لستُ ملاك فهل انت نبي

أهلاً يا شباب

ما شعورك ورد فعلك أيها الشاب الحالم الرومانسي لو دخلت بعروسك فوجدتها ليست عذراء
هل ستطلقها؟!..ألن تسألها أولاً، الن ترحم دموعها ويغفر لها حبها لك، اليس من الممكن ان يكون الفض جاء من خلال سبب آخر خلاف ما تفكر به
هل ستصدق ذلك

وهل هذا سيكون رد فعلك لو كانت عروسك الجميلة قد قامت بعملية ترقيع لن تكلفها سوي دراهم معدودة...تري أنت بعدها السائل الأحمر السحري...ثم تزأر كأسد هصور

ثبتت رجولته...وترفع رأسك بشمم...وتنظر الي عروسك المخادعة نظرة الرضا وتربت علي كتفها ثم تتركها تلملم جراحها التي كافحت من أجلها

ثم إن كانت المرأة قد فض غشاء بكارتها بذنب او بدون ذنب...الم يكن ذلك بيد ذئب ينتمي الي الصف الذكوري وربما تكون انت هو...فهل انت نبي...وهل انت معصوم...ولماذا عندما تخطأ انت يسامحك الجميع وعندما تخطأ هي يحاربها الجميع حتي ولو ندمت وتابت

بالمقابل ماذنب الرجل المخدوع...وهو الذي ظل يحترم عهود إمرأة لم توجد بعد في حياته...خمسة وعشرون عاماً ربما ثلاثون وهو يصبر ويتحمل وكان في إمكانه أن ينساق خلف نزواته كما إنساقت هي...ولكنه صبر...وأراد ان يكون نظيفاً وطاهراً...الي أن يقابل شقه الأخر...أو نصفه الحلو...الذي للأسف وجده مراً...مرارة لا يطيقها ولا يتحملها

وهل لو صدق توبتها اليس من الممكن ان تعود لذات الذنب مرة أخري...لو ظهر الذئب الأول وهو يلوح لها ويذكرها بعهود الحب الذي كان ...وبميثاق الشرف الذي وقغته هي بدماء شرفها نفسه

وقد اجاز مفتي مصر علي جمعة إجراء عملية ترقيع غشاء البكارة للنساء اللاتي فقدن عذريتهن "لأي سبب كان"، قبل الإقدام على الزواج، مؤكدا أنه "أمر مباح".

وأوضح المفتي المصري في حديثه للتلفزيون المصري تفاصيل الفتوى بقوله : " إذا كانت عملية ترقيع الغشاء تؤدي إلى ستر المراة، فإن الإسلام يبيح ذلك".

وأضاف مفتي مصر: "على تلك الفتاة ألا تخبر خطيبها بأنها فقدت عذريتها، كما أن الأمر ينطبق كذلك على المرأة الزانية، حيث لا يجوز لها أن تخبر زوجها بأنها ارتكبت جريمة الزنا".

لكن الن يؤنبك ضميرك كلما فكرت انك خدعتي حبيبك الذي إستأمنك علي إسمه وسمعته...ما شعورك وانت تري السعادة في عينية كطفل حصل علي هديته يوم عيد...وهو لا يدري انها مغشوشة...وغير أصلية!!

أما الدكتور محمد النجيمي عضو مجمع الفقه في منظمة المؤتمر الإسلامي، يحرم أجازة الترقيع لأية فتاة فقدت عذريتها، وإن كان بمحض إرادتها.

