خاص



اليوم افتتاح مكتب محمد صاحبي للمحاماة والاستشارات القانونية
الف مبروك يا محمد يا صاحبي
شوفت ازاي اللي يصبر ينول
ولوانك متستهلش
بس هي دعوة مامتك الحاجة
وانت بن حلال
وبوزك ناشف وفقري
وهتشتغلها ببلاش
وهتصرف علي الناس من جيبك
وتعمل فيها وزارة الشئون الاجتماعية
بس انت بن حلال وقلبك طيب
عشان كده الناس هتستعبطك
وياما هتتورط وتنام من غير عشا
عشان عمرك ما هتفهم الدنيا صح
بس انت بن حلال واللي في ايدك مش ليك
عشان كده الناس هتعرف تسترزق من وراك
وتعالي علي قبري و(..........) لو نفعت
بس انت بن حلال
من قلبي
الف مبروك يا محمد
المخلص
سمسم

6 عبرني:

O S A M A يقول...

هههههههههههههههه
ايه ياعم انت بتزله ولا بتهنيه

الف مبرووووك ياعم وربنا يخيلكوا لبعض

البوست دمه خفيف اووى

هبص بصه في مدونتك وراجلعلك تانى

سلامى لك

بيتنا القديم يقول...

اسامة
.....
بيني وبينك

الواد ابن حلال

ويستاهل

تحياتي

وكررها

loza يقول...

الف مبروووك


بس حرام الى انت عاملهوله ده:/

بيتنا القديم يقول...

لوزا
....
هههههههههههه

بالله عليك يا شيخة

مش ابن حلال ويستاهل بردو

تحياتي

غير معرف يقول...

يا عم الف مليون مبروك بس بدل كل البهدلة دى اعمله دعاية عندك هتبقى اول دعاية فى عالم التدوين ويمكن ينفعكوا لما هتحتاجوله واكيد هتحتاجوله. الا صحيح هو اسمه محمد صاحبى؟ طب عنوانه ايه؟
ملحوظة: إذا اردت من محمد أن "يفهم الدنيا صح" فلا تتوق انت الى ارض بلا خطيئة.

بيتنا القديم يقول...

مجهول
....
ان جيتي للحق الواد بن حلال ويستاهل

بس هو شللني وفاقع مرارتي

في حد يبقا عنده كذا وستين سنة ولسه

متجوزشي...واللي رافعة قضية طلاق

يصلحها مع جوزها...في حد عاقل يصلح

المتخاصمين مع بعضهم هي الخنائات مش

اكل عيشو بردو

علي العموم انت اخبارك ايه؟!!