سوري..مأدرش اتجوزك


أهلاً يا شباب
هناقش موضوع النهاردة من اشوك المواضيع
بل
هو اشوكها علي الاطلاق
ان لم يكن هو الشوك بعينه
ودون الخوض في براثن هذه المتاهات التشويكية
اليكم الموضوع

الحب العذري

أعرفها كي أتزوجها

أريد التعرف عليه أكثر

إنه صديقي في الدراسة

صداقة بريئة

يعاونني في العمل

مداخل يتخذها الشباب والفتيات
بل قد يصل الأمر بالبعض إلى إقامة علاقات محرمة بين الطرفين حيث لم نعد نجد احتراما لمعني الشرف والعفة والخوف من الخالق
فمن أكثر الأسباب التي تمنع الشباب عن الزواج اليوم أو تؤخرهم عن اتخاذ هذه الخطوة المهمة في حياتهم التشكك في أخلاقيات الفتيات، والخوف من ارتباطهن بتجارب سابقة تسيء إليهم باعتبارهم أزواج المستقبل، ولا يخفى على أحد أن الانفتاح في الاختلاط والانشكاح في التحرر هو ما ادي الي هذا التخوف
فكثير من الشباب يعزف عن الزواج لأنه يجد صعوبة في اختيار من يثق بها من الفتيات، وهؤلاء قد تكون نظرتهم إلى البنات أنهن لسن على مستوى عال من الأخلاق، وهذا يدفعهم أحيانا إلى مصاحبة الفتاة، ثم يقوم بعمل اختبار أخلاقي (TEST) لها، فإذا فشلت في الاختبار يقطع علاقته بها أو يعتبرها صديقة ولا يفكر بها كزوجة!!
يوجد لدى الإنسان -شاب وشباية!!- حاجة إلى الجنس الآخر، وهذا من فطرة الله تعالى للإنسان، وقد استقرت الشرائع كلها على تحديد
وسيلة واحدة للإشباع العاطفي والجنسي وهي الزواج
وحين تكون هذه الوسيلة غير متاحة فإن الشباب يضطرون إلى وسائل غير مشروعة تتفاوت في عدم مشروعيتها للتنفيس عن تلك الحاجة الفطرية، وبالتالي تظهر الممارسات المحرمة والخارجة عن الإطار الطبيعي مثل الزواج العرفي، فضلا عن العلاقات المحرمة التي لا تقع إلا تحت مسمى الزنا
وإن كان الشباب قد رحبوا بالانشكحات الاجتماعية التي أتاحت لهم الاختلاط بالفتيات والذي منه..وبالتالي استغلال علاقاتهم بهن في الاستهبال المحرم، إلا أنهم عندما يفكرون في الزواج يستبعدون تماما الفتيات اللائي كُن على علاقة بهن في السابق، ولسان حال الواحد منهم يقول: إن فتاة قامت بينها وبين شاب أو أكثر علاقة صداقة بالمفهوم الغربي لا يُستبعد أن تنظر إلى غيري فيما بعد.
النبي صلى الله عليه وسلم حين نادى الشباب لم يقل من استطاع منكم الباءة فليحب وليخرج ولينشكح، إنما قال: "يا معشر الشباب من استطاع منكم الباءة فليتزوج"....وفقط

16 عبرني:

أميرة البلطجية يقول...

اللي انت بتقوله وبتذكرنا بيه هو الصح صراحة
الاختلاط المفتوح وجع قلب والناس مش دايمن (دايمن او بالدااااااللل) نفسهم بتبقي قوية
اما بقي عن واحد يصاحب واحدة وبعدين يتجوزها او يسيبها..فانت فكرتني بكلمة كنت بقولها لبابا امبارح..الناس كترت اوي يا اسامة فبقت كل النماذج بتبان كتير اوي وكأنها هي القاعدة..عارف..كنا زمان في المدرسة الثانوي انا وصحابي ماشين جمب الحيط والحمد لله كانت سمعتنا واخلاقنا لا غبار عليها وكانو بعض بتات الفصل مهيصين جدا (بمفهوم سكان المعادي) وبعد سنين..كل واحدة اتجوزت صاحبها..فيه اللي فضلت مهيسة وفيه اللي تابت هي صاحبها واتجوزوا..وبقيت انا وصحابي نبص بقي ونقول كلام من عينة ان احنا اللي مبقاش لينا لازمة دلوقتي وان اللي زينا مش بتبان ومش عارف ايه..بس طبعا انا دلوقتي بعد تلت سنين من التخرج..(عمر يا ابني) بقول ان مفيش قاعدة..كل النماذج بقت كتير..اللي بيصيع ويكمل واللي بيصيع وحاله يقف واللي مش بيصيع ويكمل واللي مش بيصيع وحاله يقف..فمعالجة المشكلة متجيش بان الواحد يقول متعملش كده عشان ميحصلكش كده (اسفة مقصدش اعدل عليك طبعا) بس قصدي حتلاقي ميت واحدة شافتت سيناريوهات مختلفة..البنات والاولاد اذا كانوا حيقوموا نفسم فده اولا لله وطاعة للنيي صلى الله عليه وسلم وثانيا..عشان حقيقي حقيقي لو الواحد درس الموقف..حيلاقي ان العلاقات المفتوحة بتوجع القلب احيانا كتير
يله ربنا يهدي ويعف الشباب والبنات
ميرسي ع البوست

