يا أهالي المملكة...دوروا علي أميرتكم البلطجية


كان يا ماكان يا سعد يا كرام


حباها الله من النباهة ما به كانت تتباها

واعطاها من العقل ما به قد إستغنت عن النقل

ومن فصاحة -(!!!)- اللسان ما أرعب الاعداء والاخوان

ومن طيبة القلب ما هون علينا حرارة الدرب -بالدال وليس بالضاد)-.

وفي ليلة من ليالي المملكة...والمطر بيمطر

طششش طششش طششش طششش طششش

والسماء ترعد

بوم بوم بوم بوم بوم بوم بوم بوم

والعصافير تصرخ

يالهوي الغسيل هيتبل

والمعيز تهرول صائحة

إطلع يا واد هتوسخ هدومك يا منيل

وفجأة

أن أن طششششششششششششش

إختفت مولاتي الاميرة

محدش عارف خدتها النداهة...ولا ام اربعة واربعين عشان تكمل بيها الخمسة واربعين

يا تري حد سحرلها

جايز

يا تري حد خطبها

ممكن

يا تري شافت شغلانة بعد الضهر

وليه لأ

إنما اللي كل المملكة متفقة عليه

انها كانت اجمل وارق اميرة للمدونيين البلطجية

اللي منهم

احمد

جني

ميرا

اسكندراني

كرانيش

شيماء
ندي

مشمش

دكتور محمد

سمراء

وشلة الصيادلة

وشارم

وناااااااااااااااااااااااااااااااااااااااااااااااااااااااااااااااااااااس

كتييييييييييييييييييييييييييييييييييييييييييييييييييير

بيحبوها

لكن مؤكد هي وجدتنا كلنا دون مستوي صدقتها

لأننا لو كنا نهمها...وحاسه بواحد علي مليون من احساسنا

كانت فتحت البلوج

علي الأقل نؤلها مالك

جعانة

نجبلك أكل من عند مؤمن او جاد

اوحتي دوك نايت

بردانة

نجبلك لحاف ابو الفدا

طهقانة

نوصلك لحد حافة كوبري قصر النيل

إنما هي حست ان احنا منهمهاش

علي العموم يا شباب لن نيأس

سنبحث عن زجاجة عائمة في الماء بها رسالة من اميرتنا

بتؤل فيها الحقوني

ويمكن ساعتها نطنشها احنا كمان

وحيث ان كنت في يوم من الايام مدير اعمالها البلطجية

فأنا انتهز هذوها الفرصة

واوجه هذا النداء العاجل

وافتح باب الإكتتاب في هذوها النداء لمن اراد

علي أمل ان تحن وترق وتتنازل

وترد

لعلها

10 عبرني:

break يقول...

يا راجل مش كنت تقولى من زمان
انا بفتح البلوج بتاعها منعندك كدا اشوف ايه النظام
لقيته خير اللهم اجعله خير
فتح
المرة الجاية ابئا بلغنى علطول

Jana يقول...

سمسم

حاعمل نداء معاك عندك انت كمان
على امل

بقولك هى تعبانة شوية
فادعيلها كمان

وانتى يا مرمر يا جميل
طال علينا غيابك
من بعد ما قفلتى بابك

واحنا لسه مستنيين

هو احنا مش كنا احبابك
وكنا اهلك واصحابك

وانتى عندنا نور العين

ايه اللى حصلك .ايه اللى جرالك
افتحى المدونة نسألك حتى مالك

ولا حتسيبينا كتير زعلانين

مستنية ردك على الايميل اللى بعتهولك

وانا عارفة انك مش حتكسفينا
سلام يا جميل

شكرا يا سمسم

smraa alnil يقول...

ههههههههههههههههههه
طب اعمل فيك ايه بس

ما البلوج اتفتح معايا

خضتني يا راجل
ان كانت تعبانة فشافاها الله وعافاها

بس ان كانت جعانة
الله يكرمك ابعتلي اي حاجة انت هتجيبهالها

تقريبا يا سمسم

هي شوطة وجت للكل

رحماك يا رب

ربنا يرجعهالنا بالسلامة

بيتنا القديم يقول...

بريك
....
البنت اميرة البلطجية دي طلع زعلها

قريب...ودمعتها بتنشف بسرعة

وينفع ينضحك عليها بكلمتين حلوين

شوفتي بقا عرفنا نضحك عليها ازاي

ونرجعها لصندوق الدنيا

يا بخت ابن الحلال بيها

بيتنا القديم يقول...

جني
...
صحبتك رجعت من تاني

يا خسارة طلعت اونطة

ده انا لسه كنت هصيت لها

وهشحت علي حسها

وهاتك يا تبرعات

وهاتك يا إعانات

يالله محدش بيكولها بالساهل

قطيعة

!!

