توفيت شيماء...وسقطت ورقة أخري


دخلت علي مدونة اسامة
تماديت في كتابة التعليقات
حتي وجدت صاحب المدونة يدعو كل زائر لزيارة شيماء
لا اعرف علي وجه التحديد من تكون
ظننتها شيماء اخري اعرفها واعرف مدونتها
غير انها لم تكن كذلك
هذه كانت مدونتها صامتة حزينة مغرورقة العين بالدمع
احسست لأول وهلة ان المدونة تتقبل التعازي في صاحبتها
التي فارقتها...بعد ان سقط القلم من كفها رغماً عنها
تذكرت حينئذ سؤال ربما مر علي اغلبنا في تاج جاوبه الكثريين
ما حال مدونتك بعد ان تموت
الغريب ان اجابتنا جميعاً كانت متقاربة حملت في طياتها الدعابة
لم يفكر احد كيف يكون حال مدونته واهله واصدقائه وكامل إرثه
بعد ان يموت
قليل هم الذين يفكرون انهم محاسبون علي كلماتهم بعد الموت

قليل هم الذين يفكرون انهم محاسبون علي افعالهم بعد الموت

قليل هم الذين يفكرون في الموت
...............................
هذه رسالة من احمد صفوت شقيق شيماء التي توفيت منذ ايام:
السلام عليكم أنا أحمد أخو شيماء(شيكو) صاحبة هذه المدونة أعزائي ضيوف المدونة أعلمكم بأن شيماء توفيت إلى رحمة الله تعالى ليلة النصف من رجب وكانت قد أوصتني أن أعلمكم بهذا الخبر وأن أسألكم أن تقرأوا لها الفاتحة وتدعو لها بالمغفرة والرحمة ونظرا لعدم معرفتي بكلمة المرور الخاصة بها فقد دخلت وكتبت هذه الرسالة ضمن التعليقات أقسم عليكم بالله أن تدعو لها رحمك الله ياشيماء وأسكنك الفردوس الأعلى موعدنا الجنة إن شاء الله
.............................
وهذه التدوينة الأخيرة لشيماء
وكانت بعنوان
غياب لأجل يعلمه الله
"حقيقى وحشتونى جداااااا
ومش عارفه هتوحشونى لحد امتى
لكن كل اللى متأكده منه انى محتاجه دعواتكم
التجربه الصحيه اللى بمر بها مش بسيطه
اذا ربنا كتب لى الشفاء منها هاحكى لكم عنها بالتفصيل
تحياتى لكم كلكم"
..........................
انا لله وانا اليه راجعون

10 عبرني:

koukawy يقول...

معقوله انا مكنتش عارفه ان شيماء هي شيكو
ربنا يرحمها
دي كانت من الزائرين المداومين علي دخول مدونتي
و انا كنت بحبها اوي من غير معرفها
انا لله و انا اليه راجعون
خبرين و فاه ورا بعض صعب اوي
و الدي و شيكو
ربنا يرحمك يا شيماء و يسكنك فسيح جناته
و يلهم اهلك الصبر و السلوان
يا رب اغفر لها و ارحمها
اغفر لها و ارحمها يا رب العللمين

Jana يقول...

قريت الموضوع عند اميرة البلطجية من كام يوم
فدخلت على مدونتها عشان اعرف مين هى
الاول معرفتهاش
ولما تصفحت سريعا المدونة
افتكرتها
وافتكرت انى زمان دخلت عندعا مرة وقريت بوست عن شجرة الاسماعيلية الشهيرة

الميوزيك اللى هى حاطاها..خلت الموضوع اصعب وانت بتقرا بوستها الاخير
سبقتنا كلنا للمكان الوحيد اللى بلا خطيئة اللى انت كنت بتتكلم عنه
ماحدش يعرف كانت حاسة بايه
لعلها ارتاحت دلوقتى

دايما باحس ان اللى اتوفى خصوصا بعد مرض شديد
قاعد يتفرج علينا واحنا بنرثيه وبندعيله
وهو بيضحك ويقول ادعوا انتم بس لنفسكم الاول
يا ريتكم تطولوا اللى انا فيه

ربنا يرحمها ويجعل مرضها كفارة لأى ذنب
ويرحمنا كلنا ويجعل اللى بنكتبه ... لينا مش علينا
تحياتى

sa'7so'7te يقول...

elbaka2 lellah .. ana ma3rafhash bs rabbena yegma3ne beha f gannato ya rab

بيتنا القديم يقول...

كوكو
.....
الغريب ان احنا عارفين ان الدور لازم ولابد جاي جاي
بس الامل قد يخرج عن نطاق الاجل
اللهم احسن ختامنا جميعاً
وارحم امواتنا
ووالد كوكو
وكل المسلمين
آمين

بيتنا القديم يقول...

ام جني
.....
يا رب يا رب يا ام جني

ربنا يغفر لنا ويرحمنا

ويجمعنا في الجنة

من غير سابقة عذاب

ولا مناقشة حساب

آمين

بيتنا القديم يقول...

صحصحوتي
.......
اللهم اغفر لنا ولك ولعموم المسلمين

ان شاء الله نراك في الجنة

تصبحي علي خير

نانو يقول...

السلام عليكم
دى أول مرة أعلق هنا فى المدونة مع أنى من المتابعين ليك ومدونتك بحبها أوى
بالنسبة لشيماء أنا مكنتش اعرفها قبل كده بس لقيت الخبر منشور فى عدة مدونات تانية ودخلت فعلا على مدونتها ومع أنى معرفهاش بس بكيت بكاء شديد وانا بقرأ بوستاتها القديمة وبالذات أخر بوست لها وكلام أخوها فى الشات بوكس موتنى ربنا يرحمها ويجعل مثواها الجنة وأن لله وأن اليه راجعون

بيتنا القديم يقول...

نانو
....
الله يرحم شيماء وجميع موتي المسلمين

جزاك الله خيراً علي الزيارة

ودمت بخير

عين ضيقة يقول...

إنا لله وإنا اليه راجعون

بيتنا القديم يقول...

عين ضيقة
.......
حقاً

انا لله وانا اليه راجعون

ربنا يبارك فيك