الليلة الأخيرة

إنها ليلته الأخيرة
هو يعلم هذا
وهي أيضاً كانت تعلم به
إستجمع ذاكرته وحل رباط الزمن عنها
بدأ يقلب صفحاتها علي عجل
هذه لما كان طفلاً علي صدر أمه
وهذه اول يوم في الـ كي جي ون
وهذه مع عمتو ليلي
هنا يلعب مع نهي علي البلاج
وتلك يلهو بالدرجات مع عادل وايمن ومحمود وشاكر
وهذه حفلة التخرج في الجامعة
نعم لا زال يتذكر هذه اللحظات والدموع في عينيه من الفرحة

****

يدخل عليه إثنين قائلين
ذلك يكفي هيا بنا
تنساب دمعه رغماً عنه
ويحاول ان يستعطفهما ان يبقي قليلاً
لكنهما يرفضان بإصرار قائلين
ليس هناك وقت...حانت النهاية

****
يخرج من البوابة بصحبتيهما
تحتضنه امه باكية
وتقبله
وكذلك يفعل ابوه
واخوته
وكل من حضر هذه الليلة
ليودعه
الجميع في قرارة أنفسهم أجمعوا ان هذه آخر ليلة
إرتسمت الفرحة علي وجهه رغماً عنه
وهو يلوح للجميع
قبل ان يصعد الي السيارة
التي تنتظره
لتفيذ الأوامر

********
توقف الموكب امام مبني مهيب وكبير
إنه ذاك المبني الذي ينتشر في ربوع مصر
ذات المبني الذي يدخله
كل حر
لتكون هذه بالنسبة له آخر ليلة
ثمة رجال رسميين واقفين علي البوابة
إبتسموا له !!!
ورفعوا ابواق كانت في أيديهم واطلقوا
نغمات مميزة
معروفة لمثل هذه الليلة
الليلة الأخيرة بالطبع
ثمة رجل وقور إقترب منه وتأبط زراعه
وأخذ يسير به طرقة طويلة يمتد البساط الأحمر علي أرضيتها
دخل خلفه كل من يعرفه
أمه أبيه إخوته أقاربه معارفه
حتي أصحابه الذين لم يراهم من سنين
جاؤا اليه ليشاهدوه في ليلته الأخيرة
لقد كان محبوباً من الجميع
******
ظهرت أمامه في نهاية الممر
منصة ضخمة
وثمة درج يصعد عليه
كانت المنصة يحيط بها الناس
من كل جانب
لحظات صمت
ترقب
حبس أنفاس
ثم
إصطحبه ذلك الرجل الوقور
الي تلك المنصة
وهناك تركه يصعد وحده
عند نهايه آخر درج
وجدها
جميلة رقيقة
كانت حورية بحق
تفجر الحياء والخجل من وجنتيها
عندما مد يديه
وأمسك بأناملها الرقيقة
وقبلها
لقد كانت بإنتظاره
ليودعا سوياً آخر ليلة
الليلة الأخيرة
من حياة العزوبية
ويبدأ سوياً
حياة جديدة
وهنا
إنطلقت الزغاريد...وطوحت باقات الورود في الهواء
وتناثرت الزهور حولهم مع الأمنيات
وقال الرجل الوقور الذي هو والد العروس
بارك الله لكما
وبارك عليكما
وجمع بينكما في خير
*******
جلس بجوارها علي منصة الحفل
وتأملها عن قرب
جميلة بحق
لو رأها نيوتن
لغير قانون الجاذبية
همس في إذنيها
أعلم ان الأرض تدور حول الشمس
لكن هذه اول مرة اري الشمس تمشي علي الأرض
إبتسمت في خجل عندما رأت والدها يلاحظها بإبتسامه
وقالت له
آخر ليلة
قال لها
نعم هي الأخيرة
في ملفات العزوبية
قالت له
برهن ذلك
قال لها
إقتربي إذن
إقتربت
فطبع قبلة علي وجنتها
صفق له الحاضرين
وإنطلقت فاعليات
حفل وداع
الليلة الأخيرة

20 عبرني:

غير معرف يقول...

التعليق ده تابع للبوست الي تحت:مجرد اقتباس ولو نزار قباني حيقرا الكلام ده حيتنازل عن لقب شاعر النساء
التعليق بالنسبة للبوست ده:خليك كده يعني الكلام ده زي ما بتقولوا منطقتك او الاصح انت مبدع كده هو ما ينفعش اقلك سيبك من كلام السياسة بس اقلك بصراحة السياسة ده مهما كتبت عنها وعن الي بيتزعموها مش حيحصل حاجة صدقني هي كلها على بعضها حاجة مش واضحة مالهاش طعم او لون او فايدة خصوصا لما تكون عن الاسود العربية ورجوليتهم المشهودة خليييييييييك كده انت مبدع بجد بس سؤال هالاقيت الي على البسكيلته 2 عريس وعروسة اللون الابيض ممكن تكون العروسة يعني عشان البدلة البيضة طب اللون البني يطلع ايه مش لو كان لونه اسود حتكون منطقية عشان بدلة العريس يعني
ربنا يباركلك بسهيلية

بيتنا القديم يقول...