والسؤال الهام...اليس الله يقبل توبة العبد الم يدخل الجنة إمرأة بغي(زانية) لأنها سقت كلباً الم يقبل توبة المرأة التي زنت في زمن الرسول الكريم وتاب عليها وقال الحبيب في حقها أنها تابت توبة لو وزعت علي أهل الأرض لوسعتهم

فلماذا إذاً بعد توبتها نحرمها من العيش الكريم في ظل رجل يمنحها بالحلال ما طلبته بالحرام وهل يستلزم كلما تقدم لخطبتها رجل ان تخبره...هل سيرضي حينئذ...بل هل سيظل السر مكتوم بعدها

وتختلف أهمية غشاء البكارة في ثقافات الشعوب تبعا لنظرة الناس الى العذرية، وفي المجتمعات الغربية يعتبر الغشاء مجرد حاجز تشريحي عند فتحة المهبل ليس له وظيفة أو فائدة ويتقبل الرجال حدوث الاتصال الجنسي للفتيات قبل الزواج ويعتبر وجوده في بعض الاحيان حالة شاذة

وربما تجد في الغرب من المسلمات والعربيات ممن انصهرن في بوتقة تلك الثقافات ولم تعد الفتاة تبالي ان كانت عذراء ام لا، ولعل تلك ضريبةباهظة الثمن تدفعها الاسرة العربية والمسلمة في الغرب، فلم تعد الفتاة تعبأ لتقاليد الاسرة وعاداتها، ولا الاسرة قادرة على الاندماج في ثقافة ليس في مفردات قاموسها كلمات مثل العفة والعذرية والشرف

ويخلص الشيخ عزالدين الخطيب الى القول بالتحريم أيضا،أما الدكتور محمد السماحى أستاذ العقيدة بكلية أصول الدين يرفض الفتوى وفي رأيه أن الغشاء علامة على بكارة الأنثى وأنها لا تمسه حفاظاً لكيانها واحتراما لها.

ويري الدكتور عزت عطية أستاذ الحديث بالأزهر يؤيد ما جاء بالفتوى قائلاً أن الدليل على براءة الرحم هو عدم الحمل أما الغشاء فقد يزول بنفسه من غير اتصال جنسي والغشاء لا يعتبر دليلاً على العفة.

نظر المسيح عليه السلام ذات مرة لجمع من حواريه واتباعه وقال لهم من كان بغير خطيئة فليخرج من هنا فأطرق الناس ولم يخرج أحد أما النبي صلي الله عليه وسلم فقال خير الخطائين التوابين...

فهل تقبل أن تكون ذلك الزوج المخدوع...او بمعني آخر اخر من يعلم...أم تقبل ان تعرف وتعفوأم تتركها وتمضي الي حال سبيلك، وبالمقابل هل تقبلي ان تخادعيه وما ذنبه فما جنت يداك...أم تخبريه ويعايرك بها كلما تشاجرتما...أم تنخلعي من الحياة وتعيشيها رهبنة ولا تخبري أحدا...وقلبك يتمزق

جواب يحتاج الي حوار هاديء

14 عبرني:

smraa alnil يقول...

بجد مش عارفة اقولك ايه
بوستاتك كلها في الجون بجد
انت بتخليني في كل حالةوحالة تايهة
بس مش كنت بعرف اعلق عدك
تقريبا في حاجة في النت كنت كل ما بعوز اعلق
تحصل حاجات غريبة
ما علينا بقي

بالنسبة للبوست

مش هضحك عليك بس كتير بترعب من الفكرة دي
واي بنت كدة علي فكرة بتبي غصب عنها مرعوبة من النقطة دي

بس يمكن السؤال اللي انت ذكره يجاوب عليه الرجاله اكتر من البنات

لاني مش جربت بصراحة اني احط نفسي مكان اي بنت بتعمل غلط

بس الخوف من انها تكون غير عذراء دة خوف يتملك اي بنت من قبل الزواج اصلا
بطبيعه فطرية موجودة فينا

أميرة البلطجية يقول...

سلام عليكم يا سمسم
انا فعلا بعتذرلك لأن واضح ان اعراض الشيخوخة زحفت عليا بدرى بدرى
انا من امبارح عمالة ادور ع الكومنت بتاعي في بوست وناسية اني كنت كتباه في بوست تاني خالصصصصصصصصصصصصص
لأ سورى بجد
خلاص لقيته وقريت ردك
سمسم ..دلوقتي انا قريت الكومنت التاني بتاعك والحقيقة اني مش عارفة..انت عايزني انشره؟ اصلي وصلتني اليوم قصة برضه وطلب مني عدم النشر..لكن الصحبة القصة كان بيوضح موقفه ليا
عموما انا مش حرد على قصتك لأنه مؤلمة جدا وفي الحالات دي اي نوع من النقاش بيبقي حقيقي ملوش اي لزمة
والحقيقة قلبي معاك
وبدعي من كل قلبي انك تكون تخطيت الازمة ورجعت تعيش حياتك من جديد
وربنا يباركلك في سهيلة وتملي عليك حياتك وتعوضك عن اي حاجة حصلت

أميرة البلطجية يقول...

سمسم
تعليق بقي ع البوست الجديد
ولو ان يعني الموضيع دي الواحد مبيعرفش يخش فيها بقلب جامد نظرا لحساسيتها
لكن انا ليا وجهة نظر..المفروض الشاب اللي رايح يناسب بيت يسأل ويعرف اهل البيت دول خلفيتهم ايه ويبقي عارف هو بيتجوز مين ويستخير ربنا ويصلح نيته وان شاء الله ربنا مش حيضيره
يعني الراجل قبل ما يوصل هذه المرحلة الحاسمة مع اي انسانة..لازم يكون وايق منها..مش ممكن يكون اول مرة يتأكد من حسن اختياره هي اليوم ده..وعلى رأيك..ايش ادراه ان الموضوع مش عمليات وكذا وكذا وربنا يعفي عن بنات المسلمين
اما عن اعتراف البنت لو كانت مخطأة.. فالحقيقة انا مع رأي الشيخ على..طبعا الستر اولي..والمهم التوبة طبعا
وربنا يستر اعراض المسلمين كلهم امين

بيتنا القديم يقول...

سمراء النيل
**********
والله وحشتينا

أنا خفت لاكون تقلت عليكي لما قلتلك تخديني معاك المرة الجاية لقهوة البورصة
بس والله انا اللي كنت هدفع المشاريب بتاعتي وبتعتك وبتاعة صحابك ومشاريب صاحب القهوة كمان
لأ ده انت متعرفنيش ده انا فنجري قوي ولما تطلب معايا إسراف وبزخ مبعرفش ابويا...إن شالله توصل لعشرة جنيه ولا يهمني...دي لحظات الصحبة متتعوضتش
المهم
مع إني الموضوع حساس جداً وله أكثر من شق نفسي وإجتماعي وتربوي وديني
إلا ما طرحته أنا هنا ليس إقامة محكمة لنقول في النهاية نحن مع من ضد من في الفتاوي المطروحة
مع إني وبصراحة...مع حالة الستر في المسائل اللي زي كده...بس الشيء اللي انا كنت بنظر عليه اكتر هو الصدق مع النفس ثم مع الآخر...وعملية العفو المتبادل بين الأطراف...وقبل توبة المخطيء في جميع مناحي الحياة...وعدم الغش خصوصاً في موقف حساس زي كده سيترتب عليه مشاكل اكبر من مجرد الإعتراف

تحياتي

بيتنا القديم يقول...

مولاتي
******
كفالله الشر اوعي تصرحي بكده قدام شعبك يا مولاتي أحسن بتوع المعارضه بيتلككو علي الساقطه واللاقطة...خصوصاً لو عرفو ان عندك الشر بره وبعيد زهيمر وإنك مش عارفه الفجر من الضهر
مولاتي إحنا ممكن نداويها نعينلك واحد مخصوص كل ما تلغبطي في الخطاب يديها تصفيق عشان لزوم الغلوشة...او يؤلك طا طا طا...زي سعاد حسني وفؤاد المهندس في فيلم وش إجرام بتاع أحمد رمزي...لما كانت عاوزه تشتغل في السيما
***************
سهيلة بتسلم عليكي وبتؤلك هو مفيش شكولاته تاني
علي فكره صور سهيلة علي مدونة أحمد شعبان في البوست بتاع زواج الدكتور محمد
***************

يزول الألم ويبقي الأجر

***************

تحياتي لمولاتي

بيتنا القديم يقول...

