جورباتشوف وموبينيل والريان


بعد ان سرب البيت الابيض بعض وثائقه السرية -عمداً- كعهده كل مدة من الزمن والتي تتعلق بإنهيار الاتحاد السوفيتي...ودور الرئيس جورباتشوف في هذا الانهيار المدوي حيث تم إختيار الأخير ودعمه عبر وكلاء (السي اي ايه) الي ان وصل الي كرسي الحكم في الاتحاد السوفيتي...وتم الاشتراط عليه ان يولي مفاصل الدولة واجهزتها الحيوية كل شخص ينطبق عليه وصف الفساد بشتي انواعه...وانعدام الشعور الوطني...وإجتهد الرجل حتي تم نخر مفاصل ثاني اكبر قوة في العالم...وانهارت بلا اي صاروخ نووي امريكي...قد يكلف الولايات المتحدة مواجهة شرسة قد لا تحمد عقباها.
يعتريني هذا الشعور كلما مررت امام برجي موبينيل علي كورنيش النيل بهذه العظمة والذين يجسدان ما وصلت اليه ثروة هذا الرجل (ساويرس و شركاه)الذي اتيح له ما حرم علي الريان والسعد من قبل...لا لشئ سوي انهما يمثلان علي اقل تقدير قوة إقتصادية اسلامية ناشئة في وسط علماني جورباتشوفي يمقت التسمية فضلاً عن الفعل.

20 عبرني:

Jana يقول...

يا سمسم بقى

انا كنت داخلة اشوف ردك على الكومنت بتاعى وخارجة على طول وده انجاز فى حد ذاته مع فرب تو هاف والبريزنت سمبل واللام القمرية اللى غرقانة فيهم فى اليوم اللى مش حتطلعله لام شمسية

قوم الاقى مية بوست مش عارفة الكومنت بتاعى كان على ايه فيهم
المهم يا سمسم
راودنى نفس الاحساس ده منذ فترة ليست بالقصيرة ايام ما كانت اختك لسه بتشتغل وبتححق ذاتها وبتشترى بالمرتب كله نسكافيه وكرواسون
المهم عشان الوقت
كان انس ساويرس اكبر عملاء الشركة اللى كنت باشتغل فيها وفى مرة استلمت فلوس منهم بعد ما الخزنة قفلت وسلمت المفتاح وفضلت الفلوس دى معايا لحد تانى يوم
وكنت باقول نفس اللى انت قلته دلوقتى فى البوست
انس ونجيب والساعاتية وبتوع اللب وصحاب المخابز وجرجس فوزى
غير السعد والريان وعلى علوكش
معلش الكومنت ده باكتبه وانا نايمة اكلينيكيا
عمرو بقى
اول مرة حاوافقك فى كلامك عنه لأنى مستاءة قوى من موضوع تامر حسنى ده
وبصراحة ضيعلى شىء من المصداقية الل كنت بارجوها
ومتفرحش قوى دى الحاجة الوحيدة اللى باتفق معاك فيها بخصوصه
اخر حاجة بقى
الزبادى والجبنة البيضا مش بطالين على السحور
وخلى القطايف والكنافة بعد التراويح
...,و
وانت من اهله

islam يقول...

السلام عليكم
كل عام وانت بخير

لغتك ساخرة .. هذا واضح وجيد
أسلوب التحليل عندك عاجبنى
لكن أتخوف أن أنساق وراء تحليلاتك
خاصة فيما يتعلق بأمر أستاذ/عمرو خالد

وده مش موضوع تدوينتك بس لأنى قراته من باب الفضول

***********

نعم أصبحت مصر مرتعا لعدد من رجال الأعمال أو لنقل كروش الأموال التى كل همها أن تنهب هذا البلد وتجوع شعبه
ولكن
هل شعبنا سلبى
أظن وأشك
شعبنا متوكل متواكل

يظهر إنه شعب إزدواجى
مش لاقى وصف احسن من ده؟

تحياتى
السلام عليكم

عين ضيقة يقول...

نجيب سويرس؟؟

انا سمعتله حوار قريب الراجل ده دماغه جامدة جامدة
مش من فراغ الثروة دى كلها
الشىء الوحيد اللى غاظنى انه ينفى اى علاقة ليه بالسلطة
طيب بالذمة ده كلام؟

مايقول مااحنا عارفين وساكتين
هنعمل ايه يعنى
هنكتب بوست نقول فيه راينا
طيب وبعدين؟

ماعلينا
سمسم
اتكلم من القلب

عين ضيقة يقول...

نسيت اقولك انى كل ماادخل احس انى بقالى سنة مادخلتش عندك
رغم انى مابغيبش كتير
انت اللى ماشاء الله نشيط جدا
وكل يوم بوست جديد

اللهم لا حسد

بالراحة ياعم علينا شوية

وانت عامل ايه فى الصيام؟

break يقول...

