vanilla sky


vanilla sky
يصحو من نومه فجأه مثل كل يوم يرتدى ملابسه كالعاده متجهاً الى عمله
يستعد بمنتهى اللياقه لانه يوم جديد يستحق ان يعاش و لانه عمل جيد.. مهم فيه ان يكون انيقا و مستعداً و نشطاً
فعندما ينظر من شباك حجرته الواسعه المترفه يجد الشارع فارغ تماما
فيقول بينه و بين نفسه سيصحو الان الناس و ينتشرون كالعاده لعلهم نائمون
و ينزل من بيته متجهاً الى سيارته الجميله النظيفه
فيمشى فى الشوارع الفارغه ( تماما )
فلا توجد سيارات اخرى او حتى بشر يمشى
و لا يوجد اى حيوان اليف يسير
فيزداد تعجبه
فهو الوحيد بالشارع
و يتجه بسيارته الى الشوارع المجاوره متجهاً الى عمله فلا يوجد بشر
لا يوجد احد
هو الحركه الوحيده و الصوت الوحيد الذى يهز السكون من حوله
هاهى اوراق الشجر تتناثر من حوله فى الفراغ الواسع
vanilla sky
مندهشاً و متعجبأ فتاره يحسب انه مازال نائماً و يحلم و تاره يظن انه قريباً جدا سيرى احدا يتحرك
و يطمئن نفسه بانه قريباً سيظهر من يسأله عن هذا الفراغ و لكنه لم يجد سوى الفراغ
فراغ - صمت - خوف - رعب - هم من اجابوه بانه فعلا الوحيد انه حقاً لا يوجد بشر الان
بدأ مرحله جديده مع نفسه هى ان يذهب ليبحث عن الناس
vanilla sky
دخل الشوارع و البيوت فلم يجد احد
جميعهم اختفو و لكنهم تركو رائحة القهوه و تركو بقعه الشيكولاته و تركو خلفهم اغانيهم المفضله تركو دفىء اماكنهم و تركو كل ما احبوه و يكرهوه
و لكن هل بالفعل تركوه ام انهم اختفو فحسب
vanilla sky
اين الناس اين الحركه اين الدفىء بحث فى كل مكان حتى ذهب الى عمله فلن يجد احدا بل وجد المكان مغلقا كما تركه الليله الماضيه
ترك سيارته فى حيره
و ظل يمشى فى الشوارع يترنح و يجرى مصرخا بكلمات ليست مفهومه لانه لا يوجد من يسمع او يفهم
صراخ مستمر لا جدوى منه
يجرى فى الشارع بأقصى سرعه متوهماً انه سيصل الى حياه
مندهشاً من غربته لا يعلم متى ينتهى الصمت و السكون
مسرعا فى الشوارع بلا هدف سوى البحث عن من يجرى معه او يصرخ او يطمئنه
يصرخ عاليا متأملا ان يسمعه احد او يرد على صراخه بحركه او نفس
و لكنه متوهماً ...
vanilla sky
يتمنى ان يختفى او يموت او يحدث له اياً كان ما حدث لهم ياليته مات ياليته اختفى
و هاهو استسلم و قرر الانتحار
رغم ان الحياه افضل و لكنه فضل ان يموت " معهم "
vanilla sky
vanilla sky
vanilla sky
vanilla sky
vanilla sky

12 عبرني:

Anima يقول...

vanilla sky
فيلم أظنني رأيته

ولكن طريقتك في التقديم أعجبتني
ميرسي سمسم

بيتنا القديم يقول...

انيما
....
متشكر جداً

وجزاكم الله خيراً

تحياتي

break يقول...

مش فاهم حاجة؟؟

انا فهمت الكلام
بس مش فاهم مين vanilla sky
فيلم فعلا !!

معلش جهل بئا

يجعله عامر بالغموض

بيتنا القديم يقول...

بريك
....
ايوه هو فيلم قصتو كويسة

مشاهدة نافعة

تحياتي

Jana يقول...

شفت فانيلا سكاى من فترة طويلة ...لذلك مش فاكرةالمشهد ده للاسف
مع انه شكله من وصفك ليه انه كان حلو قوى...فعلا مش فاهمة ازاى نسيته ؟

بس اللى انا فاكراه من الفيلم انه ساب فى نفسى اثر خيالى فلسفى جميل

وكان عاجبنى قوى اخر الفيلم فى ضرورة الاختيار بين انه يعيش الوهم اللى اختاره او يرجع لحياته السابقة ويتحمل النتائج ...واعتقد انه اختار يرجع بس فعلا مش فاكرة ايه اللى حصل ل كروز بعد كده

تحياتى ويجعلو بالافلام الحلوة عامر

أميرة البلطجية يقول...

سمسم تجتاح عالم السينما
نيااااهااااها
الحقيقة مشفتوش
لكن..تخلي كده نصحي منلاقيش ناس؟
او يعني يبقي فيه ناس بس كأنهم مش موجودين بظبط؟
امممممممممم....لازم يدور كويس...فيه دايما علاقات الواحد مش بيستثمر فيها...في ناس جديدة ممكن نعرفها وفي ناس علاقتنا بيها ممكن تخش الانعاش وتطلع شابة صغيرة..اللي بيفضل لوحده غالبا ده كان اختياره

بيتنا القديم يقول...

نانا
....
متابعة دقيقة من سموك

بإختصار اللي حصل لأخونا كروز بعدها

ان اختلف مع المخرج علي الاوفر تايم

وهاتك يا شتيمة بالانجليزي وجاكي شان

كان بيصور في الاستوديو اللي جنبهم

خرج علي صوتهم والصابون علي وشو اصله

هو التاني كان بيمثل فيلم رجل

الرغاوي القذر..وبعدين يا ستي

انت عامله ايه؟!

دايماً اللي بيختار يعيش في الواقع هو

اللي بينجح

تحياتي يا عسل

بيتنا القديم يقول...

مولاتي
.....
هو ايه "نيااااهااااها" دي؟!

انت اخبار جيناتك الوراثية ايه

ويا تري لسه فيميل ولااااااا؟!!

انا قلقان عليك وعلي المملكة طمنيني

المهم

بالتأكيد يجب فرز العلاقات من حين لآخر

واعادة النظر في المواقف القديمة

انت موقفك ايه؟!!

تحياتي يا جميل

ammola يقول...

الله...هو مش هنا عالم سمسم
ايه اللى جاب سيرة الافلام هنا؟
طيب ..شكلك كده بتتكلم عن فيلم بتاع مستر توم كروز اللى انا ماشفتلهوش غير فيلم زى لاست ساموراى
ممكن لو سمحت تعملنا بوست عنه علشان اعرف اعلق؟

بيتنا القديم يقول...

اموووولة
.........
ان شاء الله هروح السيما الاول واتفرجلك عليه بعدمااشتري قرطسين لب وسداني
وبعدين اعلقك عليه
ما انت عارفة
ان الحكم علي الشئ فرع لتصوره
هكذا قالوا في علم الاصول
تحياتي

أميرة البلطجية يقول...

أممممم
انت بتخش شمال ليه يا سمسم بسسسسسسسسسسس؟
طبعا فيميل وست الفيميلات
غصبا عن عين اي حد طبعا
موقفي؟
أممم..انا كمان بصحح علاقاتي حاليا
بس باخد خطوة لقدام مش برجع ورا
بس كده
تحياتشي

بيتنا القديم يقول...

مولاتي
......
طب الحمد لله اطمنت عليكي

اصل الـ"نياهاهاهاهاهاه"دي قلقتني

عليك وحسيت ان الشيشة لعبت بدماغك

مش عيب ان الانسان يسقط من حسباتو

من هم في حاجة للاسقاط..الشجرة نفسها

بتعمل كده في الورق الاصفر اللي وجوده

ضرر علي باقي الفروع والاوراق

فتسقطه في الخريف فصل المراجعات

تبدوا بعدها الشجرة بورق اخضر جديد

يستحق الاعجاب

تحياتي