إسبانيا تاني مرة


إمبارح كنت في إسبانيا

لا اعرف اي مكان قصدت علي وجه الدقة

لكن ومن يهتم فإسبانيا يشبه بعضها بعضاً

الطقس كان أكثر من رائع

كل شئ جميل

توقفت بنا السيارة عند سوق لبيع الملابس وما شابه

ترجلنا أنا وأصدقائي في الرحلة

فجأة أذن علينا ما أظنه المغرب لأن الشمس كانت لاتزال

تتودد الي القمر كي يتأخر ولو قليلاً عن وقته

رأيت ناس يفترشون الشارع ويشرعون في الصلاة

دخلنا مكان للوضوء تحت ما أظنه مسجد

صنابير المياه عتيقة لكنها نظيفة في آن واحد

توضأنا ثم خرجنا لنصلي

.......................

هنا بدأ المنبه الغتت في الصراخ والعويل...فقمت من النوم وأطفأته

بجد الحلم ده تكرر بنفس تفاصيله للمرة الثانية علي التوالي

ان شاء الله عندي صديقي مفسر احلام جامد هروح واحكي له

عله يكون بتأول الرؤيا عليم

نهاركم ابيض بالصلاة عالنبي

10 عبرني:

غير معرف يقول...

مدونتك مميزه بسيطه ظريفهفى افكارها احييك على عدم الرغى الكتير الذى يسمح لقارئها الا يمل

بيتنا القديم يقول...

مجهول
....
تحية مقبولة

وصوم مقبول أيضاً

وإفطار في الجنة ان شاء الله

شكراً لمرورك

دمت بخير

رمضان كريم

lonely يقول...

حلم فيه صلاه ومسجد اكيد حلم خير
ان شاء الله

أميرة البلطجية يقول...

تفتكر يا اسامة يكون تفسير الحلم ان انت حتفتح الاندلس تاني؟
اممم
ابشر يا اخى
.
.
.
استني تعالى هنا
تروح تفتح الاندلس من غير امر ملكى مني؟
لا عشت ولا كنت
يمكن يمكن ولاد سهيلة او ولاد ولادها يبقوا هم اللي حيفتوها واهم برضه من صلبك
يله كله خير

بيتنا القديم يقول...

لونلي
.....
يسمع من بؤك ربنا

عارفه لو طلع اللي في بالي لك الحلاوة
.
.
.
.
الطحينية...بالطبع

رمضان كريم

دمت بخير

بيتنا القديم يقول...

مولاتي
.....
تفتكري هلاقي وقت كافي افتح فيه الاندلس

ده انا يدوبك بفتح بباب بتنا

بالعافيه...واحياناً باب التلاجه

رمضان كريم

دمت بخير

L.G. يقول...

صلاة المغرب في المنام اقتراب تحقيق مراد والله أعلم والوضوء يغسل الذنوب أعتقد ربنا بيوصلك رسالة ما حيث أنه تكرر
ياريت تكتب تفسيره ان كنت عرفته
أيكون الاسلام سيملأ أوروبا قريبا ؟

بيتنا القديم يقول...

L.G
.....
الله اعلم!
(:

غير معرف يقول...

على فكرة حكيت عن حلمك وجاء تفسير ان المغرب حتسترد الحتتين بتوعها اللي أسبانيا وخداهم
يمكن
إل جي

بيتنا القديم يقول...

L.G
....
قد يكون...
ربنا يتقبل منك
يا فندم..!!

(: