هلت ليالي التاج


هذا تاج ربنا يعفيكو
اتكعبلت فيه بمحض الصدفة
في صيدلية بريك
لكن علي مين
انا حضرت البخور والفحم وعين العفريت وزائدته الدودية
وحكيت المصباح وقلت
يابن الجني يابن الجني
يا سحلوب يا دحلوب
جاوب المطلوب
انت مين؟
كائن جاي يزور الدنيا ويدورعلي الشبشب بتاعو
مين اكتر 6 اشخاص بتحبهم؟
الاسد
الفرخة
العنقاء
النداهة
الشمامة
احمد شعبان
انت سعيد؟
لأ انا اسامة
لو اجتمعت انا وحسني مبارك في غرفة واحدة؟
هغنيلو انا بكره اسرائيل وطبعاً بكرهك
لو معاك مليون ونص جنيه......تعمل بيهم ايه؟
النص جنيه -اللي هو خمسين قرش يعني- هتبرع بربعو لهيئة تطهير الترع والمصارف
والربع التاني لهيئة ردم الترع والمصارف
والمليون جنيه بقا هدمرو في الكشري وعصير القصب
بتحب مصر؟
كنت قبل الاعتقال
بتحب البنات؟
طبعاً والدليل سهيلة
انت مسلم ؟
في الشهادة قالولولي كده
ليه؟
عشان بكره امريكا وبحب العراق وفلسطين
مين اكتر شخصية ما تقدرش تستغنى عنها في حياتك؟وليه؟
اكتر شخصية مقدرش استغني عنها في حياتي هي شخصية زميل العمل محترف الاسافين حيث اجد لذة شديدة في فضحه وان اري ارقام حذائي مرسومة علي وجهه
ايه اكتر موقف محرج اتعرضت ليه في حياتك؟واتصرفت ازاي؟
وانا رايح اخطب...ببقا قاعد في ربع هدومي ومش قادر ابص علي الغندورة
ايه الأمنية اللي بتدعي ربنا دايما انه يحققها لك؟

28 عبرني:

غير معرف يقول...

يااااااااااااااه عليك


انا حليته قبل كدة...... اعمل انا تاج وابعتهولك دلوئتى يعني؟


والسلام

بيتنا القديم يقول...

أحمدوف
.....
لا يا عم الطيب أحسن

خليك انت الكبير

تحياتي

عين ضيقة يقول...

ماشى ياسيدى


تاجك على راسى

سلام

Anima يقول...

علم و سينفذ يا بيه


هما اعتقلوك قبل كده؟

Unknown يقول...

ايه ده ... كنت بتحب مصر قبل الاعتقال ؟

هي مصر طعمها بيبان اصلا غير بعد الاعتقال

طب اقولك.. خد دوق مصر كده
مممم... اللللللله


طعمه بشكل

التاج حتأخر في الرد عليه اسبوع كده نظرا لضيق ذات الوقت

Jana يقول...

تاج ..! ! ! ؟ ؟ ؟
..!!حتى انت يا بروتس

عموما فى اول فرصة حارد عليه
بس بعد مااكنس الدار واحمى الفرن واحلب الجاموسة واقرص الجلة واخبز العجين ....و ياااى لسه حاغير الدايبرز للعيال
بس كده وحارد اول ما اخلص حصة التدبير المنزلى
وبلييز قولى رأيك فى اخر بوست
تحياتى ..وارفع لك التاج..قصدى القبعة

غير معرف يقول...

دمك سكر
و على فكرة الست الحاجات اللى بتحبها انا كمان بحبها

بيتنا القديم يقول...

عين ضيقة
.....
تسلم راسك

ده العشم بردو

سلام

بيتنا القديم يقول...

أنيما
......
شكراً لسماع الامر

حدث بالفعل يا فندم

سلام

بيتنا القديم يقول...

مشمش
.....
أحياناً يا مشمش بتكون مصر طعمها مر

واحياناً بتحس ان مطار القاهرة الطريق

الوحيد لفهم الواقع

بس من بعيد

سلام

بيتنا القديم يقول...

نانا
....
الله الله احنا فغي كفر الدوار ولا ايه

انت مين بالظبط يا ستي هانم؟!

وايه حكاية الجاموسة دي

وما علاقتك بالجلة

عارفه فاكرتيني بمين..بنيللي وهي بتقول

ياعجينة مبططة يا فطيرة مشللتة

انا شفت البوست بتاع دايماً دموع

سلام

بيتنا القديم يقول...

