اصحى يا نايم


يا اهلاً يا شباب

طبعاً معظمكم كبر دلؤتي

خلاص بقا

بقينا نروح الببي لوحدنا ونفتح الباب بنفسنا

ونظام الصيام لحد الضهر لازم ننساه

ونشرب ميه بالعبيط واحنا بنتوضأ ده زمان وانتهي

وفتح التلاجه قبل المغرب اكيد مش هنكرره

ولحسه من قعر الطبق مش لسننا

حيث كده بقا

يالا حضروا الفوانيس والبومب والصواريخ والذي منو عشان رمضان علي الابواب

ومتنسوش الكونافه والقطايف والمكسرات

والتمر هندي...والسوبيا...والخروب...وفول السحور

وصلاة التراويح

والتهجد

وختم القرآن

ونقطع إندكس هواتف البنات ونستغفر

وإندكس هواتف الولاد ونستغفر

والحمد لله ان ربنا مد في عمرنا

عشان نلحق قطار الرحمة

وإلا هتطرئعوا طرئعه يوم القيامه

للي مش هيتوب

و

حالو يا حالو

قرآنا جميل يا حالو

حالو يا حالو

دينا لذيذ يا حالو

.................

نسيت صحيح الاخوة الراسبين مقدماً يا ريت يحفظوا علي مواعيد المسلسلات

دي قناة الام بي سي عمللكو عمايل السنه دي

اطمنوا رمضان بالنسبه لكو ضايع ضايع

فوتكو بعافيه

.................

طن ططنطنطن

اصحي يا نايم وحد الدايم

طنططنطنطن

اصحي يا نايم واحد الرحمن

رمضاااااااااااان كريم

10 عبرني:

غير معرف يقول...

اهلا سمسم... كيف الاحوال.. مررت للتحيه وإلقاء السلام

عين ضيقة يقول...

كل سنة وانت طيب


ويارب رمضان كريم

غير معرف يقول...

كل سنة و انت طيب سمسم
رمضان أحلى شهر فى السنة ربنا يثبتنا و يتقبل مننا كلنا الصيام و القيام و صالح الاعمال
دعواتك و خلينا نشوفك
حوريه

بيتنا القديم يقول...

حاااااااااااااااامد
...................
الف الف حمدالله بالسلامه

أخيراً يا رااااااااااااااااجل

مودك راجع كده وشكله لذيذ

نورت بيتك ومطرحك

يبقا اكيد رجعت لمدونتك وحبيبك تاني

انا رايحلك هناك دلؤتي

بيتنا القديم يقول...

عين ضيقه
........
والسنة الجايه يا قمر يتحقلك كل احلامك

العاطفية والاقتصادية والايمانية

جبتي الفانوس ولا لسه

بيتنا القديم يقول...

حورية
......
ايه الناس اللي بتبان في رمضان بس

يا ستي ان شالله ميرسي وكل عام وانت في

طاعة وعبادة والي الله اقرب

انا رايح عندكو دلؤتي

يا تري فيه تمر وسوبيا وخروب

koukawy يقول...

بمناسبة بقي ان احنا كبيرنا
في سؤال رخم بيسألوه كل سنه بتخنق منه اوي ..... انت صايم و لا زي كل سنه ؟؟؟؟؟؟؟؟
ههههههههههههههه

بيتنا القديم يقول...

كوكو
.....
كويس جيتي في وقتك يا جميل
مع نهاية الحلقة النهاردة وقبل ما ننهي البرنامج نحب نسألك يا جميل
صايمة السنـ...........ايه ده كوكو
كوكو انت بتعملي ايه وايه السكينة اللي في ايدك دي
اعقلي يا بنتي
رمضاااااااااااااااااان كريم

sa'7so'7te يقول...

كده بيتنا القديم بجد بأه بيتنا كلنا
البوست زى العسل و فعلا بسطنى موت اللوك الرمضانى الجديد للبلوج بجد احنا لازم نعمل فطار يلمنا كلنا مش عارفة ازاي هنعمله اونلاين
عموما كل سنة و احنا طيبين
و جديدة حركة شرب الميه فى الوضوء ميرسيه على الفكرة

بيتنا القديم يقول...

صحصوحتي
.......
كم انت انسانة جميلة كنسيم ما بعد
الفجر
رقيقة كرقائق شيبسي طازجة بالتوابل
أيتها الصحصوحة يا فارسة المعمل المقدس...يا قاهرة الضفادع وملهمة سيمفونية كيتوفان العظيمة
دمت للبرامول مادة فعالة
وللسيتامول ست الرجالة
ايتها الفارسة النبيلة شكراً لك علي دعوتك للإفطار الجماعي اللي كده وكده
واحنا كلنا عارفين قدرتك علي اعداد الطعام الذي يقربنا للآخرة وينتزعنا من الحياة الدنيا
نوت آت اوول علي فكرة مية الوضوء
وفي افكار اخري عظيمة يتيسر بها صيام رمضان علي الوجه الذي ينبغي ستأتيك تباعاً وهي مجموعة في كتاب للعالم الجليل خاين بن بدران بعنوان"كُل ما تشتهي في نهار رمضان ولزقها في النسيان"...تقبل الله منا ومنكم