الحمد لله انى مبعديش على كورنيش النيل
الا هوا فين كورنيش النيل دا ولا اى كورنيش بيطل على النيل و خلاص؟
حيث كدا بئا احنا عندنا بحر شبين فرع متفرع من النيل
و جنبه كورنيش فظيع
اخبار حضرتك ايه بئا

أميرة البلطجية يقول...

اههههههههه يا بلد

غير معرف يقول...

السلام عليكم
أزيك يا سمسم
مبروك يا سمسم البنوتة الصغيرة
كنت قولنا يا راجل و لا نزل بوست و لا حاجة علشان نقولك مبروك
يلا ولا يهمك مبروك يا سيدي
تجياتي
مجهول رقم 2

بيتنا القديم يقول...

جني
...
وعـ....اااليكـ...وم الـ..سلاااام
هاااااوم..خخخ...ورحمة الله وبررركاته
متأخذنيش مود التعليق فجر طاقات النعاس لدي...وجعـ...انيييي اشعر
بقوة تثائبية غريبة وكأن وكأن وكأن
خخخخخخخخ...بففففففف....خخخخ..بففف
(نلتقي بعد الـ....خخخخخ)
ــــــــــ
عدنا
أخبار سموك ايه يا فندم...شكلك كده بتخالفي تعليمات وزارة الزراعة وبتدي العيال دروس خصوصية في البيت
انجليزي وعربي وطب كمان
بالنسبة لموضوع ساويرس وعلوكش انصحك بكتاب "كلمتي للمغفلين" للمحلل الشهيد محمد جلال كشك صاحب كتاب "ثورة يوليو الامريكية"
انا مش فرحان انك اتفقت مع بعض الطرح في منوضوع عمرو خالد بل بالعكس مثلي ومثلك كمثل رجل قال لصاحبه حقيقة مروعة ان بيتهم يحترق فلما رأي الرجل اعمدة الدخان تخرج من سقف بيته وافقه الرأي
بخصوص الجبنة والقطايف فأنا من اول رمضان مقضيها عزومات وقليلة هي المرات التي آكل فيها في البيت
وعاوز اقولك كمان حاجه مهمة جدا الا وهي......وأنت من أهله
ههههههههه
دمت بخير
بالحق
دمت دي جبنة حلوة وطعمه أحسن من المصريين
تك كير

بيتنا القديم يقول...

د/إسلام
......
هلا ومرحباً بك يا فندم في بيتنا القديم
المتواضع...معلش بقا الدنيا صيام ومش قادر أقدملك حاجه...بس اكيد انت بن بلد ومش هتكسفني وتجبر بخاطري وتفطر ان شاء الله معايا...حاجه كده علي ما قسم
شوية كابوريا علي شوية جمبري جامبو وحلويات بحرية يعني فسفور حتي النخاع
............
المصيبة يا فندم مش في دقة التحليل او علميته وحياده...المصيبة في المعلومات المنهاله علينا كل يوم بشرخ جديد في جدار مجتمعنا المتهاوي اصلاً...مرعب ان تتيقن بحتمية التصادم والاشد رعباً ان تتسارع الفترة المتبقية علي هذا الصدام
مصر مثلها مثل اي بلد عضوي ولدت وكبرت وشاخت وآن لها ان تتهاوي وتنهار ليولد جيل جديد يعتبرنا نحن وابناء جيلنا قدماء مصريين...!!!!
دمت بخير
برجاء مداومة الزيارة
علي فكرة عندنا عرقسوس روعة علي الفطار فكرني نحتسيه سوياً
رمضان كريم

بيتنا القديم يقول...

أسماء
....
"كأنه يعيش فى كوكب أخر ومنطقة أخرى و بلد أخر .. وكأن همومه ليست همومنا وأهدافه غير أهدافنا ... اشترى نجيب ساويرس رجل الأعمال المصرى الذي يرأس مجلس ادارة شركة اوراسكوم للاتصالات ( موبينيل ) 9.9% من حصة احدى شركات المحمول في تل أبيب. وتعد هذه الصفقة هي الأكبر في التاريخ من حيث قيمتها الاستثمارية التي بلغت قيمتها حوالي 150 مليون دولار التي ينفذها مستثمر من دولة عربية في الدولة اليهودية .


وقد توقع نجيب ساويرس تلك الانتقادات والتوبيخات التي تلقاها من بعض زملائه العرب لقيامه بأعمال تجارية مع اسرائيل في وقت ما زال فيه الصراع الفلسطيني الاسرائيلي محتدماً. ومع ذلك فإنه يصر على أن مثل هذه الصفقات سوف تعود بالفائدة للمنطقة لأنها تمد الجسور في مجال الأعمال التجارية ."
ـــــــــــــــ
المصدر جريدة الراية القطرية
هذا
شئ
بسيط
مما يشتعل
في القلب

بيتنا القديم يقول...