مولاتي
*****
الإبتلاء لابد منه...حتي مع الإستخارة

وحقيقي يجب ان نواجه مخاوفنا ونحطلها حلول جذرية ويجب ان تناقش مثل هذه المشاكل ولا تتقوقع في تابوه حتي نصطدم بها ونفتعل لها حلولاً لا يحبها الله ولا رسوله ولا العرف ولا المجتمع ولا حقوق الإنسان
الفتاه كائن والشاب كائن أيضاً...ونحن بشر والبشر يخطيء...وقد أخطأ أبينا آدم بغير قصد ثم تاب فغفر الله له...ولم يسمي الله نفسه الغفور عبثاً
بل قال"قل يا عبادي الذين اسرفوا علي انفسهم لا تقنطوا من روح الله، إن الله يغفر الذنوب جميعاً إنه هو الغفور الرحيم"
يغفر الذنوب جميعاً
أسرفوا
لا تقنطوا
معاني يجب تأملها والوقوف عندها طويلاً

وبردوه تحياتي لمولاتي

أميرة البلطجية يقول...

بسم الله ما شاء الله
ربنا يباركلك فيها انت ومامتها
وتكبر وترعرع كده..وتورث البلوج
(في حياتك طبعا)
وهي فعلا تستحق لقب اميرة
الاميرة سهيلة
طب انت مش طالع في اي حاجة؟؟
هههههههههههههه

Islamist Bloke يقول...

بقول اية يا حاج سمسم

انا عندي تجربة فى الموضوع ده

بس هى محرجة شوية وبذيئة شويتين

كنت بصراحة اتكسف انشرها

لكن احكي لك لان الموضوع شديد العلاقة والوثاقة بالبوست بتاعك

ليا صديق من ايام المدرسة..يعني...شاب غلبان ومحترم اخلاقيا بس الدنيا ملطشة معاه...مشاكل فى كل مكان واهله فقرا ومالقاش سكة غير انه يتاجر فى المخدرات...طبعا انا مش ببرر له اخطاء...بس دي حياته وده الواقع ومش هعلق اكتر من كدة

على مدار حياته اشتغل فى 60 مكان تقريبا...اشتغل كهربائى...سمكرى...سباك...نجار...منادي ميكروباص..سواق ميكروباص فى المناطق النائية...كل حاجة ممكن تتخيلها حلال ما جابتش همها
فى الاخر اشتغل فى دولاب مخدرات

وخلى موضوع شرح التجارة معاه اية ظروفها فى مشوار المخدرات لكن هبتدي بالموضوع اللى عايز احكيه هنا

صاحبي ده عنده 23 سنة واتجوز مرتين
ايوة اتجوز مرتين الاولى من وحدة عندها 35 سنة ومطلقة وكانت متجوزة 2 قبله والتانية شابة فى سننا بس مكملش مع واحدة فيهم اكتر من 3 اشهر وعادي بينفصلوا ويرجعوا ويتقابلوا وعادي جدا الحياة

الموضوع الاخير ده بدا لما راح حطب واحدة مواصفاتها : ساكنة فى العبور ايجار جديد -معزلين من البساتين -مش محجبة وبتلبس عريان خالص- متعرفش يعني اية صلاة او دين او اى حاجة- ضحكها ومسخرتها ماليين الشارع والشارع واخد عنها فكرة مش تمام-أمها ممرضة فى مستشفى-مش هكلمك عن اصطف التمريض انت تعرفه اكتر منى اكيد- وابوها جزمجي سابق وسجين حاليا...راح الزبون خطبها وظبط المسائل وبدأ يتحنجل على شقتهم فى الوقت اللى امها فيه فى المستشفى واختها التانية فى اى مشوار..ودخل فعلا الشقة فى مرة وحصل اللى حصل....بعدها جالى البيت وقاللى ..دي مش بنت...اول رد رديته عليه وعرفت ازاى..قاللى حصل كذا وكذا..قلت له طيب ولو كان حصل كدة وطلعت بنت كنت هتعمل اية ؟قال لى كنت هافضل معاها وعيب وانا مش خاين ومش هاضحك عليها وبعدين ابيعها والكلام ده...بعد ما فاق من الصدمة بيومين قال لى على فكرة انت كلامك صح دي لو حتى كانت بنت انا كنت هاسيبها واروح لغيرها

طبعا الخطوبة اتفشكلت بس مش فى ساعتها يعني هو خد الموضوع تجارة بعد ما عرف الحوار...قال مادام رايح عليا الشبكة اللى جبتها-دبلة وحبس وحاجة تانية قيمتهم كلهم 600 جنية- قال اتمتع بأة شوية-اخلاقه باظت على فكرة بعد تجارة المخدرات- المهم فضل معاها شهرين كمان كل يوم عندها لغاية ما زهق وخلاص تمام كدة وشكرا قال لها سلام يا هانم

القصة مؤلمة وسخيفة

لكن عايزين نستنبط منها حاجة مهمة اوى

اى ذكر فى الدنيا عنده حاسة قنص ..المتعة عنده مش في ممارسة الجنس او في اكل الفريسة وانما فى عملية القنص ذاتها

يعني الشاب اللى بيعلق واحدة بيه وبعد ما يعمل معاها الغلط-على اختلاف مسمى الغلط واللى بيتراوح بين مجرد الكلام معاها دقيقتين مرورا بالكلام فى التليفون بالليل وصولا للزنا والفاحشة-بعد ما بيعمل معاها اى غلط من دول بيسيبها لانه خلاص خد اللى عايزه...اية اللى عايزه؟ مجرد متعة القنص والا كان بقى مع البنت للابد لان المتعة ما بتخلصش طول ماهى معاك

نفس الكلام ينطبق حتى على اللى بيتجوز
ماهو برضة عنده غريزة القنص بس ده محترم والقنص بتاعه كان على شكل ارتباط دائم وجواز وكدة...لازم يحس برجولته وبمهارته فى القنص انه اقتنص فريسة سليمة مش جريحة قبل كدة ولا فيها اى عيب...وتلاحظ ده كويس اوى فى مواصفات الشاب فى عروسة المستقبل

طبعا احنا مع الستر والحلال بدون تدليس ولا غش ونصيحة اخيرة يا حاج سمسم وخدها من أزهرى

ما تاخدش اى دين من أزهرى
خصوصا المفتى وشيخ الازهر

الازهرية اليومين دول بدلوا وغيروا من بعد ما علموا

ربنا يهدينا ويهدي الجميع

واسف على القصة بس هى حقيقة للاسف
سلام

بيتنا القديم يقول...

مولاتي
*****
سهيللة بتمسي عليك

وهي قاعدة بتاكل أيس كريم كونو دلؤتي

بس إيه حكاية سهيلة تبقي أميرة

اوعي تكوني عاوزة تعمليها وتتنازلي

زي بتوع موريتانيا

حتي ولو كانت لسهيلة...متفضحيناش وسط

المعارضة يا مولاتي

ملحوظة
******
مسرور السياف بتاع المملكة عشمان في

إتنين من بتوع المعارضة يحطهم في قفص في

البيت عشان ولاده يلعبوا ويتسلوا بيهم

يا تري ممكن نديلوه إتنين...ماهم كتير

يا مولاتي...وخير ربنا كتير

بيتنا القديم يقول...