مجهول
....
ده دمك انت يا فندم اللي سكر

طب ممتاز طالما انت كمان بتحبهم

انا هشوف العنقاء هتفضي امتي من

التهام آخر ضحية لها وهجبها معايا

ونيجي نزورك

سلام

غير معرف يقول...

بيعجبنى الناس اللى بتفهمها وهى طايرة
عنقاء دى هاعمل بيها ايه ان شاء الله

فتح مخك
مفيش مانع من رقم 6

بيتنا القديم يقول...

مجهول
....
مفيش مانع عندي والله

احمد هيقابلني كمان نص ساعة

هجيبوا ومعايا المؤذون ونيجي نشرب

الشاي علي القهوة اللي جنبكو

سلام

~ Bato0ot ~ يقول...

rabna 3al moftry w el zalem :D amiiin

بيتنا القديم يقول...

بطوط
.....
شد حيلك يا جميل

تحياتي

يا مراكبي يقول...

إيه ده؟ أنا إسمي مكتوب؟

طيب

وجدير بالذكر إن السنة دي بتشهد أكبر كمية تيجان في التاريخ

نردهالك في الأفراح إن شاء الله

بيتنا القديم يقول...

يا مراكبي
........
عيش يا معلم

احنا في الانتظار

تحياتي

غير معرف يقول...

مردتش عليا
نمرة 6 لما قابلته فى القهوة وافق ولا لا
؟؟

بيتنا القديم يقول...

مجهول
....
يانهار تجسس ومخابرات

علي العموم نمرة 6 غير مرتبط

وعلي المدي القريب لن يرتبط

ومن الآخر لا يقدس الحياة الزوجية

ملحوظة

إحنا ضربنا يوميها زبادي مخفوق باللبن

ملحوظة

لا تسألني ما معني مخفوق..من فضلك

شيمـــــاء يقول...

اساله انت بس
يا نمرة 6
توافق ولا لا

بيتنا القديم يقول...

شيماء
......
اهلاً اهلاً

يا ارض احفظي ما عليك

يا مية نجف يا مية نهار بنور

يا صفايح الزبدة السايحة

يا براميل القشطة النايحة

انا قولتلوه يا فندم

وهو قالي تؤ

هو يعني ايه تؤ من فضلك؟!!

لكن هحاول تاني

ماهو مش معقول الولد أضيها سنجل كده

فور افر

تحياتي

غير معرف يقول...

مين شيماء اللى دخلت
فى الحوار دى انشاء الله
وتعرف نمرة 6 منين بقى
؟؟

انت يا سمسم

بيتنا القديم يقول...

مجهول
.....
عزيزي مجهول المحموء

لا ادري من انت

وبالطبع لا ادري علاقة

شيماء بك

لكن ما يسعني قوله

ان مدونتي ليست مكان مناسب لتصفية

الحسابات

اعرف مكان شاعري وهادئ

ان اردتما ذلك بعيداً عن الانظار

بجوار مشرحة زينهم

اتمني لكما ليلة مرعبة

تحياتي

لما سيتبقي من اشلاء

سلام

شيمـــــاء يقول...

يا سمسم انا معرفش مين المجهول ده
انا لاقيتها يا عينى متشحتفة على شعبان
قلت اوجب معاها
وبعدين لاقيت العريضة دى

مكنش بودى ان بداية تعليقى عندك تبقى كده

بعتذر لأى سوء تفاهم سواء ليك او للمجهول

وشكرا

بيتنا القديم يقول...

شيماء
......
لأ...والله انا مش قصدي تزعلي

بالعكس انا وجهت كلامي للمجهول وليس

لك..وان كان شئ هيزعلني منك فهو

انسحابك كده وانت زعلانة

ارجوك تقبلي اعتذاري

وحصل خير

هه تشربي ايه بقا

عند تمر هندي في التلاجة بس زي العسل

ثواني هعملك كوباية

شيمـــــاء يقول...

لا انا بحب الكركديه
:))

لا انا كنت خايفة انك تكون اتاثرت ولا حاجة

ومتشكرين للكركديه
:))

بيتنا القديم يقول...

شيماء
.....
طب الحمدلله إصطلاحنا وبقينا عال العال

سيبك بقا من التدوينة دي وعلقي علي

الباقي

ولا "خيانة مشروعة" مش تعجبك

تحياتي

يا أحلي

شيماء

في المجموعة

الشمسية