أسماء تاني
.........
يا اسماء انت من الطالبات المميزين عندي في الكلية وان شاااااااء الله
هيكون لك شأن كبير في مسيرة التنمية
الشمسية التي تخوضها محافظة بنما في الربع الخالي من قناة السويس
واهم حاجه انك تجمعي اخواتك في المحاضرة ونطلع كلنا ندعم مظاهرة سعد بك زغلول امام نادي الزمالك في الدوري الممتاز...ونهتف كلنا من جيوبنا ومحافظنا...سعد سعد يحيا سعد
المهم
رمضان كريم يا فندم
وبيتك ومطرحك في اي وقت
تك كير

بيتنا القديم يقول...

بريك
....
"بحر شبين ...."
غريبة الخريطة تؤكد انه ثمة بحرين لا ثالث لهما البحر الأحمر والبحر البمبي
من اين لك ببحر شبين؟!!!
هل تزحزحت مصر من إفريقيا الي قارة مدغشقر...لا أظن ذلك فمصر أصيلة
.........
أنا بخير يا ضكتورة
شدي حيلك في العلام وهاتلنا الشهادة الكبيرة عشان نفرح ونزئطط والكفر كولاتو يعلج الأنوار ونفرج الشربات والليالي الملاح
............
متخديش في بالك رمضان كريم

بيتنا القديم يقول...

مولاتي
......
ثمة سؤال
أفزعني الشاش اللي ربطه به معصمك هل تبرعت بالدم من قريب؟!!!
ام ان الكونت دراكولا زارك في المنام
...................
المهم
تلك بلدنا وواجبنا ان نبتسم في بلاهة
حتي لا نموت كمداً
رمضان كريم
دمت بخير

بيتنا القديم يقول...

مجهول 2
......
يروي ان محمود إتمسك ورفض رفضاً باتاً
ان يفصح عن اسمه فلما علمت زوجته بالخبر زارته في مخفر الشرطة وقالت بالفم الحياني: ماتؤلش علي إسمك يا محمود"...!!!!
ــــــــــــ
بعض التعليقات تفضح هوية كاتبها
علي العموم ما فيش احسن من المحاماه مهنة مميزة حتي ولو كانت في السودان
ــــــــــــ
الله يبارك فيك يا فندم
!!!!!!!!!!!!!!!!!!!!
تك كير
رمضان كريم

غير معرف يقول...

السلام عليكم
ذكائك خانك المرة دي
مجهول رقم 2

بيتنا القديم يقول...

مجهول 2
......
لا أظن ذلك

بتاتاً البطة

رمضان كريم

دمت بخير

sa'7so'7te يقول...

انا بصراحة من اول الدراسة ماعديتش عليك عشان مش بقعد اونلاين كتير و اذ بى افوجىء بكل البوستات دى و ناس جايبة فى سيرة موبينيل و الكورنيش و بحر شبين

اهم حاجة فى الليلة دى كلها ان الف مبروك برضه على البنوتة الصغيرة اللى بيقول عليها مجهول رقم اتنين
:)

غير معرف يقول...

بسم الله ماشاء الله الله و اكبر
انا توهت .. ايه النيو لوك اللى يجنن ده ؟ طب مش تسيب لنا فراشايه نقتبسها منك و نسلى صيامنا بيها
و لا الصور الفظيعة دى بصراحة تجنن .. كده هزعل عايزة زيهم .. على فكرة دى مش سرقة
سرقة الحبيب ذى اكل الزبيب .. صح ؟
كل سنة و انت طيب يا جميل
حورية

بيتنا القديم يقول...

سخسوختي
......
الله يبارك فيك يا فندم

وعقبال الشهادة بتاعتك الأول وبعدين

نفرح فيك...قصدي بيك

رمضان كريم

ونشد حيلنا شوية في المذاكرة ونركز

وكل عقدة ولها عند الله حل

وشوية المشاكل اللي شغلينك بإذن الله

يتحلوا عن قريب

ما تنسيناش جميعاً بشئ من دعائك

علشان احنا عارفينك من اهل الخطوة

واحنا يدوبك مُريدين لسه بنحبوا في

الطريقة

تك كير

وكل سنة وانت طيبة

بيتنا القديم يقول...

حورية
.....
أخيراً الملائكة حضرت
يا خبر لازم يعدي عشرة ايام من رمضان
علشان تظهري وتباني وعليكي الامان
يالا مادام انت بخير يبقا احنا الحمد لله
مطمئنين عليك
اخبارك ايه في رمضان...وأكلت ايه النهاردة...لسه بردو ماشية علي الرجيم المرهق بتاع 15 رغيف في الطقة الواحدة...اظن كده كتير وانت مش وش بهدلة...ارفعي سقف الرجيم عن ذلك ولو قليلاً
كل الديزين تحت امرك يا فندم...ولكن ممنوع اخذ الفراشات من المدونة حتي لا يختلط علينا الأمر في التفريق بينكما فالشبه كبير
تك كير
ورمضان كريم