل مجاهد ومرابط ومقاوم الي إنتصاره اقرب

كل سنة وكل عالم ومربي وطالب علم وباحث الي التسديد والصواب اقرب

كل سنة والعراق وفلسطين وافغانستان والشيشان وبورما والفلبين وكشمير....في حرية وامن

كل سنة وكل دمعة علي خد ارملة ويتيم ومسكين وفقير وجدت من يمسحها

كل سنة وكل شاب وفتاه قد يسر الله لهما الزواج وجمع بينهما في خير

كل سنة والحبيبة اللي علي الكورنيش عقلوا وتابوا واستغفروا الله وتاب الله عليهم

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كل سنة وانت بخير واسأل الله لك التوفيق...ولقلبي الصبر!!





16 عبرني:

عصفور المدينة يقول...

كل عام وأنت بخير وشكرا على التهنئة الرقيقة والمدح وإن كنا احنا عارفين اننا ألذ
:)

يا مراكبي يقول...

كل سنة وإنت طيب

جميل البوست ده وفكرته جديدة فعلا

قصة يارا والعصفور رائعة جدا .. بأشكرك على نشرها

smraa alnil يقول...

كل سنة وانت طيب يا سمسم
بس انا زعلانة

مش شاية اسمي من ضمن القائمة دي كلها

:))

كل سنة وانت طيب وبلاش الكحك بتاع بسكو مصر بقي

بلاش فقر

:))

Jana يقول...

طب يا سيدى متشكرين
ولو انى مدقتش منتجات بسكو مصر بقالى مدة
الا انى ساعتمد على كلمتك..انها بالسمن البلدى
ولأنى عارفة السمن البلدى غلا قد ايه
فأشكرك مرة ثانية على وضعنا عندك فى مكانة اكبر منه

.....ولكن لى رجاء
بلاش بوست من نفس النوع ده فى العيد الكبير..! ! ..الله يكرمك

فطرا سعيدا

بيتنا القديم يقول...

عصفور
.....
كيفك يا أحلي عصفور في الأجواء المصرية

صيام مقبول وافطار شديد وعيد سعيد

وان شاء الله ربنا يكرمك بعصفورة تسعدك

وتخلفوا زرازير زي العسل

آمييييييييييييين

بيتنا القديم يقول...

يا مراكبي
........
عامل ايه في الغربة يا بن عمي

انشالله تكون بخير وسلامة

العيد في مصر حاجة تانية وانت عارف

مراكب في النيل وموتسيكلات الساعة

بعشرين جنية...وحناطير

بتتحنطر...وسعد الصغير...وكورنيش

النيل وحاجة صاقعة ببس ترمس ترمس...

والبرج وجمال وحصنة في الهرم...وكل شئ لا

تجده سوي في بلدك سوي شئ واحد...إحترام

إبن البلد..!!

كل سنة وانت والاسرة بخير

وإديها تانجو

بيتنا القديم يقول...

سمراء الكون
.........
ليه بس يا إنجي ...زعلك صعب علينا

انت كنت نايمة شوية اسمك يا فندم منور
اهو في لستة احسن ناس...مش ممكن ابداً حد ينسي اخف دم في عالم النت
سيبك بقا من البكش ده وقول لي هتتجوزو إمتي إمال...لائيتوا الشقة ولا لسه؟!!
طمنينا
كل سنة وانت بخير وسعادة وربنا يسعدك
ان شاء الله هزورك في بيت الزوجية ومعايا هدية لذيذة من بسكو مصر
يالا ان شالله محد حوووش..!!

بيتنا القديم يقول...

Jana
....
يا سلام سيادتك حضرتك سموك يا فندم
منتجات بسكو مصر جبارة مع حفنة من منقوع الأنتوسيد اللذيذ...خلطة رهييييييبة بحق...ذوقي ولن تندمي مطلقاً...رجائك مشفوع بالنظر والفحص ثم القبول...ولو إني مش عارف ايه علاقة الخروف..أ..قصدي العيد الكبير بمحبتكم مع انكم والله أعز عندي من..أ..ولا بلاش
انت عاملة أيه؟!!
يا تري كان لينا نصيب من دعائك في صلاتك...ارجو ذلك...لأنك وبقية الأخوة المدونيين كان لكم قسط - يااااه من زمان مسمعتش كلمة قسط دي..بتحسسني إن في معرض الهلال والنجمة - من دعائي قبل النوم..!!
كل سنة وانت وعائلتك بوافر الصحة والعافية وتمام السعادة ودوام الرضا
سلام

Anima يقول...

كل سنة و انت طيب

بالصحة و السلامة انشاءالله

بيتنا القديم يقول...

أنيما
.....
وانت بالف صحة وسلامة

وكل سنة وعائلتك والمغرب كلها بخير

Unknown يقول...

كل سنة وانت طيب

وعيد سعيد

~ Bato0ot ~ يقول...

kol sana wnta tayeb ya semsem :D

بيتنا القديم يقول...

إسراء
.....
وانت طيبة يا فندم
دمت بخير وسعادة

بيتنا القديم يقول...

بطوط
....
وانت طيبة
والسنة اللي جاية تكون احلامك اتحققت
دمت بخير

غير معرف يقول...

كل سنة و انت طيب يا راجل يا سمسم
معلش اتأخرت عليكم بس القلوب برضه بتسلم
اتفضلوا شرفونا مدونتى فيها كحك حلو
و طبعا انتم برضه احلى من الكحك
بااااااااى
حوريه

بيتنا القديم يقول...

حورية
.....
وانت بألف خير وسلامة وسعادة
اكيد السنة دي 366 يوم عشان كده جيتي تسلمي علينا يا فندم
علي العموم انا رايح اهو عشان الكحك
قصدي عشانك بالطبع
دمت بخير