ايام زمان

ايامنا الحلوة

طفولتنا

شقاوتنا

زعلنا و فرحنا

احلامنا البريئة

حتي افكارنا التي كنا نخجل منها احياناً

كانت السماء غير حالها الأن

والأرض غير رسمها الأن

كل شئ كان له لون ورائحة

حتي البسمة

التي ما كنا نتكلفها

غير الآن

12 عبرني:

loza يقول...

كل حاجه ايام زمااااان كان طعمها احلى

وبالذااات العيد:(

Jana يقول...

صحيح يا سمسم
هو ليه زمان الاشياء كانت ليها رائحة مختلفة...حلوة..؟؟
بصراحة انا ماليش فى الفن الخليجى
بس متهيألى كده اللى دخلك فى الشجون ده الولاد اللى كانوا بيلعبوا بلى...صح ؟؟
شكلك كنت لعيب بلى محترف..وهم فكروك بالذى مضى
صحيح يا بو ....مش ده الاسم اللى بتطلقه عليك سهيلة
عشان كده المارد العفريت كان بيناديك يا (بو) السماسيم
لا عفريت عفريت يعنى
المهم
رمضان كفيل يخليك تشوف الالوان وتشم الروائح احلى
وان شاء الله يخليك تبتسم بدون تكلف..لا... وتضحك من قلبك كمان

رمضان كريم قوى يا سمسم
ويجعلو بالفرحة ان شاء الله عامر

بيتنا القديم يقول...

لوزة
....
فعلاً وبجد من غير خيال

كل حاجه كان ليها طعم

حتي السقوط علي الارض

جربي تكلي جيلاتي النهاردة

وغمضي عينك وحاولي تفتكري طعمه زمان

اكيد فيه اختلاف ليس في المذاق فحسب

بل في الجو النفسي المحيط بالحدث ككل

من الآخر تلك ايام مستحيل ان تتكرر

المهم

انت عامله ايه

دمت بخير

بيتنا القديم يقول...

جني
...
بو يعني امبو يعني ابغي ماءاً يا ابتاه

يعني عاوزه اشرب يا بشر...باللغة

السهيللي

وفعلاً انا كنت حريف بلي وصياد السمك

واولي وبيتي وكبه والسبعوية وشبر شبرين

وكل ماهو طفولي وشعبي حتي الثمالة

الحقيقة ان رمضان هو الشئ الوحيد

الذي لا يفقد بريقه وروحانياته بل

علي العكس تماماً يتألق بريقه كلما

طال به الزمن

ربنا يفرحك ويفرح كل محبينك

دمت لنا بخير

break يقول...

انا حسة بفرحة رمضان دا زى ما كنت بفرح بيه وانا صغيرة بالظبط
و الحياة بئا لونها بمبى
و الايس كريم لسة زى ما هو
مادام فى شيكولاتة يبئا كمييييل خالص
رمضان كريم و يعدهالك قادر يا كريم

sa'7so'7te يقول...

سمسم باشا
ايه بس الاحباط ده
اينعم كنا زمان بنحس بالحاجة احلى
بس يمكن عشان كنا هبل و بيضحك علينا
حتى فى العيد و العيدية
كانوا يضحكوا علينا و قولولنا " خدوا الفلوس البنى اهى"
" لا الفلوس الاخضر لونها وحش يااااااى

أميرة البلطجية يقول...

ابتسامة مريرة:)

بيتنا القديم يقول...

بريك
....
انت خارج المنافسة

قلبك ابيض زي الايس كريم

من رزقه الله الرضا وصفاء القلب

فقد اوتي خيراً كثيرا

بالإضافة للضفدعة

دي فوق البيعة

دمت بخير

بيتنا القديم يقول...

سخسوختي
......
"عشان كنا هبل و بيضحك علينا..."

وانا اقول شوفتك فين شوفتك فين

مش الآنسة برضو اللي العجلاتي خد صندلها

لحد ما تجيب فلوس التأخير بالعجلة

كلام في سرك انا مش هؤل لحد

خلي الطابق مستور

وكل سنة وانت احلي واجمل في خلاقك

وحياتك...ويخليلك ماما وبابا والضفادع

دمت بخير

بيتنا القديم يقول...

مولاتي
.....
لا احبذ لك الدراما

تبدين فاتنة أكثر في اللون الوردي

المتلفح ببريق الشمس المشغول بخيوط الصبح

دمت بخير

أميرة البلطجية يقول...

كل سنة وانت طيب يا ابو سهيلة

بيتنا القديم يقول...

مولاتي
.....
وانت كمان طيبة وسعيدة وتملأك الفرحة