محدش له دعوي


منذ شهر مايو الماضي أطلق المطرب تامر حسني عشرات الكليبات والأغنيات والحوارات الصحفية والتلفزيونية كدعاية لفيلمه الجديد" عمر وسلمى" .
وذلك حتى يجبر جمهوره على الاهتمام بالفيلم ونسيان تجربته داخل السجن بتهمة التزوير، المثير أن تامر مستمر في دعايته رغم مرور ثلاث شهور على إنطلاق الفيلم، وفيما توقع البعض الحصول على إجازة من تامر حسني خلال شهر رمضان، على إعتبار أن الجمهور ينصرف عن القنوات الغنائية والسينمائية التي تبث كليبات تامر، إلا أن المطرب الذي قضى ثمانية شهور في السجن، أكد أنه يعرف جيداً من أين تؤكل الكتف، عندما إستمر في ركوب موجة عمرو خالد وسط ترحيب كبير من الأخير الذي تجاهل الانتقادات التي طالته بسبب الهالة الدينية التي يضيفها على فنانين لا يريدون منه سوء السير في أضواء شهرته.
فبعد أن قدم تامر فور خروجه من السجن تترات برنامج "دعوة للتعايش"، ها هو يغني ويلحن ويكتب كلمات برنامج عمرو خالد الجديد "الجنة في بيوتنا" الذي يبث على قنوات الراي والمحور والرسالة وأبو ظبي ، ليس هذا فحسب بل سيطرح تامر الأغنيات في ألبوم ديني (!!!) بمناسبة شهر الصوم .


لكن المطرب محمد محيى لم يترك الساحة خالية، وأراد – والله أعلم بالنيات- أن يشارك في برنامج عمرو خالد من جانبه، فعرض عليه كلمات أغنية كتبها أيمن بهجت قمر ولحنها محمد يحيى ووزعها أحمد عادل ، والمفاجأة ان خالد وافق عليها، فهو علي ما يبدو لديه خبرة في النقد الموسيقي أيضاً (!!!)، ولأن "المرونة" هي شعار الفضائيات في هذا العصر، قرر عمرو خالد بصفته منتج البرنامج، اعتماد الأغنيتين، على أن يجهز نسختين من البرنامج، الأولى بصوت تامر حسني، والثانية بصوت محمد محيى وتوزع على المحطات الأربعة بالمناصفة بينهما .
سؤال برئ
الم يكن الشيخ/أحمد الفيشاوي...تلميذ العلامة عمرو المدلل...بل وإنفرد ببرنامج دعوي هاي كلاس وحده ليدلل علي براعة إستاذه في تربية الاجيال واعداد كوادر المسئولية لهذه الأمة قليلة الحظ في ابنائها تري هل يستفيد الشيخ/تامر حسني...بذات الطريقة التي إستفاد بها الشيخ الفيشاوي...ويتجنب فضيحة دعوية أخلاقية مثل التي تعرض لها الشيخ الفيشاوي...طالما ان الموجه الأن دعوة...فمحدش له دعوي
.....................................
قولي خطأ يحتمل الصواب وقول غيري صواب يحتمل الخطأ

24 عبرني:

شيمـــــاء يقول...

مش بدافع عن حد
بس يعنى مش كل شوية نعمل شغل الصحافة
نلزق تهمة حد خايب بحد تانى

ملاحظة ان عمرو خالد اترشق كتير بتهم بسبب انه اتعامل مع ناس فنانين او انصاف فنانين

بقى كخة و زفت و يع
بدل ما نهتم باللى بيقدمه و نشوفه و ننقده نقد بناء

بقينا نبص هو مين تاب على ايديه

نفس اللى حصل مع الشيخ عمر عبد الكافى
سابوه كلامه و دروسه و عمله
اللى الناس فى دبى بتتهافت عليه كل اسبوع
وبيقفلوا الطرق بسبب اهتمام الناس لحضور كلامه و مسكوا ان الفنانة فلانة تابت على ايديه و علانه ربنا هداها بفضل الشيخ

بقينا بنبص للكباية من الحتى الللى مش مغسولة على طول حتى لو مش باين و هنضظر نمسك لها عدسة مكبره

يولع الفيشاوى على تامر على محى
كلهم ولاد ستين فى سبعين والله اعلم بنواياهم

لو هتحاكموا المشايخ حاكموهم على فكرهم واللى بيقدموه مش هما جابوا مين يغنى تتر البرنامج

بجد زعلتنى

بيتنا القديم يقول...