سلمي
*****
لا تندهشي اعرفك من اسلوب تعليقك
لا أعرف لماذا تبخلين في التوقيع لكل موضوع علي حده
هل تخشين من الحسد
المهم
اول جملة انا مفهمتهاش بتاعة(مجرد إقتباس)...هل تقصدين اني اقتبس من زرار ؟!!
مين نزار ده...مش ده الراجل اللي بيجي يقتبس من عندي...أظن ذلك
أما قولك ان يتنازل لي عن لقب شاعر النساء...فأنا أحتج سيدتي
أليس للرجال نصيب حد يعبرهم ويحن عليهم ولو ببيت زوغنون
اما من جهة عدم الكتابة في المواضيع الأخري سوي الشعر والقصة
فأنا اعتبر المدونة بمثابة ذاكرة إضافية للمدون يفرغ فيها جميع الشحنات التفاعلية التي حدثت له او إهتم بها طيلة نهاره ولربما ليله أيضاً
شكراً علي الدخول والتعليق...والمرة اللي جايه التعليق يكون بإذن الله في كل موضوع علي حده وبلاش بخل
سلام يا جميل

غير معرف يقول...

طب اقلك حاجة وربنا لسه دلوقت خدت بالي ااني نسيت اكتب اسمي اصله الي بيحصل متصفح النت عندي غريب علقت عشان ماتقول بخيلة عن البوست الي تحته والي فاكرة كتبت اسمي تمسح فجاة فبتلاقين زي حد بيجري ورايا خايفة من قطعة الكهربا او الكلام يتمسح وارجع تاني اكتبه وربنا احيانا القصة بتحصل بنفس الوقت اكتر من مرة لحد ما امل واقول خلاص ماليش نصيب بالتعليق انا مش مستغربة انك عرفتني اصلي تركت بصماتي ورايا يعني اسلوبي بالكلام وكلماتي الي بستخدمها كمان حقلك انك ذكي يعني اه قبل ما انسى
سلمىىىىىىىىىىىىىىىىىىىىى

غير معرف يقول...

شفت نسيت تاني بالنسبة لاقتباس
جميلة بحق
لو رأها نيوتن
لغير قانون الجاذبية
يعني بحاول اقلدك واقلك
جميلة بشكل او قراها نزار قباني الي اكيد (بس هو ميت حيجي ازاي فسرها ليا ولا اقلم ماهو كذب في كذب يعني )عديهالي لغير وتنازل عن لقبه ليك انت بس وده مش محتاجة ذكاء عشان تعرفني او اكتب اسمي عشان قصة الحسد الي انت قلت عليها بيني وبينك اصل الناس قرهم كتييييير اوي واصلي مجربة

غير معرف يقول...

محمود
الأيام القديمة أجمل و لكنها الحياة دائماتأخذ الجميل حتى سمسم وقع و بقى أبو سهيله

أميرة البلطجية يقول...

سمسم
مش حتصدق..انا قريت البوست مرتين
بس لأني في اخر سطر بسسسس فهمت قصدك
تعرف انا اول مرة تخيلت الموضوع ايه؟
والله ما حتصدق
تخيلتك بتتكلم عن واحد المفروض انه يعني انه راجل كويس وفدائي وكده
وجم بليل البلطجية يخدوه عند عمو البلطجى الكبير
وحيعذبوه
لكن عشان هو مؤمن وكده كان متخيل التعذيب ده طريقه للجنة يعني
وبعدين اخده للمنصه عشان يعدموه زي صدام
او عشان يزحلوه للموت
وهو بقي شاف الحور العين قبل ما يموت
ولاجنة بتستقبله وكده
يا لاااهوووىىىى عليا وعلى دماغي
طلع بعيد عنك عريس
هههههههههههههه
ورايحين يزفوه على عروسته
هههههههههه
يا خبر ابيض
انا قعدتي اودام الكمبيوتر وانشغالي في امور الحكم اكتر من اللازم لحسه عقلي
ههههه
سلام

قطر الندي يقول...

دا انت سرحت بعقلي حتة سرحه حرام عليك انا تخيلت الراجل واخدينه منصة الاعدام !!!! طلع عريس هو الجواز دا حاجه صعب اوي كدا يا سمسم ؟؟؟ لو الحكاية كدا الواحد يوهب حياته للهلال الاحمر و خلاص بدل ما يخلي شاب ابن ناس و زي الورد كدا ينتحر و يتجوزني

بيتنا القديم يقول...

سلمي
*****
خلي باللك واكتبي إسمك براحتك محدش بيجري وراك ولا الكهربا هتنقطع ولا حاجة
تحياتي

بيتنا القديم يقول...

