عاااااااااااااااااااااااااااااااااااوز حقي


أهلاً يا شباب
ربما يتعجب البعض من ملايين القراء الذين ينتظرون كتاباتي علي أحر
من الجمر من المحيط العربي الي الكيت كات...
لماذا إخترت هذا العنوان؟!
أقول وبالله التوفيق...
انه و كما يعلم الموظف ان مرتبه في نهاية الشهر..وان نصف
المرتب ستلتهمه الخصومات..ونصفه الآخر سيتبخر بين قسط الغسالة وشهرية
مدرس الأولاد والنور و الأنبوبة وشحن كارت موبينيل الخ
وكما يعلم الأطفال ان (نيدو) هو اله الرضاعة عند قدماء
المصريين..
تعلمون انتم يقيناً - يا قرائي الأعزاء- ان ثمة بالوعات عفنة يتسرب اليها خير هذا الوطن
وهذه البالوعات تبدأ من رأس السمكة حتي ذيلها
اموالنا..عرقنا..خيراتنا..مواردنا..حتي الجبنة القريش واللانشوووه!!
بل لم يكفيهم هذا فأحترفوا الشحاته بإسم شعبنا الطاهر المهاود
فمن زار منكم الخليج سيسمع من يطوف بالشوارع في السعودية او
الامارات في سيارة عليها علامات هيئة سياسية ومرفوع عليها علم
مصر...وصوت الميكرفون يقول من السيارة.."تبرعوا من أجل
سحور شعب مصر...ساهم في انشاء مصنع سوبيا وتمر هندي
الرحماني ...ساعد رئيس شعب يتيم عاوز يزهزه ويدلع شعبه......الخ"
ولو حالفك الحظ وإبتسمت لك ام عبده وسافرت الي النمسا مثلاً
ستجد نفس السيارة ونفس الشحات الديبلوماسي يصرخ ويرطن
خوجاتي ويقول.."ون مليار دولار بليز فور ماي نيشن دوجز...بليز وي
نيد إت..."(يجب مراعاة فروق الترجمة).
لأجل هذا اصرخ ولكن بدون صوت حتي لا اوقظ سيدي الوالي لأنه
وحاشيته... يا حرام..لا ينامون الا بعد ان يخمدوا الشعب في وش
الفجر و بعد ان يطمئنوا علي الشعب فقراءه قبل اغنيائه...حتي ان
الوالي يقوم بنفسه بحلب الشاة لأيتام الوطن ويظل
يلاعبهم ويمازحهم حتي يناموا..!!
أصرخ واعلم يقيناً انه لا فراغ هنالك يوصل صرخاتي...فضاء ساكن
ثقيل قاتل بدون غلاف جوي ولكن احملهم المسؤلية أمام سكان
مجموعتنا الشمسية بل والمجرة كلها
واقول
عااااااااااااااااااااااااااااااااااااااااااوز حقي يا غجر
هذا وبالله التوفيق
والسلام عليكم ورحمة الله وبركاته

10 عبرني:

غير معرف يقول...

واحشني يا سمسم


بدخل عندك كل يوم أقرأ لكن مش بسيب تعليق..........بحس الحياة عادية

بس دلوئتى حبيت اقولك انك وحشتني
!!


وبطل حقد طبقي بأة
(:


والسلام

MiraMar يقول...

:))))))))))))))))))
لا تعليق غير
عيد "مبااااااااااااااااارك" ولا أقولك يا "جماااااااااااال" العيد



دعواتك ربنا يقبل منا ومنك رمضان ويصبرنا على فراقه ان شاء الله

الا صحيح ملاقيش معاك 100جنيه سلف
على اساس "عديه" يعني
وحسنه قليله تمنع بلاوي كتيره وهنيالك يا فاعل الخير
وتصبح على خير

Jana يقول...

سمسم
اشمعنى انت يعنى
انا كمان عاوزة حقى
يالا روح دلوقتى اكسر الوديعة ام 3 مليون يورو
وفكها عشرات وانصص و اربع ..بس يكونوا جداد
وادينى العيدية بقى

كل سنة وانت طيب والعائلة وجميع آل (س)
يا ريت بقى طبق كده على ذوقك ..كحك وغريبة وبتى فور...مع العيدية
كده يبقى تمام
بس الكحك بعين الجمل

متفكرش كتير يا سمسم وسيبها على الله
وفكها بقى
....
الوديعة طبعا
دمت طيبا وبالكحك معيدا

أميرة البلطجية يقول...

كل سنة وانت طيب يا اسامة وبنوتك بخير وسعادة

عالمى ازرق يقول...

بس كده اعتقد هتفضل تصرخ لغايه ماصوتك يروح

مجرتنا صمّـاء


كل سنه وحضرتك بخير
وعيد سعيد على حضرتك وعلى الاسره وعلى الامه الاسلاميه كلها بأذن الله

بيتنا القديم يقول...

أحمدووووف
........
صديقي الصدوق
انت واحشني اكتر
كل شئ هادئ علي جبهة الحياة
مش قادر ابطل حقد يا جدع
جلبي جايد نار
دمت بخير
وكل سنة وانت طيب

بيتنا القديم يقول...

MiraMar
.......
بأيهما نفرح ونسعد
بالعيد ام بتشريفك المدونة
بخصوص الـ100 جنيه بالطبع تدبر
انا رايح استلف ميه وهستلفلك زيهم
بس عوزاهم خمسينتين ولا خمس خمسات
مبارك العيد
دمت بخير

بيتنا القديم يقول...

Jana
....
علي الله والله يا فندم
بخصوص الوديعة إستعوضي ربنا فيها
فرح الولا جمال من خديجة إستنفذ اللي
حيلتنا كله
يخلف علينا صاحب الخلف
................
كل عام وانت بخير

بيتنا القديم يقول...

مولاتي
.....
وانت بخير وسعادة
افتكر اني دعيتلك مرة وانا ساجد
يا تري الثروة اللي هبطت عليك مؤخراً
دي من بركة الدعوة...سبحان الله امال لو سخنت شوية ودوست في الدعاء كان ايه اللي هيحصلك
................
دمت بخير
وكل عام وانت بخير

بيتنا القديم يقول...

عالمى ازرق
.........
والله في سماعات اذن تحل المشكلة
اكيد هنلاقي سماعة منهم تمشي مع مقاس ودن المجرة...وربنا الشافي
......................
كل عام وانت بخير
ومتقطعيش الزيارة