شيماء
.....
بجد انا مقصدش ازعلك ولا ازعل اي حد هيختلف معايا في التدوينة...بدليل ان ختمتها بمقولة"قولي صواب.....الخ" المهم
مش ان احنا نختلف المهم ان كل واحد يحتفظ برؤيته للموضوع...انا معاك في مضمون كلامك ومتفق مع وجهة نظرك ان احنا نشوف اللي بيقدمه...لكن انا مع ذلك مئدرش اقارن علم عمر عبد الكافي
بتخبيط عمرو خالد...يا شيماء انا بأسمع اغاني دينية-هكذا اسمها- اسامه الصافي...احمد ابوخاطر...مصطفي محمود
وغيرهم...وكنت قبل كده مدمن عمرو دياب
كنت بقرأ اقوال العلماء ان الاغاني حرام وإستدلالتهم...بصراحة في الأول مكنتش بقتنع بل بالعكس كنت بتحاشي قراءة ما يكتبون وسماع ما يقولون مخافة ان أميل اليهم ولو قليلاً...ومع ذك مكنتش اقدر اهبل واستعبط واقول بملئ الفم ان الاغاني حلال علي سبيل المثال...بالظبط زي المدخن عارف انها حرام بس ما يقدرش يخالف ضميره ويقول عنها حلال...الوضع مع عمرو بيختلف يوم عن يوم...عقله وحده دليله...كم مرة خالف فيها الدعاه والعلماء...دعك يا شيماء ممن يسمونهم بالمتشددين-هكذا يزعمون- اليك علي سبيل المثال د/يوسف القرضاوي...اليك الداعية المصري وجدي غنيم...وغيرهم
مجمل القول ان الدعوه ليست حكراً علي احد...وهداية الناس لها الف باب وباب
واشهد لعمرو بالمثابرة والاجتهاد...لكن في نفس الوقت آخذ عليه غياب البوصلة والميل لقياساته العقلية...ببساطة عمرو للأسف يكلف دعوته ويتعب من اجلها ثم هو نفسه يفسدها من أجل خمسة قروش من الملح
وعلي اي حال اعود فأكرر لك ان ما دونته يحتمل في بعضه او مجمله الخطأ ككل طرح بشري ليس له قدسية...وكذلك منهج عمرو...يحتمل هو ايضاً الخطأ بما انه لا يحتكر القدسية الا لو ان لك رأياً آخر
فتفضلي به مشكورة
ـــــــــــــــــــ
المهم
سيبك من ده كله انت عامله ايه
مش تمام وبخير
رمضان كريم يا فندم
وكل سنة وانت طيبة
ورمضان الجاي تكون احلامك 99% منها تحقق
ان شاء الله...خصوصاً فارس الاحلام
دمت بخير

Hend.feps يقول...

مع شيماء فى نقطة التركيز على المحتوى و حبيت بس أضيف نقطة مهمة ان عمرو خالد كان بيحضرلوا فى الحصرى 18 ألف شاب و فتاة ... من بينهم الفيشاوى اللى قال بعضمة لسانه ان عمرو خالد مش صاحبه و لا حاجة. هو ماشفوش بشكل شخصى غير اربع مرات و كل مرة حوالى نص ساعة .... و مش ذنب عمرو خالد ان حد بيحضرلوا و اتأثر بيه بس عمل ذنب و معصية ....

و بجد مش حلو ابدا اختزال عمرو خالد فى الفانين اللى ارتبط بيهم بصورة او بأخرى ....

عمرو خالد كمان كان سبب ظهور مصطفى حسنى و معز مسعود ... اشمعنى افتكرت الفيشاوى و مفتكرتش دول يعنى ؟

و كمان يا ريتنا نسيب الخلق للخالق و نبطل كلام على المشهورين لأن ربنا اعلم بالقلوب ... مش يمكن الفيشاوى اللى احنا شيفينو كخة دا يكون احسن مننا كلنا بتوبة نصوحة ... او لو حتى هو زى ما هو ... مش صح ابدا اننا نتكلم على حد بتهكم و سخرية ...

و عمرو خالد اللى بيدلل الاجيال دا كان سبب فى قيام الكثير من الجمعيات الاهلية ... صناع الحياة و حماة المستقبل و الجمعيات المهتمة بزراعة اسطح الكليات و تجميع الملابس للفقرا... و اظن ان تدليله للأجيال كان واضح جدا لما حاول يدلل الشباب فى الحج و يوصلهم برجال اعمال يمولوا مشاريعهم ...

مدلل الاجيال عشان بيقولهم افتخروا بتاريخكم و حضارتكم و اعرفوا ان حضارتنا و ثقافتنا احسن من التقليد الاعمى للحياة الغربية ...

