أيوه يا خويا صح!!..




أهلاً يا شباب

سمسم واقف علي محطة الاتوبيس

سمسم مش لائي اي اتوبيس يلوح شذاه في الافق

سمسم يري سراب

يصرخ بؤبؤ عينيه حينما تداهمه وتلسعه حبات العرق

انها الرابعه قبل آذان العصر

يقترب السراب وتتضح ملامحه

ياهوووووووووووووووووووووو

انه تاكسي!!

اللعنة علي محدودي الدخل

بل اللعنة علي الدخل نفسه ان كان ذلك يسره

اذن سأدرك شركة تي داتا وادفع فاتورة النت

يا ما انت كريم يا رااااااااااااااااااااااااااااااااب

سمسم يشير الي التاكسي

من اول وهلة يتضح اني أخطأت

التاكسي يترنح في مشيته

كأنه ضارب ظرووووف بانجو معتق

وكمان راكبة قدام واحدة إمرأة بلدي

وانا محبش لعب دور الطربوش ولا مؤخذة

سمسم يدلف الي داخل التاكسي

سمسم روكبو محشوره بين كرسي المرأة وكنبة التاكسي التي اصابتها نيران صديقة

السائق: إحضرنا يا استاذ

سمسم: بالتأكيد ما اصل انا راكب معاكم هودي ودني فين

السائق: واحد راجل مراتو بتضربو...وبتشتمو...و...لوك لوك لوك لوك لوك

سمسم: وبعدين

السائق: هو جايبلها كل الي نفسها فيه...صح يا هانم

المرأة: ايوه يا خويا صح

سمسم: الهانم تتطلع مين

السائق: أخت اللي انا بحكي عنها

سمسم متغابي: ايوه طبعاً واضح مش عاوزه مفهومية..كمل يا اوسطي

السائق: كل ما يروح عند مراتو الاولنية تعشيه بخنائه

سمسم: ده اقل واجب..استمر استمر

السائق: صح يا هانم

المرأة: ايوه يا خويا صح

سمسم: حضرتك كنتِ نايمه معاهم؟!

السائق: جري ايه يا سدنا اللفندي ما اؤلتك اخت اللي انا بتكلم عليها

سمسم: مفهوم مفهوم..المسألة مش محتاجة ذكاء..استمر استمر

السائق: غضبت الهانم عند امها ..خدت معاها كل شئ الدهب والعفش حتي المعالق..صح يا هانم

المرأة: ايوه يا خويا صح

سمسم: سيادتك كنتِ بتعتلي عربية العفش معاها ولا مؤخذة

السائق: وبعدهالك بأه يا استاذ..ما اؤلتلك اختها يا فندي اختها..ده دي

سمسم: ياسيدي انا بس باستفهم..استمر استمر

السائق:ومش بس كده يا استاذ..دي كمان عضتو في ضراعو

سمسم: ممكن توريني العضة

السائق بلا شعور يعري ساعده:اهه يعني هتبلا عليها يعني..مش كده يا هانم

المرأة: ايوه يا خويا صح

سمسم بنفاذ صبر: سيادتك متجوز كام..ومين الست دي..والبنت الصغننة دي بنت مين

السائق بإبتسامة محرجة: الله الله..لا مؤخذة يافندي..ماكنتش عاوز اكشف صخصيتي قدامك

سمسم: لأ متألأش محسوبك غبي..ده انا حتي مخدتش باللي من اول الكلام من ساعة مش كده يا هانم ايوه يا خويا

السائق: طب والنبي انصحها يا فندي

سمسم: عيب تعملي كده يا ام ......اسمها ايه

المرأة: رحمة

سمسم: عيب كده يا ام رحمه كل دي عضة وعلي مرة واحدة

السائق: شايفة اهو لا يعرفني ولا يعرفك..صح ياهانم

سمسم: ايوه ياخويا علي جنب هنا لو سمحت!!
..............................................
حدث بالفعل يوم الخميس اللي فات

13 عبرني:

غير معرف يقول...

ازيك يا سمسم عامل ايه واضح انك تعبت اوى اليوم دا الله يكون فى عونك
تحياتى
مجهول رقم 2

Dr.khaled يقول...

ربنا يخليك للغلابة

ياخويا

بيتنا القديم يقول...

نيو كيد
.......
يا ستي الله يكرمك علي الثناء العظيم ده

هو الخميسي اشتري تاكسي

تصوري الاروبة مأليش

يالا داري علي شمعتك تئيد

بيتنا القديم يقول...

مجهول رقم 2
..........
فينك يا عسل ايه الغيبة الطويلة دي

والله تعبت فعلاً من ذكاوة البشر

لكن نقول ايه

سبحانه عاوز كده

بيتنا القديم يقول...

د/خالد
......
ايه يا ضكترة

انت نسيت ان ليك حالة سايبها من غير

قطن ولا شاش في بيتنا القديم

يا راجل ده جثتي عفنت

انت اخبارك ايه يا جميل؟!!

koukawy يقول...

هههههههههههههههههههههههههههههههههههه
انت كان لازم تعضه في دراعه التاني
هههههههههههههههههههههههههههههه

بيتنا القديم يقول...

كوكو
....
يا شيخة حرااااااااااااام عليك

هو عشااااااااااااان راااااجل يعني

وبعدين عضتين في الدراع توجع

سلام يا عسل

Jana يقول...

حلوة قوى
وانت بتقولها كل دى عضة وعلى مرة واحدة ؟
لا ام رحمة كان لازم يكون عندها رحمة وتعضه على مراحل
بس كلام فى سرك ستات جدعة
تاخد حقها بسنانها

تحياتى
وماله ياخويا

بيتنا القديم يقول...

نانا
....
يا للنساء

جاست وومن

شت

تحياتي

warDaya يقول...

ههههههههههههههههههههههههه
لالالالالالالالالالالالالالالالالالالالالالالالا
بجد بجد بجددددددددددددددددد
طريقة سرد في منتهىىىىىىىىىىىى الروعه
هههههههههههههههههههههه
اول مره اقرأ بوستات في مدونه وكلهم يعجبوني...بجد بجد ماشاء الله

انا هافرتك المدونه قرايه هههههههههه
ماتتخضش لو لاقيت البلوج بقى مكحت ومتفحت هههههههههههههه

بيتنا القديم يقول...

ورداية
......
أهلاً بالناس العسل

ايه اخبار الجميل

وازيك شغلك الجديد في الشركة بتاعة

الجرفكس

بالحق...دايزين مدونتك اكثر من رائع

شكلك كده ذؤك عالي يا برنسس

اتفضلي فرتكي المدونة وكحتي وفحتي

بس معاك تصريح الأول من البلدية والحي

تك كير

lonely يقول...

جميله يا سمسم
حصلى موقف مشابه مع سواق تاكسى بيشتكيلى مراته
وعاوز يكون نفسه عشان يطلقها
ويتجوز

بيتنا القديم يقول...

لونلي
......
بما إني راجل وانتمي لرابطة الرجالة

استطيع القول بلا خجل ان بعض الرجال

يجدون متعة في شكاية زوجاتهم واظهارهم

في صورة ابو لهب وابو جهل وابو جلامبو

لا سيما لو كان الطرف المشتكي اليه

جميل...!!!

عالم الرجال مفضوح دائماً

تك

كير