بيتنا القديم يقول...

سمراء
....
خطييييييييييييييييييييييييييبك

عامل ايه

وانت يا برنس اخبارك ايه

واخبار مشوارك الاكاديمي ايه

علي العموم لحظات الاحباط تنتاب الناس

من حين لآخر والواجب علي اللي عنده

اكتفاء ذاتي من الأمل انه يفضي علي

اللي معنهدوش

بخصوص حالة الشره اللي اصابتك مؤخراً

فأنا ادعوك انت وخطيبك علي حسابكو

في مطعم دوك نايت...للعشاء اللذيذ

وسط الموسيقي الحالمة والاضاءة الخافتة

والفاتورة الحارقة

بس ممكن تغسلوا الصحون كبداية للتعاون

بينكم

!!!!!

غير معرف يقول...

اية يا عم النداءات الجامدة دي

عارف

لما قرأت

واعطاها من العقل ما به قد إستغنت عن النقل

قلت هى ابو حنيفة واللا اية؟
(:

ولما قرأت

ومن فصاحة -(!!!)- اللسان ما أرعب الاعداء والاخوان

قلت الله..........سمسم هيغلط فى مهدي عاكف وهيجيب لنا الكلام واحنا مش أد الاخوان
(:

وبعدين

ومن طيبة القلب ما هون علينا حرارة الدرب -بالدال وليس بالضاد)-.

عرفت ان واحد حبيبنا لسة واخد علقة صح
(:
اما عشان مجابش شيكولاتة
(:
او عشان اتأخر عن ميعاد العودة للمنزل الموقر
(:

وبعدين فى الاخر خالص لما قرأت

علي أمل ان تحن وترق وتتنازل

قرأت كلمة (تتنازل) فى الاول : تنزل

قلت يااااااااه........لازم كلنا ننادي

الأميرة لازم تنزل

الأميرة لازم ترحل-عفوا - ترجع
(:

صباح التهييس

ااااااااه يا سمسم............اما انا واقع فى حتة حوار

مخليني مش مركز فى اى حاجة

حوار جامد بجد

هابقى احكيلك قريبا.........و ربنا يسهل والحوار يخلص

اما الاميرة

دي مشكلة يا عم...........ربنا يبارك لها وفيها وفى دماغها اللوزعية دي....بجد بجد ربنا يبارك فيها

خلى بالك من نفسك يا سمسم

وكلنا نخلى بالنا من نفسينا

وربنا يكرمنا كلنا

والسلام

أميرة البلطجية يقول...

لااااااااااااااااااااااااااا
كده مش كميييييييييييييل
كده التسييح ده؟
هههههههههههههههههههههههه
اولا يا اسامة..ربنا يا رب بد يباركلك ويكرمك ويطعمك ولا يحرمك قادر يا كريم
هههههههههه
(ايوة الكومنت ده من اللاب توب في السيدة
ههههههههه
حقيقي ميرسي
بسسس
ارجو انك متكونش رجعت في كلامك
بخصوص الساندوتشات
كوك دور او مؤمن او برجر كينج..لأني نفسي اجربه قبل ما موت
ويا ريت
لو
(بس مبقاش بتقل عليك بس)
الحلو..تشيز كيك
أو براونيز..ماشي مش مشكلة
ويجعل بيوت المحسنين عمرانة دايما قادر يا كريم
ههههه
ميرسي يا اسامة مرة تانية

بيتنا القديم يقول...

أحمدوف
.....
ياض يا حمادة يا أُبها

ايه الطعامه دي كلها

دونت وري يا مان

كلو عشان مصر والجيزة والكيت كات

وعلي جنب وحياتك ياسطي

علي فكرة يا أخ

بحبك

بيتنا القديم يقول...

مولاتي
.....
قال خير اللهم اجعلو خير

قبل الفجر بيومين

قال احنا قاعدين في مطعم شيك

وقدمنا اكل شيك

ولابسين لبس شيك

وبنضحك ضحك شيك

راح جالنا راجل سيك

في ايدو فاتورة شيك

مكتوب فيه رقم شيك

وقال خير اللهم اجعلو خير

لائيت دمعتك علي خدك

وناس لابسه ابيض في ابيض

واخدينك في عربية شيك

وانا بصرخ واجري ورا العربية وانكفي

مولاتي لأ مولاتي لأ

لائيت كف سؤع ضخ الدماء في المنطقة

القفوية فوق الكتف بشوية

قمت صرخت بحرقة ونخوة وشجاعة باسلة

مولاتي
.
.
.
.
آآآآآآآآآآآآآآآآآآآآآآآآآآآآآآآه