مدلل للأجيال عشان كان بيقدم للشباب قدوة حسنة متمثلة فى قصص الصحابة و الانبياء و الرسول صلى الله عليه و سلم

مدلل الاجيال عشان بيقول للأباء و الامهات قربوا من اولادكم و متكونوش بس بنك بالنسبة ليهم .. و يقول للابناء بروا والديكوا ...

مدلل الاجيال عشان بيأكد دايما انك هتنفع دينك اذا نجحت فى الحياة و كنت شخصية ناجحة فى مجالك مش بس صلى و عبادة لا غير

مدلل للأجيال عشان بيقول للشباب قوموا الليل و ادعوا ربنا جامد انو يعينكو على النهضة و الاصلاح و اشتغلوا الصبح و اعملوا اللى عليكو

لو هو دا التدليل ... يبقى و نعم التدليل

ماليش تعليق غير جزى الله الاستاذ عمرو خالد خيرا عن كل شاب او فتاة كان سبب فى انهم يقربوا من ربنا ... و جزاه خيرا فى محاولاته لتصحيح صورة الاسلام فى الغرب .... و جزاه خيرا عن الافكار اللى بيطرحها و الاصلاح و النهضة التى ينادى بها ....

غير معرف يقول...

لو سمحت يا سمسم كبر الخط شوية
حرام عليك اللي بتعمله فينا دا
انا نظري ضااااااااااااع
مجهول رقم 2

Islamist Bloke يقول...

انا زعلان منك في حاجة واحدة بس

انت حاطط صورة الكائن ده بمنظره ده لية في المدونة؟


يا اسامة انا بجد مش هزار مش بطيقه

ولما بعدي في ميدان التحرير او على كوبرى اكتوبر وبشوف صورته متعلقة بحس اني عايز امسك حجر وارميه بيه

لية كدة يا اسامة

هو احنا محاصرين في كل مكان يا ناس؟


والله يا اسامة انا اتخنقت من حصار عمرو خالد في كل مكان.........اومال لو عندي تليفزيون كان عمل فيا اية؟

انا عايزك تسمع درس........رسالة الى الغافل......للشيخ وجدي غنيم

هتحس بجد ان العالم دي كلها في ضياع وضلال ..........ومن النوع التقيل كمان

الحياة غرور ولعب وتفاخر ومنظرة........سيبها لهم

عارف.........من شهرين.........اتعرفت على واحد من منتدى الصيد.........هو نصراني.........وقعدنا في قهوة جنب البيت عنده في عين شمس وكان شبه اجتماع مصغر لمجموعة صيادين وكنت معاهم........بعد صلاة العشاء الكلام اتحول للاخوان والاسلاميين وكدة.........الرجل سألني السؤال المعتاد.......تفتكر الاخوان ينفع يحكموا مصر؟ قلت له لا طبعا مينفعوش لانهم مش على المنهج الصحيح

قال لى............هم فعلا مينفعوش (وطبعا انا اتحرقت لما هو قالها عشان ميصحش انها تيجي من غريب برة مننا) لكن عارف قاللى مينفعوش لية؟

لان اللى عايز ربنا وعايز الدين مش بيكون عايز دنيا

اللى عايز الاخرة وبيعمل لها صح مش هيهتم بمين يحكم ومين يمسك البلد.......هو عايز ربنا ورايح له......مش عايز شهرة ولا اضواء ولا فلوس ولا سلطة ولا مناصب

الكلمة كتمتني

وساعتها عرفت ان عمرو خالد على غلط مش على صح

وربنا يهدينا اجمعين

على فكرة انا اعتقد ان كلمة اخر البوست المفروض تكون كدة

قولي خطأ يحتمل الصواب وقول غيري صواب يحتمل الخطأ

اعتقد ان كدة أشيك شوية

بحبك

ومش بفرض رأيي عليك

والسلام

lonely يقول...