سلمي
*****
كلاكيت تالت مرة

نيوتن في الحقيقة هو أي راجل بيفهم

لو شاف خطيبته او زوجته وبيحبها بجد

أكيد هيغير قانون الجاذبية وده اقل

تقدير

بيتنا القديم يقول...

عزيزي محمود
**********
يبدو من لهجتك إنك شمتان

وكمان مش متجوز ومعندكش قطة زوغننة

زي سهيلة

لذا عشان تكفر عن خطيئة التريقة

أمامك حل من تلاتة

أولاً إنك تتجوز وتبقي ابو حلموس

ثانياً تستضيف سهيلة عندك في يوم تكون

بجد تعبان ومحتاج هدوء ومش عاوز دوشة

ثالثاً تستغفر الف مرة...وتعزمنا علي

عصير

تحياتي ايها الرجل الحر

بيتنا القديم يقول...

مولاتي
*****
لقد نجحة الخطة وعرفت اضحك عليكم

الحكاية كلها حصلت لما دخلت عند

الرائعة قطر الندي ولائيتها كاتبة

بوست كله مشاعر ملتهبة...أوم إيه

انا قولت أكيد مخطوبة او بتحب يعني

أوم إيه...في الآخر صدمتني...وطلع

الخطاب موجه للسيد أخوها

أوم إيه قولت لازم ارد الصاع صاعين

أوم إيه الصاع جه في ناس كتير

ويجعله عامر يا مولاتي

بالحق

فيه ديك كل ماطلع العشة الملكية

بتاعة قصر سموك اللي فوق السطوح

يستعبط ويعمل نفسه ميت...فأنا

كلبشتوه وحولت علي مسرور السياف

إيه رأي سموك

بيتنا القديم يقول...

قطر الندي
*********
تستاهلي عشان تحرمي تسرحي بينا انت

كمان في البوست بتاع المشاعر الأخير

اللي في نهايتوه قلتي انه كلام موجه لأخوك

بس لما سيدتك تضربي عن الجواز ولامؤخذة

هنلائي ازهار جميلة نتجوزها فين؟!!

ياستي ربنا يوفقك ويسعدك ويديك

الإنسان اللي بتتمنيه يا قطر الندي

يا بنت حوا وآدم

~ Bato0ot ~ يقول...

ana kman eftkrto tale3 manaset el e3dam walahy!
anyway mabrook 3aleh :D

saso يقول...

لا بقي كده تبقي مقصودة
انا خفت عليه فعلا كانة بيتحكم والمكان الرسمي ، تصورت اي حاجة غير انه فرح ووداع للعزوبية

بس حلوةوتفاصيلها جميلة

بيتنا القديم يقول...

BATO0OT
*******
لا تدري كم هي سعادتي في خداعكم جميعاً

كمذؤب إنتهي حالاً من شرب دماء فتاة

جميلة

كفرد من قبيلة نمنم إنتهي حالاً من قضم

آخر قطعة في ورك طفل صغير لم يبلغ عامه

الثاني

علي العموم الله يبارك فيك وعقبال لما

ناخد المحروس سعيد الحظ اللي هيدبس في

حضرتك ونعمله عملية ضبط وإحضار

للكوشة اللي فيها احلي واحدة اللي

هي سموك

بيتنا القديم يقول...

saso
*****
خطوة عزيزة يا جميل

حقيقة الأمر إن الرجل طفل صغير

ينفطم عن ثدي أمه فيبكي

يدخل الحضانه فيبكي

تضيع لعبته فيبكي

تتزوج حبيبته فيبكي

يطعن في قلبه فيبكي

يوم جوازه...بينه وبين نفسه يبكي

فرفقاً بالرجال !!!

تحياتي

Bossy يقول...

بجد البوست لزيز بس يعني هوا الجواز بقي عذاب ونقدر نسميه النهايه
اوم ايه بقي
شكرا علي انك دخلت المدونه بتاعتي
تحياتي

بيتنا القديم يقول...

عزيزتي بوسي
***********
والله هو مش كده بالظبط

دعينا ننظر الي الجزء المملوء إذن من

الكوب...ولا نقول أن نصفه فارغ

بل نقول أن نصفه مملوء

وزي مقالت الست ام كلثوم...الحب كده

شكله كده كان موريها النجوم في عز

الضهر...مش علي أيامهم برده كان في

نجوم...وضهر ؟!!

غير معرف يقول...

محمود بركات
سمسم الحياة لازم تستمر وعلى قد ما انا فاضى لكن الحبس احلى سنة الله فى كونه لن نغيرها انت تنور انت وسهيله بس لما تلاقى حد تلعب معاه عشان متكرهنيش قولها عمها محمود قرر انه يروح المقصلة مرضى يا احلى سمسم مش قولت لك وانا معاك معرفش آخد حق

بيتنا القديم يقول...

محمود بركات
***********
مبروك مقدماً