عندما يحاكي الذئب صولة الأسد


أهلاً يا شباب


حكي لي أبي

أن الأسد كان يحمي

الأرض والعرض من الذئاب المعتدين

وكان يشدد علي جبن الذئاب في مواجهة الوطنيين

فخوراً بأنه ينتمي للأسود الثائرين

وفي ليلة غاب أبي

بعد ان إصطحبته كتيبة من الذئاب الأمنيين

وفي الصباح لم يعد أبي

ولكن أذيع بيان للذئاب الحاكمين

شاهدت أمامي علي الشاشة

ذئب يرتدي فراء أبي

فلما أحب أن يزأر مثله

خرج عواؤه كزئير المخنثين

*******************

هذه الخاطرة إهداء الي شهداء الحرية وشرفاء الوطن

6 عبرني:

أميرة البلطجية يقول...

انا فيه حاجة مش فهماها
انا كنت كتبالك كومنت طوووييييييل عند البوست اللي فيها النكت
راح فيييييييييين؟؟؟

غير معرف يقول...

الصورة ساااااااااااااااحرة
والي جنب وتحت الصورة اكثر سحرا والله اول مرة بحياتي تعجبني صورة زي كده هو الاسد موجود ليه اصلا عشان يحمي الغابة من الغابة زي اي اسد عربي صدقني رغم حاجات كتييييير خطا بس بتلاقي منهم فايدة لولاهم كانت الديابا عوت وكله عاوز العرين انت بجد مبدع وانا سعيدة لسبب واحد اني اخيرا قدرت اعلق بس تعرف رغم سحر الصورة لو كان بدل الحصان اسد كانت احلى واحلى بس هيا كده حلوة ربي يجعل ايامك وكتاباتك حلوة دايما زي كده سلمى

بيتنا القديم يقول...

مولاتي
*****
أميرة البلطجية إنها المؤامرة ولاشىء

غيرها

أوامر عليا سيادتك بإعتقال كل

الوطنيين والثائرين واللي واقفين علي

محطة الأتوبيس...واللي واقفين عند بياع

الفول

مولاتي لنضرب بيد من حديد...علي أي

شيء...ولازم نعرف مين يا مولاتي مين كان

السبب...ولا إيه؟!!

أميرة البلطجية يقول...

لا يا سمسم انا مش فاهمة الكومنت راح فين
كان موجود امبارح
عموما لو كنت مسحته فاكيد ليك اسباب وانا احترمها
اتمني بس مكونش قلت حاجة ضايقتك

بيتنا القديم يقول...

مولاتي
******
نمبر وان
أنا مفيش حاجه انت بتؤليها بتدايئني

أنا بزداد شرف لما مجرد إن مدونتي تيجي علي بالك فقط...فما بالك بالمرور او التعليق هذا شرف ومكانة انا بعتز بيها

نمبر تو
انا مامسحتش أي حاجة ودخلت كذا مرة إمبارح وأول فلم أجد إلا كومنت مجمع زي مجمع التحرير فيه ردود علي كل حاجة وانا علقت لك هناك

نمبر ثري
إنسي بقي الموقف بتاع انا زعلتك او حاجه ديئتك...إنت أختي(لو ماكنش يديئك طبعاً)ومحدش يوم زعل من أخته

نمبر فور
ولا يهمك...فداك الف كومنت وكومنت إحنا اللي بنعمل الكومنتنات مش الكومنتنات هي اللي بتعملنا
وعجبي

بالحق قبل ما أنسي
المقصلة بتاعة المملكة عطلانة وعاوزين واحدة جديدة عشان المعارضة عرفت الموضوع ده وشمتانيين
إحنا بعتنا لشركائنا في الجمعية العامة للأمم المتحدة نجيب من عندهم واحدة إحتياطي...أهو نأطع بيها لحد ما الصين تبعتلنا واحدة

إلا بالحق...هو إمتي هيجي دورنا في الجمعية العامة للأمم المتحدة عشان نقبضها زي خلق الله...عاوزين نبعزق

بيتنا القديم يقول...

سلمي
****
اهلاً بيك يا سلمي

الصورة رمزية...يعني ممكن يحل محلها اي

شيء يعبر عن النخوة والشهامة والرجولة

لكن للأسف الصورة دلؤتي كلها ذئاب