انا من محبى عمرو خالد بس فعلا انا حسيت ببعض الضيق من تبنى عمرو خالد لتامر فى كذا برنامج
انا كنت زمان من معجبى تامر حسنى ودلوقتى من اشد الناقدين ليه لانه بصراحه زودها اوى بعد خروجه من السجن
وافكر لما سمعت اغانيه الدينيه الجديده ما حبتهاش خالص
لانى حسيت ان دا دور بيمثله
مع ان النوعيه دى من الاغانى موش محتاجه تمثيل
بس موش معنى ان عمرو خالد ساعد تامر حسنى اننا نتهمه
الله اعلم بالنوايا
بس انا شايفه ان عمرو خالد شبه نفسه الطريقه دى
والرسول عليه الصلاةوالسلام قال
اتقوا مواطن الشبهات
والمفترضص ان عمرو خالد قدره للعديد من الشباب
وتعاطفه مع بعض الشخصيات التى لا تستحق ذلك قد يحدث بلبله لدى الجميع
ولكن فى النهايه لا نستطيع انكار دورعمرو خالد واسلبه فى تناول العديد من المشاكل الخاصه بحياتنا
واحنا لينا عقل نميز به وناخد الطيب ونترك الخبيث
ودمتم

break يقول...

انا قبل دعوة للتعايش سمعت عن ان تامر اللى هيغنى و بيحضر
قلت كدا فى منتدى الكلية فى موضوع
تقريبا فى مظاهرة اتعملت ضدى
وانى بطلع اوشاعات على الراجل
اييييييييييييييه دنيا
انا مش عجبانى اغنية البرنامج اصلا
حساها هايفة شوية بالنسبة ل على خطى الحبيب و باسمك نحيا
و كمان البرنامج نفسه اجتماعى حلو بس مش وقته فى رمضان
بس

koukawy يقول...

الله اعلم
بس هو موضوع الفيشاوي فعلا كان مستفز جداااااااااااااا

أميرة البلطجية يقول...

بلاش انا

شيمـــــاء يقول...

اللى انت قلته يا سمسم كويس و جميل

بس انت كده بتتكلم فى نقطة تانية
فى نقطة ان عمرو خالد يستحق ان يكون داعية ولا لا

وده انا مش بتكلم فيه

انا بحب وجدى غنيم جدا لكن لما عمل الثورة بأنه فضح عمرو خالد عن طريق الجوابات و الكلام ده انا اتضايقت

من الافضل اننا نقول اللى هو بيقوله
( من وجهة نظرهم )
غلط و نقول الصح بتاعه بالدليل و ده كافى
لكن قصة التجريح و اننا نمسك ان ده عمل مع الفيشاوى مش عارف ايه و مع تامر ايه و بيقول ايه

مش هنخلص
وده اللى بيذبذ صورة الدين

خلينا نقول بدليل من القران و السنة ماذا يقوله عمرو خالد خطا والناس تسمع من ده و من ده و تحكم عقلها

وبعدين يكفى عمرو خالد انه وجه شباب كتير لربنا و ده ميشفعلوش لو كان بيقول حاجة غلط فى الدين
بس دى كفاية انه قدر يغير ناس كتير

يعنى مصطفى حسنى من تلامذته وان كان يظهر اكثر التزاما بالنواحى الدينية او بمعنى اصح مهتم بالدين اوى و متعمفق فيه بزيادة و لكن عمرو خالد بيخلط الدين بالدنيا اوى برضه

هل ده صح و ده غلط
بالعكس الاتنين احنا محتاجينهم والاتنين احنا شايفين انهم مهمين

لان صوابعك مش زى بعضها

انا فى الاخر رأيى
ان تناول الناس بهذا الشكل
بيذبذ صورة الدين
ومن اكثر الناس اللى بحترمهم فى احترامهم للدعاة او الشيوخ الاخرين حتى لو مختلف معاهم كلية
الشيخ محمد حسان ربنا يبارك له

بيتنا القديم يقول...

هند
...
قال العلماء:من افتي بغير علم فهو علي حالتين اما ان يصيب الصواب او يصيب الخطأ
فإن كانت الاولي فعليه وزر الفتوي بغير علم وليس له من الاجر شئ
وان كانت الثانية فعليه وزر الخطأ في الفتوي وأيضاً وزر التجرأ علي الفتوي بغير علم
وقال بعض الحكماء ان ساعة معطوبة افضل من ساعة تعمل وبها خلل
فالمعطوبة ستصيب الوقت مرة واحدة صح كل 24 ساعة اما التي بها خلل لن تصيب الوقت أبداً مهما حاولت ولو إنتظرناها سنوات فكل معطياتها خطأ
مدلل الاجيال ده يا هند هو اللي كمان بيؤل ان الرسول صلي الله عليه وسلم "فاشل...وفشل في بعض دعوته...عشان مانؤلش ان تجربته صلي الله عليه وسلم قياسية" هكذا قال الرجل...وهذا هو كلامه
لا شك ان الدبة التي تهش الذباب من علي وجه صاحبها تقدم له خدمة جليلة تستحق الشكر عليها أما وان بالغت فضربت وجهه لتنهي وقوف الذباب عليه فهذه لعمرك يا هند مصيبة ما بعدها مصيبة
بالحق
عجبني اسلوبك الهجومي في الرد
وبالخص إستخدامك مقاطع من كلام المخالف
وهي"مدلل الاجيال...."
سؤال
لو الميكانيكي اشتغل نجار والسعاتي فتح عيادة مخ واعصاب...اعتقد هتبقا فلة
اليس كذلك
دمت بخير
رمضان كريم

بيتنا القديم يقول...