ammola يقول...

شوف حضرتك
وزيادة فى الاشواك نحب نقول ان نفس الكلام بيتقال على الشباب-الرجالة يعنى-بمعنى ان البنت دلوقتى مابقتش زى زمان قاعدة مستنية عدلها واى واحد حييجى حتاخده..لا البنت برضه مش بترضى بالولد اللى له علاقات قبلها لانها بتبص له نفس النظرةيعنى بتقول ما هو ممكن بعد الجواز يصاحب غيرى ما هو واخد على كده.صدقنى دى حقيقة الولد مفروض يخاف على سمعته زى البنت تمام وخاصة ان الاسلام ما فرقش فى عقوبة الزنا بين الجنسين.وبما اننا حنحافظ على نفسنا علشان شكلنا يبقى حلو لما نتجوز الاولى نعمل ده طاعة لله .تحذير للولاد خافوا على سمعتكم زى ما بتطلبوا من البنات

بيتنا القديم يقول...

مولاتي
......
مع احترامي لطرحك

الا انني اؤيد وبشدة ان لا يكون ثمة

علاقات الا في حدود المطلوب والمتعارف

عليه وفق الاخلاق والدين والاحترام

اما ان تتوج في النهاية بالزواج فهذه

مسألاة نسبية تختلف بإختلاف طبيعة

الظرف والبيئة

واقول دائماً مثل هذه العلاقات كالنار

قليلها متاع وكثيرها بوار

تحياتي لسموكم

وفيران غرفة تعذيب سموكم !!!

بيتنا القديم يقول...

أموولة
.....
حضرتك قلتي: "تحذير للولاد خافوا على

سمعتكم زى ما بتطلبوا من البنات.."!!
0
0
0
0
قرأت

فاستوعبت

ففهمت

فمخمختي

فنصحتي

فأبلغتي

ونحن علي ذلك

من الشاهدين

وبالطبع من المؤيدين

تحياتي

غير معرف يقول...

يا شوكتي يانا يامه

وآهٍ ثم آهٍ ثم آهٍ ثم أوووه

ربنا ما يحرمنا منه .......

إللي أسمه أيه ده الـ"حب" .

غير معرف يقول...

سمسم
اولا صورة سهيلة جميلة و أمورة ربنا يبارك لك فيها و تشوفها ناجحة فى حياتها يارب فى طاعة الله و رسوله عليه الصلاة و السلام

ثانيا بالنسبة للبوست ده فياريت تركز على الموضوعات دى جدااا جداا جداا لانك لا تتصور مدى الالم و الحزن اللى بشعر بيهم لما اشوف بنت صغيرة عشرين سنة او اقل او اكتر دايخة فى المحاكم عشان تقدر تثبت نسب طفل صغير لاب كانت تحبة .. الموضوع ده انتشر و ممكن تشوف احصائيات رسمية له
ياريت البنات ياخدوا بالهم و يحافظوا على نفسهم ..
تحياتى لك
حوريه

بيتنا القديم يقول...

جوجو
....
"وآهٍ ثم آهٍ ثم آهٍ ثم أوووه"...

ربنا يمتعك بالصحة ويديك طولة العمر

ويخليلك جمعة الشوان

تحياتي

بيتنا القديم يقول...

حورية
......
علم وسينفذ يا فندم

شكراً لثنائك علي الآنسة سهيلة

وآسف علي تأخري لقرأة قصتك الجديدة

انا رايح اهو سلام

تحياتي

أميرة البلطجية يقول...