عم أحمد
******
كلام جميل...كلام معقول...بس اقدر اقول حاجات عنه
يا عمنا الأزهرين فيهم أهل خير والله...لم يبيعوا الدنيا بالأخرة...بس دول خلف الكواليس...وده مش الزمن اللي يظهروا فيه
بعدين إيه بقا حكاية...صف الممرضين اللي انا ادري الناس بيهم واعرفهم كويس...إيه ياعم حد قاللك إني فاتح بطني وعامله بسوسته وعامل ابونيه في قسم جراحة قصر العيني !!!
المهم بردوه
قصة الشاب اللي إنت اوردتها...ليس فيها أي مبرر للطريق الذي سلكه...ببساطة وبجد وبموجب كم المعلومات المتقطع اللي انت قلتها عنه
أشعر وكأنه كان لديه رغبة ودافع للمعصية من حيث كونها كذلك
يعني في قرارة نفسه كان عندوه نفس اللي عندنا...نفس لاومه...لكنه اهملها ولم يقلع او يتب لله...وأعان شيطانه علي نفسه فصارت نفسه امارة بالسوء...وهذه اسفل انةاع الأنفس وأردئها علي الإطلاق...لأنها لا تلوم صاحبها ولا تزجره ولا تندم بعد فعل المعصية مطلقاً
فكان ما كان من أمره مما تعلمه ولا نعلمه
ربنا يغفر لنا ويغفر له ويتوب علينا ويتوب عليه
وأفكرك بمحجوب(حمدي أحمد) الذي تزوج إحسان(سعاد حسني)في القاهرة30 وهوكان عارف إنها متاع للباشا(احمد مظهر)حتي بعد زواجه منها...بل إن الباشا كما رأينا كان بيجي لها في أي وقت وجوزها موجود بل كان محفوظ بيوضب له القاعدة ويستعجل إحسان لإستقبال الباشا
كل ذلك علشان يعلي درجة وظيفية
كم في حياتنا امثال صاحبك وامثال محجوب أفندي
كما يوجد امثال يوسف عليه السلام وأمثال مريم عليها السلام
واللي يدور أكيد هيلاقي...واللي يروح لبياع العطور يتريح ويستريح
واللي يروح للزبالة مايؤلش إف f

koukawy يقول...

انا اتفق ان غشاء البكاره مش دليل علي شرف البنت بدليل ان بنات كتير بتهبب الدنيا و لسه عذاري

بيتنا القديم يقول...

كوكوواي
*******
وحياة ربنا العظيم...مش مصدق نفسي حضرتك تنازلت وتعطفت وجيتي عندنا رغم مشغولياتك ومسؤلياتك...ياليلة بيضة سقف بتنا ولع والله
ــــــــــــــــــ
ونحن نتفق معك فيما ذهبت اليه


تحياتي

ويارب تكرر

قطر الندي يقول...

موضوع صعب و شائك شويتين كتير اوي ياسمسم بس انا شخصياً مع كل الارآء اللي اتقالت كلها صح و حتي كلام الشيخ علي جمعه اعتقد انه سليم و يحل مشاكل بنات كتير ماكنش ليها ذنب ابداً في حاجات حصلتلهم في طفولتهم او حتي حالات اغتصاب و زي مانت عارف كتير من البنات بتخاف من الفضيحه و تكفي علي الخبر ماجور لكن كمان الطب بيقول ان ممكن جداً البنت تفقد عذريتها بغير سبب يعني ممكن الغشاء يختفي لوحده من غير ماحد يقربله و ممكن كمان طفله تتولد من غيره اصلاً و طبعا"ً حالات كتير ممكن تفقد حياتها بسبب حاجه زي دي لو اكتشفها اهلها و قولي انت فيه كام شاب في الوقت الحالي ممكن يسامح و ماعملهاش فضيحه بجلاجل هي و اهلها اعتقد اننا نبقي بنظلم شريحه كبيره اوي من البنات الشرفاء لكن بالنسبه للشباب اللي بيقولوا انهم اصبحوا مش قادرين يعرفوا يختاروا زوجه من كتر اللي بيسمعوه رسولنا الكريم محمد صلي الله عليه و سلم حلهالهم بمنتهي البساطه اظفر بذات الدين تربت يداك و بس

بيتنا القديم يقول...

عزيزتي قطر الندي
****************
بجد

وجداني

قريت تعليقك

ولائيتوا يستاهل يكون هو البوست

والبوست بتاعي يكون تعليق

مش مجاملة

تحياتي