مجهول2
.....
حااااااااضر يا فندم
اخبار المركز ايه
والدنيا لسه بخير
والمحامين بيكلو عيش
دمت بخير
رمضان كريم

بيتنا القديم يقول...

أحمدوف
.....
لا تعارض بين الآخرة وبين حكم مصر
وسيدنا ابوذر طلب الإمارة لنفسه من رسول الله صلي الله عليه وسلم
ولما غيرنا يتكلم في الموضوع ده بيكون ليه مآرب أخري
وقديماً قال أحد ملوك الاندلس لإن اصير عبداً ارعي الغنم عند المرابطين خيراً لي من اصير عبداً عند الروم وارعي لهم الخنازير
والإخوان يا احمد منهج حركي ودعوي ليس له قدسية وقابل للنقض بشرط ان تكون النية البناء والتصحيح وليس الهدم لأن مشاريعنا كلها منهارة وهذه احدي الوريقات الأخيرة قبل إجتياح الروم للقاهرة
رمضان كريم
دمت بخير
تك كير

بيتنا القديم يقول...

لونلي
.....
كلام جميل وربنا يبارك في عقلك
بس الدعوة لها اكثر من وجه
لكنها أي الدعوة لا تقبل ان يكون لها
وجه بيزنس تجاري وان يعتليها محترفي ركوب الامواج
رمضان كريم
دمت بخير

بيتنا القديم يقول...

بريك
.....
ألو ألو ألو
الي الجندي المجهول في كلية العقاقير
واصل إنتقاداتك يا فندم
ألو ألو ألو
حول الاشارة
هل تسمعني
رمضان كريم
دمت بخير

بيتنا القديم يقول...

كوكو
....
ليك وحشة يا فندم
أكيد مظاهر الاستفزاز كترت جداً اليومين
دول...لكن مش كفايه الاستفزاز في مناحي
الحياة في بلدنا حتي نستفز في منهجنا الدعوي
حكمتك يا رب
رمضان كريم
دمت بخير

بيتنا القديم يقول...

مولاتي
.....
أكيد بلاش انت
.
.
.
.
العمل مع الجيستابو والفوهلر ادلوف هتلر...يجعلك اميرة غير محايدة تماماً
مع وافر الاحترام لجناب سموك
يا
فندم
رمضان كريم
دمت بخير

بيتنا القديم يقول...

شيماء
......
"...خلينا نقول بدليل من القران و السنة ماذا يقوله عمرو خالد خطا والناس تسمع من ده و من ده و تحكم عقلها ...."
ونحن لم نقل غير ذلك يا فندم
تحياتي لك
وللشيخ الجليل محمد حسان
رمضان كريم
دمت بخير

غير معرف يقول...

يا ابني انت فاكرني مين مركز ايه و محاميين مين انت ليه مصَر انك تعرفني
مجهول رقم 2

بيتنا القديم يقول...

مجهول2
.....
معلش يا والدي اصل انا عندي شعرة

ساعة تروح...ترلم ترلم...وساعة تيجي

هاااااه...ساعة تروح...ترلم ترلم

وساعة تيجي

ناحاااااااااااااااااااااااااااات

شيمـــــاء يقول...

هههههه
حلوة اوى عندك شعرة دى

على فكرة انت شكلك غير البلوج خالص
:)

غير معرف يقول...

اتريق براحتك يا سمسم
بس على فكرة بلاش ذكائك يخدعك
انا مش واحد من اصحابك الاربعة اللي كلهم اسمائهم بتبتدي بنفس الحرف
مجهول رقم 2

بيتنا القديم يقول...

شيماء
......
ان شالله ميرسي يا رب

ربونا يجبر بخاطرك يا بنتي

زي ما جبرتي بخاطري

تك كير

ان شاء الله

بيتنا القديم يقول...

مجهول2
.....
وانا بؤول لنفسي شفتك فين قبل كده

الخلقه دي مش غريبة عليا ابداً

انت خدمت معانا في البحرية
.
.
.
طب في الجوية
.
.
.
طب في الطيران

يالا خير ان شاء الله

رمضان كريم