امووووووووورررررررررررررررررة سهيلة كميييييييييييلة..انما قولي! ايه حبل المشنأة اللي هي مسكاه في ايدها ده؟ ده باين مش انا بس اللي بلطجية من الصغر
ههههسلم عليها كتييييييييير خالص مالص واكيد بالص
..
مش عارفة انت ردك على الكومنت بتاعي حسسني انك مقرتوش تقريبا؟ هو انا قلت انها علاقات حلوة لا سمح الله؟

بيتنا القديم يقول...

مولاتي
......
لا يا فندم لا سمح الله انا مقلتش انك

قولتي كده

انما لفت نظري انك سويت بين انتهاء

هذه العلاقات بالجواز او عدمه كما

ينتهي غيرها من عدم العلاقات

ايضاً بالجواز او عدمه

انت قلتي:كل واحدة اتجوزت صاحبها..فيه

اللي فضلت مهيسة وفيه اللي تابت هي

صاحبها واتجوزوا".

هذا بالضبط ما ذكرتيه وهو في رأي ما

يجعل من وجهة نظرك التي فهمتها من خلال

سياق الكلام ان العلاقات قد تستوي في

نهايتها بعدم العلاقات بجامع خاتمة

الزواج يعني او عدمه

فاهمة حاجة من كلامي؟!!

شكراً علي مجملتك لسهيلة..وده مش حبل

مشنقة ولا مؤخذة الصورة كانت خاطفة

وهي نازلة من علي مواسير العمارة

اللي جنبنا

قطيعة محدش بيكولها بالساهل

تحياتي

محمد عبد الغفار يقول...

الحب العذرى هو
ان يحب الفتى والفتاه كما يحلو لهما ويفعلا كل ما يحلوا لهما حتى الفراش بعد ان يجدا لذلك عذر

غير معرف يقول...

ما شاء الله تبارك الله سهيلة قمر......بس هى شكلها ولد على فكرة بس ولد وسيم ما شاء الله تبارك الرحمن.....طيب اعمل حسابك فى اول عريس هيحجز أهو.....ومتقلقش هستناها....ماهى مش هتطول برضة
(:



اما البوست.....ااااااااااه يا قلبي


انا بخبط راسي فى الحيط كل ما افتكر اللى فات....لانى لغاية دلوئتى لو شفت واحدة اتعاملت معايا كويس افتكر انها واقعة فيا وابدأ اتعامل معاها بمنهج انها من اياهم وده طبعا مرض نفسي وبحاول اعالج نفسي منه انى اقنع نفسي ان البنات اغلبهن محترمات وكويسين ومش كل البنات من اياهم وحتى لو فيه اياهم بتظهر وبتبان ولو اياهم اتعاملت معاها هتعرفها وكدة

بس فعلا الموضوع ده عامل لى أرق شديد جدا وخايف اتجوز بسببه.......تقريبا هدور على واحدة من المريخ وأقفل عليها باب الشقة من كل جانب....واراقبها واتصل بيها كل شوية.....وحتى لو عشت عادي....برضة هعيش فى عذاب وشك وقلق

ربنا يشفيني من كل امراضى النفسية...اللهم امين

بيتنا القديم يقول...

عبده
....
لك وحشة يا راجل

ملعون ابو ده حب يفضي الي غضب الرب

تحياتي

بيتنا القديم يقول...

أحمدوف
.....
اندد بشدة تشكيك في شكل بنتي الأنثوي

ورقتها الطاغية وسنتين الاغراء اللي

عندها

سيدي قدم اعتذارك حالا الي سهيلة

...........

الطيبين للطيبات

شد حيلك

تحياتي

أميرة البلطجية يقول...

بابا سمسم
مصدش اساوي بين الانتين
اقصد..انت بتقول في مقالك بلاش الناس تعمل كده لحسن يحصل كذا او ميحصلش كذا...فبقولك لأ مش شرط..بيعملوا كذا وبيحصل يا اخويا
قطيعة على رأيك
هي الناس تعمل الصح بتاع ربنا وخلاص..الجواز بقي ده ارزاق مش مرتبطة بحاجة..انا شفت قصص كتير يعني
عموما حصل خير
امشي يا مسرور
مش حقطع راسه النهاردة..عنده بنت بيربيها وكده

بيتنا القديم يقول...

مولاتي
.....
إبنتي العزيزة اميرة البلطجية

ثبت بالدليل القطعي اننا متفقين

وهذا هو المراد إثباته

ربنا يخليلك مسرور ابو الشرور

وسهيلة بتتشكرلك علي إطراءاتك

المتوالية

تحياتي